5 ਕਿਲੋਮੀਟਰ ਦੀ ਪੈਦਲ ਯਾਤਰਾ ਨੇ ਲੋਕਾਂ ਦਾ ਧਿਆਨ ਖਿੱਚਿਆ
ਕੈਲਗਰੀ(ਹਰਬੰਸ ਬੁੱਟਰ) ਕੈਲਗਰੀ ਤੇ ਦੁਨੀਆˆ ਭਰ ਵਿੱਚ 2006 ਤੋˆ ਕਨੂੰਨੀ ਤੇ ਗੈਰ ਕਨੂੰਨੀ ਨਸ਼ਿਆˆ ਦੇ ਸਰੀਰ, ਪਰਿਵਾਰ ਤੇ ਸਮਾਜ ਤੇ ਪੈ ਰਹੇ ਦੁਰ ਪ੍ਰਭਾਵਾˆ ਪ੍ਰਤੀ ਜਾਗਰੂਕਤਾ ਪੈਦਾ ਕਰ ਰਹੀ ਸੰਸਥਾ ‘ਡਰੱਗ ਅਵੇਅਰਨੈਸ ਫਾਊˆਡੇਸ਼ਨ, ਕੈਲਗਰੀ‘ ਵਲੋ 10 ਮਈ ਨੂੰ ਪ੍ਰੇਰੀਵਿੰਡਜ਼ ਪਾਰਕ ਵਿੱਚ ਚੌਥੀ ਸਲਾਨਾ 5 ਕਿਲੋਮੀਟਰ ਡਰੱਗ ਅਵੇਅਰਨੈਸ ਵਾਕ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ ਬੱਚਿਆˆ, ਨੌਜਵਾਨਾˆ, ਬਜ਼ੁਰਗਾˆ ਆਦਿ ਹਰ ਵਰਗ ਦੇ ਲੋਕਾˆ ਵਲੋˆ ਬੜੇ ਉਤਸ਼ਾਹ ਨਾਲ ਭਾਗ ਲਿਆ ਗਿਆ।ਇਸ ਵਰ੍ਹੇ ਦੀ ਵਾਕ ਵਿੱਚ ਨੌਜਵਾਨ ਔਰਤਾˆ ਵਲੋˆ ਬੱਚਿਆˆ ਸਮੇਤ ਭਾਗ ਲੈਣਾ ਸ਼ਲਾਘਾਯੋਗ ਸੀ।ਯਾਦ ਰਹੇ ਇਸੇ ਸੰਸਥਾ ਦੇ ਬਾਨੀ ਤੇ ਮੁੱਖ ਪ੍ਰਬੰਧਕ ਬਲਵਿੰਦਰ ਸਿੰਘ ਕਾਹਲੋˆ ਵਲੋˆ ਸਾਲ 2011 ਵਿੱਚ ਸਾਰੇ ਕਨੇਡਾ ਵਿੱਚ 7400 ਕਿਲੋਮੀਟਰ ਲੰਬੀ ਡਰੱਗ ਅਵੇਅਰਨੈਸ ਵਾਕ ਕਰਕੇ ਇਤਿਹਾਸ ਸਿਰਜਿਆ ਗਿਆ ਸੀ।ਇਸ ਮੌਕੇ ਤੇ ਬਲਵਿੰਦਰ ਸਿੰਘ ਕਾਹਲੋˆ ਤੋˆ ਇਲਾਵਾ ਸਾਬਕਾ ਐਮ ਐਲ ਏ ਦਰਸ਼ਨ ਸਿੰਘ ਕੰਗ, ਨੀਨਾ ਖਰ੍ਹੇ ਤੇ ਡਾ. ਪ੍ਰੀਤ ਨੇ ਨਸ਼ਿਆˆ ਦੇ ਮਾਰੂ ਪ੍ਰਭਾਵਾˆ ਬਾਰੇ ਆਪਣੇ ਵਿਚਾਰ ਰੱਖੇ ਤੇ ਲੋਕਾˆ ਨੂੰ ਨਸ਼ਿਆˆ ਪ੍ਰਤੀ ਆਪਣੇ ਪਰਿਵਾਰਾˆ ਨੂੰ ਸੁਚੇਤ ਰਹਿਣ ਦਾ ਸੁਨੇਹਾ ਦਿੱਤਾ।ਪ੍ਰੋਗਰਾਮ ਦੇ ਅਖੀਰ ਤੇ ‘ਮਦਰਜ਼ ਡੇ‘ ਨੂੰ ਸਮਰਪਿਤ ਡਰਾਅ ਕੱਢੇ ਗਏ ਤੇ ਮੀਡੀਆ ਸਮੇਤ ਸਾਰੀਆˆ ਸੰਸਥਾਵਾˆ ਦੇ ਨੁਮਾਇੰਦਿਆˆ ਅਤੇ ਸ਼ਾਮਿਲ ਲੋਕਾˆ ਦਾ ਧੰਨਵਾਦ ਕੀਤਾ ਗਿਆ।ਇਥੇ ਇਹ ਵੀ ਵਰਨਣਯੋਗ ਹੈ ਕਿ ਪਿਛਲੇ ਹਫਤੇ ਵਿੱਚ ਸੰਸਥਾ ਦੇ ਵਲੰਟੀਅਜ਼ ਵਲੋˆ ਸਿਟੀ ਹਾਲ ਵਿੱਚ ਬੂਥ ਲਗਾ ਕੇ ਨਸ਼ਾ ਵਿਰੋਧੀ ਜਾਣਕਾਰੀ ਦਿੱਤੀ ਗਈ ਸੀ।
Top
ਹਾਂਗਕਾਂਗ 4 ਮਈ 2015 (ਅ.ਸ. ਗਰੇਵਾਲ) ਪਿਛਲੇ ਹਫਤੇ ਨੇਪਾਲ ਵਿਚ ਆਏ ਭਾਰੀ ਭੁਚਾਲ ਪੀੜਤਾਂ ਲਈ ਦੁਨੀਆਂ ਭਰ ਵਿਚੋਂ ਸਹਾਇਤਾ ਆ ਰਹੀ ਹੈ। ਇਸ ਤਹਿਤ ਹੀ ਹਾਂਗਕਾਂਗ ਸਥਿਤ ਸ੍ਰੀ ਗੁਰੁ ਨਾਨਕ ਦੇਵ ਜੀ ਲੋਕ ਭਲਾਈ ਟਰੱਸਟ ਵੱਲੋਂ ਵੀ ਪੀੜਤਾਂ ਦੀ ਮੱਦਦ ਲਈ ਰਾਸ਼ੀ ਇਕੱਠੀ ਕੀਤੀ ਗਈ ਜਿਸ ਵਿਚ ਪੰਜਾਬੀਆਂ ਨੇ ਦਿਲ ਖੋਲ ਕੇ ਦਾਨ ਦਿਤਾ। ਇਸ ਦੌਰਾਨ ਲੱਗਭੱਗ 8 ਲੱਖ ਨੇਪਾਲੀ ਰੁਪਏ ਦੇ ਬਰਾਬਰ ਮੁੱਲ ਦੀ ਰਾਸ਼ੀ ਇਕੱਠੀ ਹੋਈ ਜੋ ਕਿ ਹਾਂਗਕਾਂਗ ਸਥਿਤ ਇੱਕ ਨੇਪਾਲੀ ਗਰੁੱਪ 'ਐਲ ਜੀ ਐਸੋਸੀਏਸਨ ਆਫ ਹਾਂਗਕਾਂਗ' ਨੂੰ ਚੈਕ ਰਾਂਹੀ ਭੇਟ ਕੀਤੀ ਗਈ।
ਇਸ ਗਰੁੱਪ ਵੱਲੋਂ ਇਹ ਰਾਸ਼ੀ ਨੇਪਾਲ ਵਿੱਚ ਉਨਾਂ ਲੋਕਾਂ ਤੱਕ ਪਹੁੰਚਾਈ ਜਾਵੇਗੀ ਜਿੱਥੇ ਅਜੇ ਤੱਕ ਕੋਈ ਵੀ ਸਰਕਾਰੀ ਜਾਂ ਗੈਰ ਸਰਕਾਰੀ ਸਹਾਇਤਾ ਨਹੀਂ ਪਹੁੰਚ ਸਕੀ। ਇਹ ਨੇਪਾਲੀ ਗਰੁੱਪ ਹਾਲ ਦੀ ਘੜ੍ਹੀ ਭੁਚਾਲ ਪੀੜਤਾਂ ਲਈ ਜਰੂਰੀ ਸਮਾਨ ਜਿਵੇਂ ਕਿ ਖਾਣਾ, ਪੀਣ ਵਾਲਾ ਪਾਣੀ ਅਤੇ ਦਵਾਈਆਂ ਆਦਿ ਨਾਲ ਹੀ ਮਦਦ ਕਰੇਗਾ ਪਰ ਭਵਿੱਖ ਵਿਚ ਇਸ ਗਰੁੱਪ ਦੀ ਪੀੜਤਾਂ ਲਈ ਘਰ ਆਦਿ ਬਣਾ ਕੇ ਦੇਣ ਦੀ ਵੀ ਯੋਜਨਾ ਹੈ ਕਿਉਂ ਕਿ ਭੁਚਾਨ ਕਾਰਨ ਕਰੀਬ 80% ਘਰਾਂ ਦਾ ਨੁਕਸਾਨ ਹੋਇਆ ਹੈ।
ਯਾਦ ਰਹੇ ਨੇਪਾਲ ਵਿਚ ਆਏ 7.9 ਦਰਜੇ ਦੇ ਭੁਚਾਲ ਕਾਰਨ 7 ਹਜ਼ਾਰ ਦੇ ਕਰੀਬ ਮੌਤਾਂ ਹੋ ਚੁੱਕੀਆਂ ਹਨ ਜਦ ਕਿ ਵੱਡੀ ਗਿਣਤੀ ਵਿਚ ਲੋਕੀ ਜਖ਼ਮੀ ਹੋਏ ਹਨ।
Top
ਕੈਲਗਰੀ(ਹਰਬੰਸ ਬੁੱਟਰ) ਕੈਲਗਰੀ ਦੇ ਮੈਗਨੋਲੀਆ ਹਾਲ ਅੰਦਰ ਪਾਲੀ ਵਿਰਕ ਅਤੇ ਕਰਮ ਸਿੱਧੂ ਵੱਲੋਂ ਪੰਜਾਬ ਤੋਂ ਆਏ ਨਾਮਵਰ ਗਾਇਕਾਂ ਦੇ ਕਰਵਾਏ ਗਏ ਪਰੋਗਰਾਮ “ਮੇਲਾ ਪੰਜਾਬਣਾਂ ਦਾ” ਨੇ ਵਿਰਾਸਤੀ ਰੰਗ ਬੰਨਿਆ । ਪਰੋਗਰਾਮ ਦੀ ਸੁਰਆਤ ਪੰਜਾਬੀ ਸੱਭਿਆਚਾਰ ਦੇ ਵਿਹੜੇ ਅੰਦਰ ਅਣਮੁਲੇ ਸਬਦਾਂ ਰਾਹੀ ਸਟੇਜ ਅਤੇ ਕਲਾਕਾਰ ਦਰਮਿਆਨ ਸਾਂਝ ਪਵਾਉਣ ਵਾਲੀ ਆਸ਼ਾ ਸਰਮਾ ਦੇ ਬੋਲਾਂ ਨਾਲ ਹੁੰਦੀ ਹੈ। ਖਚਾਖਚ ਭਰੇ ਹੋਏ ਪੰਜਾਬਣਾਂ ਦੇ ਪੰਡਾਲ ਅੰਦਰ ਆਸਾ ਸਰਮਾ ਦੀ ਜ਼ੁਬਾਨ ਉੱਤੇ ਜਿਓਂ ਹੀ ਇੱਕ ਨਵਾਂ ਨਕੋਰ ਨਾਂ ਅਨਮੋਲ ਗਗਨ ਮਾਨ ਆਉਂਦਾ ਹੈ ਤਾਂ ਸਾਜਾਂ ਦੀ ਧਮਾਲ ਪੈਣ ਲੱਗਦੀ ਹੈ ਅਤੇ ਇਸੇ ਹੀ ਧਮਾਲ ਵਿੱਚ ਸਟੇਜ ਉੱਪਰ ਗੜਕਦੇ ਕੜਕਦੇ ਅੰਦਾਜ਼ ਵਿੱਚ ਠੇਠ ਮਲਵਈ ਬੋਲਾਂ ਨਾਲ “ਪਤੰਦਰ” ਨੂੰ ਮਿਹਣੇ ਮਾਰਦੀ ਇੱਕ ਮੁਟਿਆਰ ਸਟੇਜ ਦਾ ਸਿੰਗਾਰ ਬਣਦੀ ਹੈ। ਹਾਂ ਇਹੀ ਹੈ ਅਨਮੋਲ ਗਗਨ ਮਾਨ ਜਿਸ ਨੇ ਪੰਜਾਬੀ ਗਾਇਕੀ ਦੇ ਵਿਹੜੇ ਵਿੱਚ ਹੁਣੇ ਹੀ ਸਾਫ ਸੁਥਰੀ ਗਾਇਕੀ ਦੀ ਵਚਨਵੱਧਤਾ ਨਾਲ ਕਦਮ ਰੱਖਿਆ ਹੈ। ਆਮ ਤੌਰ ‘ਤੇ ਪ੍ਰੋਗਰਾਮ ਦੇ ਆਖੀਰ ਵਿੱਚ ਪੰਜਾਬਣਾਂ ਨੂੰ ਨੱਚਦੇ ਵੇਖਿਆ ਹੈ ਪਰ ਇਹ ਇਕ ਅਜਿਹਾ ਪਹਿਲਾ ਪਰੋਗਰਾਮ ਸੀ ਜਿਸ ਦੀ ਸੁਰੂਆਤ ਹੀ ਨੱਚਣ ਟੱਪਣ ਨਾਲ ਹੋਈ।
Top
ਆਕਲੈਂਡ 19 ਅਪ੍ਰੈਲ (ਹਰਜਿੰਦਰ ਸਿੰਘ ਬਸਿਆਲਾ)-ਇਥੋਂ ਲਗਪਗ 1100 ਕਿਲੋਮੀਟਰ ਦੂਰ ਦੱਖਣੀ ਟਾਪੂ ਦੇ ਸ਼ਹਿਰ ਕ੍ਰਾਈਸਟਚਰਚ ਵਿਖੇ ਮਨਾਏ ਗਏ ਖਾਲਸਾ ਸਾਜਨਾ ਦਿਵਸ ਮਨਾਇਆ ਗਿਆ। ਸੁਖਮਨੀ ਸਾਹਿਬ ਦੇ ਭੋਗ ਉਪਰੰਤ ਸਥਾਨਕ ਵਿਦਿਆਰਥੀਆਂ ਨੇ ਅਤੇ ਆਕਲੈਂਡ ਤੋਂ ਗਏ ਭਾਈ ਭਗਵਾਨ ਸਿੰਘ ਨੇ ਸ਼ਬਦ ਕੀਰਤਨ ਕੀਤਾ। ਗਿਆਨੀ ਰਣਜੋਧ ਸਿੰਘ ਜੋ ਕਿ ਪੰਜਾਬ ਤੋਂ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ ਹੋਏ ਹਨ ਨੇ ਗੁਰਬਾਣੀ ਕਥਾ ਨਾਲ ਸੰਗਤਾਂ ਨੂੰ ਨਿਹਾਲ ਕੀਤਾ। ਅੱਜ ਹੋਏ ਅੰਮ੍ਰਿਤ ਸੰਚਾਰ ਵਿਚ 10 ਪ੍ਰਾਣੀਆਂ ਨੇ ਅੰਮ੍ਰਿਤ ਪਾਨ ਕੀਤਾ। ਇਸ ਤੋਂ ਇਲਾਵਾ 10 ਹੋਰ ਪ੍ਰਾਣੀਆਂ ਨੇ ਆਪਣੇ ਨਾਂਅ ਲਿਖਵਾਏ ਸਨ, ਪਰ ਉਹ ਅਜੇ ਆਪਣਾ ਮਨ ਪੱਕਾ ਨਾ ਹੋਣ ਕਰਕੇ ਕੁਝ ਸਮਾਂ ਹੋਰ ਲੈ ਗਏ। ਸਿੱਖ ਸੁਸਾਇਟੀ ਸਾਊਥ ਆਈਲੈਂਡ ਦੇ ਪ੍ਰਧਾਨ ਚਰਨ ਸਿੰਘ ਬੋਲੀਨਾ ਅਤੇ ਸਕੱਤਰ ਇੰਦਰਜੀਤ ਸਿੰਘ ਨੇ ਸੁਪਰੀਮ ਸਿੱਖ ਸੁਸਾਇਟੀ ਨਿਊਜ਼ੀਲੈਂਡ ਸਮੇਤ ਪੰਜਾਂ ਪਿਆਰਿਆਂ ਅਤੇ ਹੋਰ ਸਿੰਘਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ। ਸੁਸਾਇਟੀ ਵੱਲੋਂ ਖਾਲਸਾ ਪੰਥ ਦੇ ਸਾਜਨਾ ਦਿਵਸ ਦੀ ਵਧਾਈ ਦਿੱਤੀ ਗਈ।
Top
ਕੈਲਗਰੀ (ਹਰਬੰਸ ਬੁੱਟਰ ) ਪੰਜਾਬੀ ਮੀਡੀਆ ਕਲੱਬ ਕੈਲਗਰੀ, ਦੀ ਪਿਛਲੀ ਕਮੇਟੀ ਦਾ ਕਾਰਜਕਾਲ 31 ਮਾਰਚ 2015 ਨੂੰ ਖ਼ਤਮ ਉਪਰੰਤ ਪੁਰਾਣੀ ਕਮੇਟੀ ਨੇ ਸਰਬ ਸੰਮਤੀ ਨਾਲ ਚੁਣੀ ਨਵੀਂ ਕਮੇਟੀ ਨੂੰ ਕਲੱਬ ਦਾ ਚਾਰਜ ਅਤੇ ਪਿਛਲੇ ਸਾਲ ਦਾ ਲੇਖਾ-ਜੋਖਾ ਦੇਣ ਵਾਸਤੇ ਮੀਟਿੰਗ ਕੀਤੀ। ਪ੍ਰਧਾਨ ਰਣਜੀਤ ਸਿੰਘ ਸਿੱਧੂ ਨੇ ਪਿਛਲੇ ਸਾਲ ਦੇ ਕਲੱਬ ਦੇ ਕੰਮਾਂ ਬਾਰੇ ਦੱਸਿਆ ਅਤੇ ਸਭ ਮੈਂਬਰਾਂ ਦਾ ਪੂਰਾ ਸਾਲ ਸਹਿਯੋਗ ਦੇਣ ਲਈ ਧੰਨਵਾਦ ਕਰਦਿਆਂ ਨਵੀਂ ਕਮੇਟੀ ਨੂੰ ਆਪਣੇ ਵੱਲੋਂ ਪੂਰਨ ਸਹਿਯੋਗ ਦੀ ਹਾਮੀ ਭਰੀ। ਮੀਡੀਆ ਕਲੱਬ ਦੀ ਅਪ੍ਰੈਲ 2015 ਤੋਂ 31 ਮਾਰਚ 2016 ਤੱਕ ਕੰਮ ਕਰਨ ਵਾਲੀ ਨਵੀਂ ਕਮੇਟੀ ਦੇ ਪ੍ਰਧਾਨ ਜੱਗਪ੍ਰੀਤ ਸਿੰਘ ਸ਼ੇਰਗਿੱਲ ਅਤੇ ਜਨਰਲ ਸਕੱਤਰ ਸਤਵਿੰਦਰ ਸਿੰਘ ਨੇ ਸਭ ਮੈਂਬਰਾ ਦੇ ਸਹਿਯੋਗ ਨਾਲ ਕਲੱਬ ਦੇ ਭਵਿੱਖ ਦੀ ਜਿ਼ੰਮੇਵਰੀ ਸੰਭਾਲੀ। ਜਿ਼ਕਰਯੋਗ ਹੈ ਨਵੀਂ ਕਮੇਟੀ ਵਿਚ ਉਪਰੋਤਕ ਤੋਂ ਇਲਾਵਾ ਵਾਈਸ ਪ੍ਰਧਾਨ -ਜਸਜੀਤ ਸਿੰਘ ਧਾਮੀ, ਸਹਾਇਕ ਸਕੱਤਰ- ਪਰਮ ਸੂਰੀ, ਖਜ਼ਾਨਚੀ- ਰਜੇਸ਼ ਅੰਗਰਾਲ, ਸਹਾਇਕ ਖਜ਼ਾਨਚੀ- ਜਗਜੀਤ ਢਿੱਲੋਂ, ਮੀਡੀਆ ਕੋਆਰਡੀਨੇਟਰ- ਮਨਜੀਤ ਸਿੰਘ ਪਿਆਸਾ ਅਤੇ ਚਾਰ ਬੋਰਡ ਮੈਂਬਰ ਜਿਹਨਾਂ ਵਿਚ ਬਲਜਿੰਦਰ ਸੰਘਾ, ਗੁਰਦੀਪ ਕੌਰ ਪਰਹਾਰ, ਜੈਸੀ ਸਿੰਘ ਅਤੇ ਬੀਜਾ ਰਾਮ ਚੁਣੇ ਗਏ ਹਨ। ਇਸ ਮੀਟਿੰਗ ਵਿਚ ਗੁਰਦੀਪ ਕੌਰ ਪਰਹਾਰ, ਜਸਜੀਤ ਸਿੰਘ ਧਾਮੀ, ਚੰਦ ਸਿੰਘ ਸਦਿਓੜਾ, ਹਰਬੰਸ ਬੁੱਟਰ, ਸ਼ਾਲੂ ਗਰੇਵਾਲ, ਬਲਜਿੰਦਰ ਸੰਘਾ, ਪਰਮ ਸੂਰੀ, ਗੁਰਬਚਨ ਬਰਾੜ ਹਾਜ਼ਰ ਸਨ। ਪੰਜਾਬੀ ਮੀਡੀਆ ਕਲੱਬ ਕੈਲਗਰੀ, ਕੈਨੇਡਾ ਨਾਮ ਦੀ ਸੰਸਥਾ ਕਈ ਸਾਲ ਪਹਿਲਾ ਕੁਝ ਮੀਡੀਆ ਹਸਤੀਆਂ ਨੇ ਸਥਾਪਤ ਕੀਤੀ ਸੀ ਜਿਸਦੇ ਪਹਿਲੇ ਪ੍ਰਧਾਨ ਹਰਚਰਨ ਸਿੰਘ ਪਰਹਾਰ ਬਣੇ ਸਨ ।
Top
ਆਕਲੈਂਡ 19 ਮਾਰਚ (ਹਰਜਿੰਦਰ ਸਿੰਘ ਬਸਿਆਲਾ)-ਨਿਊਜ਼ੀਲੈਂਡ 'ਚ 22 ਮਾਰਚ ਤੋਂ 19 ਅ੍ਰਪੈਲ ਤੱਕ ਚਲਾਈ ਜਾ ਰਹੀ ਨਿਊਜ਼ੀਲੈਂਡ ਵੋਮੈਨ ਇੰਟਰਨੈਸ਼ਨਲ ਕਬੱਡੀ ਲੀਗ ਦੇ ਵਿਚ ਹਿੱਸਾ ਲੈਣ ਲਈ ਭਾਰਤੀ ਕੁੜੀਆਂ ਦੀ 15 ਮੈਂਬਰੀ ਟੀਮ ਆਪਣੇ ਕੋਚ ਕੁਲਵਿੰਦਰ ਸਿੰਘ ਦੀ ਅਗਵਾਈ ਵਿਚ ਅੱਜ ਦੁਪਹਿਰ 1 ਵਜੇ ਆਕਲੈਂਡ ਹਵਾਈ ਅੱਡੇ ਉਤੇ ਪਹੁੰਚੀ। ਉਨ੍ਹਾਂ ਦੇ ਸਵਾਗਤ ਲਈ ਸ. ਤਾਰਾ ਸਿੰਘ ਬੈਂਸ, ਇੰਦਰਜੀਤ ਕਾਲਕਟ, ਬਲਿਹਾਰ ਸਿੰਘ, ਮਨਜੀਤ ਸਿੰਘ ਬੱਲਾ, ਗੁਰਵਿੰਦਰ ਸਿੰਘ ਔਲਖ, ਦਲਬੀਰ ਸਿੰਘ ਲਸਾੜਾ, ਦਲਜੀਤ ਸਿੰਘ, ਅਮਰੀਕ ਸਿੰਘ ਸੰਘਾ, ਤੀਰਥ ਸਿੰਘ ਅਟਵਾਲ, ਦਲਜੀਤ ਸਿੰਘ ਸਿੱਧੂ, ਸਤਨਾਮ ਸਿੰਘ ਬੈਂਸ. ਅਵਤਾਰ ਸਿੰਘ ਤਾਰੀ ਤੇ ਨਵਤੇਜ ਸਿੰਘ ਰੰਧਾਵਾ ਹੋਰੀਂ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ ਹੋਏ ਸਨ। ਮਾਓਰੀ ਕੁੜੀਆਂ ਦੀ ਕਬੱਡੀ ਖਿਡਾਰਨਾਂ ਵੀ ਹਵਾਈ ਅੱਡੇ ਉਤੇ ਸਵਾਗਤ ਕਰਨ ਪਹੁੰਚੀਆਂ। ਪਹਿਲਾ ਮੈਚ 22 ਮਾਰਚ ਨੂੰ ਗੁਰਦੁਆਰਾ ਸ੍ਰੀ ਕਲਗੀਧਰ ਸਾਹਿਬ ਟਾਕਾਨੀਨੀ ਦੇ ਖੇਡ ਮੈਦਾਨ ਵਿਚ ਹੋਵੇਗਾ।
Top
ਹਾਂਗਕਾਂਗ 16 ਮਾਰਚ 2015 (ਅ.ਸ.ਗਰੇਵਾਲ) : ਹਾਂਗਕਾਂਗ ਦੀ ਸੰਗਤ ਵੱਲੋ ਹਰ ਸਾਲ ਦੀ ਤਰਾਂ ਹੀ ਇਸ ਵਾਰ ਵੀ ਸਿਖ ਵਾਤਾਵਰਣ ਦਿਵਸ ਬੂਟੇ ਲਗਾ ਕੇ ਮਨਾਇਆ ਗਿਆ। ਇਸ ਸਬੰਧੀ 25 ਵਲੰਟੀਅਰਾ ਦਾ ਇਕ ਜੱਥਾ ਲਾਨਤੋ ਆਈ ਲੈਡ ਦੇ ਮੂਈ ਵੂ ਏਰੀਏ ਵਿਚ ਗਿਆ ਤੇ ਉਥੈ ਇਕ ਪਹਾੜੀ ਦੀ ਚੋਟੀ ਤੇ 100 ਵੱਖ ਵੱਖ ਤਰਾ ਦੇ ਬੂਟੇ ਲਾਏ। ਇਹ ਬੂਟੇ ਲਾਉਣ ਤੋ ਪਹਿਲਾ "ਦਰਖਤਾ ਦੀ ਮਨੱਖਾਂ ਲਈ ਮਹੱਤਤਾ" ਵਿਸੇ ਤੇ ਗੱਲਬਾਤ ਵੀ ਕੀਤੀ ਗਈ। ਇਸ ਜੱਥੇ ਵਿਚ ਅੱਧ ਤੋ ਵੱਧ ਬੀਬੀਆ ਸਨ ਤੇ ਕੁਝ ਬੱਚੇ ਵੀ ਇਸ ਸਾਮਲ ਹੋਏ। ਚੋਟੀ ਤੇ ਪੁਹੰਚ ਕੇ 'ਏਕ ਈਡਨ' ਸੰਸਥਾ ਦੀ ਕਰਮਾਚਾਰੀ ਸੂ ਨਾਮੀ ਇਕ ਔਰਤ ਨੇ ਬੂਟੇ ਲਾਉਣ ਬਾਰੇ ਜਾਣਾਕਾਰੀ ਦਿਤੀ ਤੇ ਇਸ ਤੋ ਬਾਅਦ ਅਰਦਾਸ ਕਰਕੇ 3 ਸਾਲਾ ਬੱਚੀ ਮਨਧੀਰਤ ਕੌਰ ਨੇ ਪਹਿਲਾ ਬੂਟਾ ਲਾਇਆ। ਕਰੀਬ ਇਕ ਘੰਟੇ ਦੇ ਸਮੇ ਵਿਚ ਹੀ 100 ਬੂਟੇ ਲੲ ਕੇ ਇਹ ਜੱਥਾ ਵਾਪਸ ਆ ਗਿਆ। ਬੀਚ ਤੇ ਬੈਠ ਕੇ ਲੰਗਰ ਛਕਿਆ ਜੋ ਕਿ ਗੁਰੂ ਘਰ ਤੋ ਤਿਆਰ ਕਰਕੇ ਲਿਆਦਾ ਗਿਆ ਸੀ। ਕਰੀਬ 3:15 ਵਜੇ ਇਹ ਜੱਥਾ ਨੇ ਗਰੂਘਰ ਲਈ ਵਾਪਸੀ ਕੀਤੀ।ਯਾਦ ਰਹੇ ਕਿ ਸਿਖਾ ਦੇ ਗੁਰੂ ਹਰਰਾਏ ਸਹਿਬ ਜੀ ਦੇ ਗੁਰ ਗੱਦੀ ਦਿਵਸ ਨੂੰ ਸਮਰਪਤ, ਇਹ ਲਾਗਤਾਰ 5ਵੀ ਵਾਰ ਹੈ ਜਦ ਸੰਗਤ ਵੱਲੋ ਇਸ ਤਰਾ ਬੂਟੇ ਲਾਏ ਗਏ ਹਨ ਪਰ ਇਹ ਪਹਿਲੀ ਵਾਰ ਹੈ ਕਿ ਬੂਟੇ ਹਾਂਗਕਾਂਗ ਵਿਚ ਲਾਏ ਗਏ। ਇਸ ਤੋ ਪਹਿਲਾ ਕੁਝ ਕਾਰਨਾ ਕਰਕੇ ਬੂਟੇ ਲਾਉਣ ਚੀਨ ਵਿਚ ਜਾਣਾ ਪੈਦਾ ਸੀ।
Top
ਬਠਿੰਡਾ/12 ਮਾਰਚ/ ਬੀ ਐਸ ਭੁੱਲਰ
ਪੁਸਤਕਾਂ ਵੀ ਸਮਾਜ ਵਿੱਚ ਚਾਨਣ ਕਰਦੀਆਂ ਹਨ, ਕਾਸ਼ ਕਿਤਾਬਾਂ ਦੇ ਜਨਮ ਦਿਨ ਵੀ ਮਨਾਏ ਜਾਣ। ਇਸ ਸੁਪਨੇ ਨੂੰ ਸਾਕਾਰ ਕਰਦਿਆਂ ਪੰਜਾਬੀ ਸਾਹਿਤ ਸਭਾ ਬਠਿੰਡਾ ਨੇ ਇੱਕ ਅਜਿਹੀ ਪ੍ਰਸਿੱਧ ਪੁਸਤਕ ‘ਰਾਤ ਬਾਕੀ ਹੈ’ ਦਾ ਜਨਮ ਦਿਨ ਮਨਾਉਣ ਦਾ ਫੈਸਲਾ ਕੀਤਾ ਹੈ, ਜਿਸਦੇ ਨਾਂ ਤੋਂ ਉਹ ਵਿਅਕਤੀ ਜਾਣੂ ਹੈ ਜਿਸਨੂੰ ਪੰਜਾਬੀ ਪੜ•ਣੀ ਆਉਂਦੀ ਹੈ।
ਸਭਾ ਦੇ ਪ੍ਰਧਾਨ ਜਸਪਾਲ ਮਾਨਖੇੜਾ ਅਤੇ ਜਨਰਲ ਸਕੱਤਰ ਰਣਜੀਤ ਗੌਰਵ ਨੇ ਦੱਸਿਆ ਕਿ ਅੱਜ ਜਦ ਲੋਕ ਪੁੱਤਾਂ ਧੀਆਂ ਦੇ ਜਨਮ ਦਿਨ ਇਸ ਕਰਕੇ ਮਨਾਉਂਦੇ ਹਨ ਕਿ ਪੁੱਤ ਘਰਾਂ ਦੇ ਚਿਰਾਜ ਹੁੰਦੇ ਹਨ ਅਤੇ ਧੀਆਂ ਮਾਪਿਆਂ ਦੇ ਘਰਾਂ ਦਾ ਨੂਰ ਹੁੰਦੀਆਂ ਹਨ, ਪੰਜਾਬੀ ਸਾਹਿਤ ਸਭਾ ਬਠਿੰਡਾ ਨੇ ਮਹਿਸੂਸ ਕੀਤਾ ਕਿ ਪੁਸਤਕਾਂ ਜੋ ਸਮਾਜ ਵਿੱਚ ਚਾਨਣ ਕਰਦੀਆਂ ਹਨ, ਇਸ ਲਈ ਪੁਸਤਕਾਂ ਦੇ ਵੀ ਜਨਮ ਦਿਨ ਮਨਾਉਣੇ ਚਾਹੀਦੇ ਹਨ। ਸਭਾ ਦੀ ਬੀਤੇ ਦਿਨੀਂ ਹੋਈ ਸਾਹਿਤਕ ਮੀਟਿੰਗ ਸਮੇਂ ਵਿਚਾਰ ਚਰਚਾ ਕਰਦਿਆਂ ਸਮਾਜ ਦੇ ਵੱਖ ਵੱਖ ਵਰਗਾਂ ਉਪਰ ਵਿਆਪਕ ਅਸਰ ਪਾਉਣ ਵਾਲੀ ਪੁਸਤਕ, ਪ੍ਰਸਿੱਧ ਨਾਵਲਕਾਰ ਜਸਵੰਤ ਸਿੰਘ ਕੰਵਲ ਦੀ ਰਚਨਾ ਸੰਸਾਰ ਪ੍ਰਸਿੱਧ ਨਾਵਲ ‘ਰਾਤ ਬਾਕੀ ਹੈ’ ਦਾ 60ਵਾਂ ਜਨਮ ਦਿਨ 15 ਮਾਰਚ ਨੂੰ ਮਨਾਉਣ ਦਾ ਫੈਸਲਾ ਕੀਤਾ ਗਿਆ, ਜਿਸਦਾ ਮੁੱਖ ਮੰਤਵ ਕਿਤਾਬਾਂ ਦੀ ਮਹੱਤਤਾ ਨੂੰ ਉਜਾਗਰ ਕਰਨਾ ਹੈ।
ਉਹਨਾਂ ਦੱਸਿਆ ਕਿ ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਸ੍ਰੀ ਸਰੂਪ ਚੰਦ ਸਿੰਗਲਾ ਮੁੱਖ ਸੰਸਦੀ ਸਕੱਤਰ ਪੰਜਾਬ ਹੋਣਗੇ, ਇਸ ਨਾਵਲ ਦੇ ਲੇਖਕ ਸ੍ਰੀ ਜਸਵੰਤ ਸਿੰਘ ਕੰਵਲ ਅਤੇ ਸ੍ਰੀ ਹਰਬੰਸ ਸਿੰਘ ਬਰਾੜ ਕੇਸਰਵਾਲਾ ਵਿਸੇਸ ਤੌਰ ਤੇ ਸਿਰਕਤ ਕਰਨਗੇ। ਡਾ: ਇਕਬਾਲ ਸਿੰਘ ਇਸ ਨਾਵਲ ਬਾਰੇ ਵਿਚਾਰ ਚਰਚਾ ਦਾ ਅਰੰਭ ਕਰਨਗੇ ਅਤੇ ਕਾ. ਸਰਵਣ ਸਿੰਘ ਵਿਰਕ, ਬੀ ਐਸ ਢਿੱਲੋਂ ਐਡਵੋਕੇਟ, ਰਾਜਪਾਲ ਸਿੰਘ ਤੇ ਡਾ: ਜੀਤ ਸਿੰਘ ਜੋਸ਼ੀ ਆਪਣੇ ਵਿਚਾਰ ਸਾਂਝੇ ਕਰਨਗੇ। ਸਭਾ ਦੇ ਸ੍ਰਪਰਸਤ ਸ੍ਰੀ ਗੁਰਦੇਵ ਖੋਖਰ ਨੇ ਸਾਹਿਤ ਰਸੀਆਂ ਨੂੰ ਇਸ ਪ੍ਰੋਗਰਾਮ ਵਿੱਚ ਪਹੁੰਚਣ ਦੀ ਅਪੀਲ ਕੀਤੀ ਹੈ।
Top
ਕੈਲਗਰੀ( ਹਰਬੰਸ ਬੁੱਟਰ) ਅੱਜ ਪੰਜਾਬੀ ਮੀਡੀਆ ਕਲੱਬ ਕੈਲਗਰੀ ਦੀ ਚੋਣ ਸਰਵ ਸੰਮਤੀ ਨਾਲ ਹੋਈ । ਪਹਿਲਾਂ ਤੋਂ ਹੀ ਨਿਯੁਕਤ ਕੀਤੇ ਗਏ ਤਿੰਨ ਮੈਂਬਰਾਂ ਰਿਸ਼ੀ ਨਾਗਰ, ਹਰਚਰਨ ਪ੍ਰਹਾਰ ਅਤੇ ਰਣਜੀਤ ਸਿੱਧੂ 'ਤੇ ਅਧਾਰਤ ਪੈਨਲ ਕੋਲ ਇਹਨਾਂ ਨਵੇਂ ਚੁਣੇ ਗਏ ਔਹੁਦੇਦਾਰਾਂ ਨੇ ਖੁਦ ਹੀ ਇਸ ਸਾਲ ਲਈ ਇਹਨਾਂ ਔਹੁਦਿਆਂ ਲਈ ਕੰਮ ਕਰਨ ਲਈ ਆਪਣੇ ਨਾਂ ਭੇਜੇ ਸਨ । ਬਿਨਾ ਕਿਸੇ ਵੋਟਿੰਗ ਦੇ ਇਹਨਾਂ ਸਾਰੇ ਹੀ ਨਾਵਾਂ ਨੂੰ ਹਾਜਿਰ ਮੈਂਬਰਾਂ ਨੇ ਸਰਵਸੰਮਤੀ ਨਾਲ ਪਰਵਾਨਗੀ ਦੇ ਦਿੱਤੀ । ਨਵੀਂ ਕਮੇਟੀ ਦੇ ਪ੍ਰਧਾਨ ਜਗਪ੍ਰੀਤ ਸ਼ੇਰਗਿੱਲ (ਰੇਡੀਓ ਰੈਡ ਐਫ ਐਮ)ਵਾਈਸ ਪ੍ਰਧਾਨ ਜਸਜੀਤ ਧਾਮੀ ਜੋ ਕਿ "ਅਜੀਤ" ਜਲੰਧਰ ਅਤੇ ਕੈਲਗਰੀ ਤੋਂ ਛੱਪਦੇ ਪੰਜਾਬੀ ਅਖ਼ਬਾਰ" ਪਰਵਾਸੀ ਪੰਜਾਬੀ" ਦੇ ਮਾਲਕ ਹਨ ,ਨੂੰ ਚੁਣਿਆ ਗਿਆ । ਜਦੋਂ ਕਿ ਜਨਰਲ ਸੈਕਟਰੀ ਦੀ ਜਿੰਮੇਬਾਰੀ ਜੱਗ ਪੰਜਾਬੀ ਟੀਵੀ ਵਾਲੇ ਸਤਵਿੰਦਰ ਸਿੰਘ ਅਤੇ ਜੋਇੰਟ ਸੈਕਟਰੀ ਦਾ ਅਹੁਦਾ "ਪੰਜਾਬੀ ਅਖ਼ਬਾਰ" ਲਈ ਕੰਮ ਕਰਦੇ ਪਰਮ ਸੂਰੀ ਕੋਲ ਹੋਵੇਗਾ । ਖਜਾਨਚੀਪਣੇ ਦਾ ਕੰਮਕਾਜ "ਸਬਰੰਗ" ਰੇਡੀਓ ਦੇ ਮਾਲਕ ਰਾਜੇਸ ਅੰਗਰਾਲ ਸੰਭਾਲਣਗੇ ਅਤੇ ਉਹਨਾਂ ਨਾਲ ਰੇਡੀਓ "ਸੁਰਸੰਗਮ" ਤੋਂ ਜਗਜੀਤ ਗਿੱਲ ਸਹਾਇਕ ਦੇ ਤੌਰ 'ਤੇ ਸੇਵਾਵਾਂ ਦੇਣਗੇ। ਮੀਡੀਆ ਕੋਆਰਡੀਨੇਟਰ ਰੇਡੀਓ "ਸਾਂਝ" ਤੋਂ ਮਨਜੀਤ ਸਿੰਘ ਪਿਆਸਾ ਹੋਣਗੇ। ਬਾਕੀ ਕਮੇਟੀ ਮੈਂਬਰਾਂ ਵਿੱਚ ਬਲਜਿੰਦਰ ਸੰਘਾ ,ਬੀਜਾ ਰਾਮ, ਜਗਜੀਤ ਗਿੱਲ,ਅਤੇ ਦੋ ਔਰਤ ਮੈਂਬਰ ਗੁਰਦੀਪ ਕੌਰ ਅਤੇ ਜੈਸੀ ਸਿੰਘ ਹੋਣਗੇ। ਇਹ ਕਮੇਟੀ 1 ਅਪਰੈਲ 2015 ਤੋਂ ਆਪਣਾ ਕੰਮਕਾਜ ਸੰਭਾਲੇਗੀ ਅਤੇ 31 ਮਾਰਚ 2016 ਤੱਕ ਇਸ ਦੇ ਸਾਰੇ ਔਹੁਦੇਦਾਰ ਆਪਣੇ ਔਹੁਦਿਆਂ ਉੱਪਰ ਸਥਾਪਿਤ ਰਹਿਣਗੇ। ਅੱਜ ਦੀ ਇਸ ਚੋਣ ਪ੍ਰੀਕਿਰਿਆ ਵਿੱਚ ਸਾਮਿਲ ਹੋਣ ਵਾਲੇ ਮੀਡੀਆ ਕਲੱਬ ਦੇ ਮੈਂਬਰਾਂ ਵਿੱਚ ਚੰਦ ਸਿੰਘ ਸਦਿਓੜਾ, ਬਲਬੀਰ ਗੋਰਾ, ਮਨਜੀਤ ਜਸਵਾਲ, ਗੁਰਮੀਤ ਸਰਪਾਲ, ਸਾਲੂ ਗਰੇਵਾਲ, ਗੁਰਬਚਨ ਬਰਾੜ, ਰਮਨਜੀਤ ਸਿੱਧੂ,ਡੈਨ ਸਿੱਧੂ,ਹਰਬੰਸ ਬੁੱਟਰ ਅਤੇ ਗੁਰਚਰਨ ਕੌਰ ਥਿੰਦ ਦੇ ਨਾਂ ਸਾਮਿਲ ਹਨ। ਚੋਣ ਉਪਰੰਤ ਜਗਪ੍ਰੀਤ ਸ਼ੇਰਗਿੱਲ ਨੇ ਸਭ ਦਾ ਧੰਨਵਾਦ ਕਰਦੇ ਕਿਹਾ ਕਿ ਉਹ ਪੂਰੀ ਤਨਦੇਹੀ ਨਾਲ ਆਪਣੇ ਸਿਰ ਉੱਪਰਲੀ ਜਿੰਮੇਬਾਰੀ ਨੂੰ ਨਿਭਾਉਂਦੇ ਹੋਏ ਪੰਜਾਬੀ ਮਾਂ ਬੋਲੀ ਅਤੇ ਪੰਜਾਬੀ ਮੀਡੀਆ ਕਲੱਬ ਨੂੰ ਬੁਲੰਦੀਆਂ ਉੱਪਰ ਲੈ ਜਾਣ ਗਰਮਜੋਸ਼ੀ ਨਾਲ ਕੰਮ ਕਰਦੇ ਰਹਿਣਗੇ।
Top
ਅਮਰਜੀਤ ਢਿੱਲੋਂ
ਬਾਜਾਖਾਨਾ, 2 ਮਾਰਚ
ਉਰਦੂ ਦੇ ਮਹਾਨ ਸ਼ਾਇਰ ਫੈਜ਼ ਅਹਿਮਦ ਫ਼ੈਜ਼ ਨੇ ਕਿਹਾ ਸੀ ‘ਦਿਲੋਂ ਕੀ ਦੂਰੀਆਂ ਬੜਤੀ ਰਹੇਂਗੀਂ , ਅਗਰ ਕੁਛ ਮਸ਼ਵਰੇ ਬਾਹਮ ਨਾ ਹੋਂਗੇ।’ ਦਿਲਾਂ ਦੀ ਦੂਰੀਆਂ ਅਤੇ ਦੇਸ਼ਾਂ ਦੀਆਂ ਦੂਰੀਆਂ ਆਪਸੀ ਮਸ਼ਵਰਿਆਂ ਰਾਹੀਂ ਹੀ ਹੱਲ ਹੋ ਸਕਦੀਆਂ ਹਨ। ਇਸ ਲਈ ਆਪਸ ਵਿਚ ਸੰਵਾਦ ਰਚਾਉਣਾ ਜਰੂਰੀ ਹੈ। ’ ਇਹ ਸ਼ਬਦ ਆਸਟ੍ਰੇਲੀਆ ਤੋਂ ਆਏ ਉਘੇ ਪੰਜਾਬੀ ਲੇਖਕ ਅਤੇ ਸਮਾਜ ਸੁਧਾਰਕ ਮਿੰਟੂ ਬਰਾੜ ਨੇ ਹੰਸ ਰਾਜ ਸੰਸਥਾ ਬਾਜਾਖਾਨਾ ਵਿਖੇ ਬੀ ਐਡ ਦੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਕਹੇ। ਉਹਨਾਂ ਕਿਹਾ ਸਾਢੇ ਪੰਜ ਸੌ ਸਾਲ ਪਹਿਲਾਂ ਗੁਰੂ ਨਾਨਕ ਦੇਵ ਜੀ ਨੇ ਸਿਧਾਂ ਨਾਲ ਗੋਸ਼ਟ ਕਰਕੇ ਇਹੋ ਸੁਨੇਹਾ ਦਿਤਾ ਸੀ। ਸੰਵਾਦ ਰਚਾਉਣ ਦਾ ਮਤਲਬ ਕਹਿਣਾ ਅਤੇ ਸੁਨਣਾ ਹੁੰਦਾ ਹੈ। ਇਸ ਵਿਧੀ ਰਾਹੀਂ ਹੀ ਅਸੀਂ ਰੋਜ ਨਵਾਂ ਸਿਖਦੇ ਰਹਿੰਦੇ ਹਾਂ। ਉਹਨਾਂ ਕਿਹਾ ਕਿ ਜਿਸ ਦਿਨ ਤੁਸੀਂ ਕੁਝ ਨਵਾਂ ਨਹੀਂ ਸਿਖਿਆ ਤਾਂ ਆਪਣੀ ਨਬਜ਼ ਟੋਹ ਕੇ ਦੇਖੋ ਕਿ ਕੀ ਸੱਚਮੁਚ ਹੀ ਤੁਸੀਂ ਜਿੰਦਾ ਹੋ? ਸਿਰਫ ਸਾਹ ਲੈਣ ਦੀ ਕ੍ਰਿਆ ਦਾ ਨਾਮ ਹੀ ਜ਼ਿੰਦਗੀ ਨਹੀਂ ਹੁੰਦਾ। ਪਸ਼ੂ ਪੰਛੀ , ਜਾਨਵਰ ਵੀ ਸਾਡੇ ਵਾਂਗ ਜੰਮਦੇ , ਸਾਹ ਲੈਂਦੇ , ਵੱਡੇ ਹੁੰਦੇ , ਖਾਂਦੇ ਪੀਂਦੇ , ਬੱਚੇ ਪੈਦਾ ਕਰਦੇ ਅਤੇ ਮਰ ਜਾਂਦੇ ਹਨ। ਜਿਹੜੇ ਮਨੁੱਖ ਵੀ ਇਸੇ ਤਰਾਂ ਕਰਦੇ ਹਨ ਉਹਨਾਂ ਅਤੇ ਪਸ਼ੂਆਂ ਜਨੌਰਾਂ ’ਚ ਬਹੁਤਾ ਫਰਕ ਨਹੀਂ। ਸਗੋਂ ਉਹ ਮਨੁੱਖਾਂ ਨਾਲੋਂ ਕਿਸੇ ਹੱਦ ਤਕ ਬਿਹਤਰ ਹਨ, ਕਿਉਂਕਿ ਉਹ ਮਨੁੱਖ ਵਾਂਗ ਧਰਤੀ ਪਲੀਤ ਕਰਕੇ ਤਾਂ ਨਹੀਂ ਜਾਂਦੇ।
ਸ਼੍ਰੀ ਮਿੰਟੂ ਬਰਾੜ ਨੇ ਕਿਹਾ ਕਿ ਸਾਡੇ ਸਮਾਜਕ ਪਛੜੇਵੇਂ ਦਾ ਮੂਲ ਕਾਰਨ ਹੈ ਮਾਤ ਭੂਮੀ ਪ੍ਰਤੀ ਕੌਮੀ ਭਾਵਨਾ ਦੀ ਘਾਟ। ਅਸੀਂ ਹਰ ਗੱਲ ’ਤੇ ਕਹਿ ਦਿੰਦੇ ਹਾਂ ਮੈਨੂੰ ਕੀ , ਜਦੋਂ ਕਿ ਸਮਾਜ ’ਚ ਹਰ ਊਣਤਾਈ ਵੱਲ ਦੇਖ ਕੇ ਸਾਨੂੰ ਜ਼ੁੰਮੇਵਾਰੀ ਸਮਝਣੀ ਚਾਹੀਦੀ ਹੈ ਅਤੇ ਕਹਿਣਾ ਚਾਹੀਦਾ ਹੈ , ਮੈਨੂੰ ਕਿਉਂ ਨਹੀਂ? ਵਿਕਸਤ ਮੁਲਕਾਂ ਦੇ ਲੋਕ ਸਮਾਜ ਪ੍ਰਤੀ ਪੂਰੀ ਤਰਾਂ ਜਵਾਬ ਦੇਹ ਹਨ ਪਰ ਅਸੀਂ ਮੈਨੂੰ ਕੀ, ਕਹਿ ਕੇ ਖਹਿੜਾ ਛੁਡਾ ਲੈਂਦੇ ਹਾਂ। ਸ਼੍ਰੀ ਮਿੰਟੂ ਨੇ ਕਿਹਾ ਕਿ ਉਹਨਾਂ ਨੇ ਆਪਣੀ ਜਨਮ ਭੌਂਏਂ ਕਾਲਿਆਂਵਾਲੀ ਤੋਂ ਬਚਪਨ ’ਚ ਹੀ ਆਪਣੇ ਮਾਂ ਪਿਓ ਤੋਂ ਮਿਹਨਤ ਕਰਨ ਦੀ ਗੁੜਤੀ ਲਈ ਸੀ। ਇਸ ਮਿਹਨਤ ਅਤੇ ਲਗਨ ਸਦਕਾ ਉਹ ਆਸਟ੍ਰੇਲੀਆ ਜਾ ਕੇ ਆਰਥਿਕ ਪੱਖੋਂ ਤਾਂ ਪੂਰੀ ਸੰਤੁਸ਼ਟ ਹੋ ਗਏ ਪਰ ਇਕ ਕਸਕ ਹਮੇਸ਼ਾ ਉਹਨਾਂ ਦੇ ਮਨ ’ਚ ਰਹੀ ਕਿ ਉਹ ਆਪਣੀ ਮਾਤ ਭੂਮੀ , ਭਾਸ਼ਾ,ਭਾਈਚਾਰੇ ਅਤੇ ਮਾਨਵਤਾ ਲਈ ਵੀ ਕੁਝ ਕਰਨ। ਇਸ ਲੜੀ ’ਚ ਉਹਨਾਂ ਪਹਿਲਾਂ ਪੰਜਾਬੀ ’ਚ ਹਰਮਨ ਰੇਡੀਓ ਸ਼ੁਰੂ ਕੀਤਾ, ਜਿਸਦੇ ਸਰੋਤੇ ਅੱਜ10 ਲੱਖ ਦੀ ਗਿਣਤੀ ’ਚ ਹਨ। ਫਿਰ ਪੰਜਾਬੀ ’ਚ ‘ ਪੰਜਾਬੀ ਅਖਬਾਰ’ ਨਾ ਦਾ ਸਪਤਾਹਿਕ ਅਖਬਾਰ ਸ਼ੁਰੂ ਕੀਤਾ। ਇਸਦੇ ਨਾਲ ਹੀ ਇਕ ਮੈਗਜ਼ੀਨ ‘ ਕੂਕਾਬਾਰਾ ’ ਵੀ ਸ਼ੁਰੂ ਕੀਤਾ ਹੈ , ਜਿਸਦੇ ਪੰਜ ਅੰਕ ਪ੍ਰਕਾਸ਼ਿਤ ਹੋ ਚੁਕੇ ਹਨ।
ਸ਼੍ਰੀ ਬਰਾੜ ਨੇ ਕਿਹਾ ਕਿ ਆਪਣੀ 47 ਵਰੇ ਦੀ ਉਮਰ ’ਚ ਉਹਨਾਂ ਨੇ ਕਿਸੇ ਨਸ਼ੇ ਦਾ ਸਵਾਦ ਤਕ ਚੱਖ ਕੇ ਨਹੀਂ ਦੇਖਿਆ। ਉਹਨਾਂ ਨੂੰ ਲੋਕਾਂ ਨੂੰ ਜਾਗ੍ਰਿਤ ਕਰਨ ਆਪਣੇ ਸਮਾਜ ਲਈ ਕੁਝ ਕਰਨ ਦਾ ਹੀ ਨਸ਼ਾ ਹੈ। ਉਹਨਾਂ ਕਿਹਾ ਕਿ ਬਿਨਾਂ ਕਿਸੇ ਉਦੇਸ਼ ਦੇ ਉਹ ਵੀ ਆਸਟ੍ਰੇਲੀਆ ਦੇ ਬਾਗਾਂ ’ਚ ਸੰਤਰੇ ਤੋੜ ਸਕਦੇ ਸਨ ਪਰ ਉਹਨਾਂ ਨੇ ਜ਼ਿੰਦਗੀ ਨੂੰ ਚੈਲਿੰਜ ਵਾਂਗ ਲਿਆ ਅਤੇ ਹਰ ਚੈਲਿੰਜ ਚੋਂ ਸਫਲਤਾ ਸਹਿਤ ਬਾਹਰ ਨਿਕਲੇ । ਉਹਨਾਂ ਕਿਹਾ ਕਿ ਸਮਾਜ ’ਚ ਆਪਣਾ ਸਥਾਨ ਬਣਾਉਣ ਲਈ ਮਨੁੱਖ ਨੂੰ ਸੇਵਾ ਦਾ ਮਾਰਗ ਅਪਣਾਉਣਾ ਚਾਹੀਦਾ ਹੈ। ਉਹਨਾਂ ਨੇ ਆਪਣੇ ਸਾਥੀਆਂ ਨੂੰ ਲੈ ਕੇ ਜਦੋਂ ਆਸਟ੍ਰੇਲੀਆ ਦੇ ਗੁਰਦਵਾਰਿਆਂ ’ਚੋਂ ਭੱਖੜਾ ਆਦਿ ਸਾਫ ਕਰਨਾ ਸ਼ੁਰੂ ਕੀਤਾ ਤਾਂ ਲੋਕਾਂ ਨੇ ਖੁਦ ਹੀ ਉਹਨਾਂ ਦੀ ਪਹਿਚਾਣ ਨੂੰ ਸਵੀਕਾਰ ਕਰ ਲਿਆ। ਉਹਨਾਂ ਕਿਹਾ ਕਿ ਸਾਡਾ ਭਾਰਤੀਆਂ ਦਾ ਦੁਖਾਂਤ ਹੀ ਇਹ ਹੈ ਕਿ ਇਥੇ 240 ਕਰੋੜ ਹੱਥ ਵਿਹਲੇ ਹਨ। ਜੇ ਇਹ ਹੀ ਹੱਥ ਅਰਦਾਸਾਂ ’ਚ ਜੁੜਣ ਜਾਂ ਤਾਸ਼ ਖੇਡਣ ਦੀ ਬਜਾਏ ਕੰਮ ਕਰਨ ਲੱਗ ਜਾਣ ਤਾਂ ਭਾਰਤ ਦੁਨੀਆਂ ਦਾ ਨੰਬਰ ਇਕ ਦੇਸ਼ ਬਣ ਸਕਦਾ ਹੈ। ਵਿਕਸਤ ਮੁਲਕ ਸਾਡੇ ਚਿਹਰਿਆਂ ਕਰਕੇ ਨਹੀਂ , ਉਹ ਸਾਡੇ ਹੱਥਾਂ ਕਰਕੇ ਹੀ ਸਾਨੂੰ ਬੁਲਾਉਂਦੇ ਹਨ। ਹੰਸ ਰਾਜ ਸੰਸਥਾ ਦੇ ਸਮੂਹ ਸਟਾਫ ਵਲੋਂ ਇਸ ਮੌਕੇ ਸ਼੍ਰੀ ਮਿੰਟੂ ਬਰਾੜ ਦਾ ਵਿਸ਼ੇਸ਼ ਸਨਮਾਨ ਵੀ ਕੀਤਾ ਗਿਆ। ਇਸ ਤੋਂ ਬਾਦ ਉਹਨਾਂ ਹੰਸ ਰਾਜ ਸੰਸਥਾ ਦੇ ਵਿਦਿਆਰਥੀਆਂ ਵਲੋਂ ਕੱਢੇ ਗਏ ਨਸ਼ਿਆਂ ਵਿਰੁੱਧ ਚੇਤਨਾ ਮਾਰਚ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ।
Top
