ਮਾਂ ਬੋਲੀ ਪੰਜਾਬੀ ਨੂੰ ਪ੍ਰਚਾਰਨ-ਪ੍ਰਸਾਰਨ ਦੇ ਨਾਲ਼-ਨਾਲ਼ ਇਸ ਦਾ ਮੂਲ ਖ਼ਾਸਾ ਬਰਕਰਾਰ ਰੱਖਣ ਦਾ ਦਿੱਤਾ ਸੱਦਾ
ਜਲੰਧਰ : ਦੁਆਬਾ ਕਾਲਜ ਜਲੰਧਰ ਦੇ ਪੱਤਰਕਾਰੀ ਅਤੇ ਜਨਸੰਚਾਰ ਵਿਭਾਗ ਵੱਲੋਂ ਕਾਲਜ ਦੇ ਕਾਨਫ਼ਰੰਸ ਹਾਲ ਵਿਚ ਦੋ ਰੋਜ਼ਾ ਕੌਮਾਂਤਰੀ ਕਾਨਫ਼ਰੰਸ ‘ਮਾਂ ਬੋਲੀ, ਖੇਤਰੀ ਭਾਸ਼ਾਵਾਂ, ਸੰਚਾਰ ਅਤੇ ਸਮਾਜ’ ਮੁੱਖ ਵਿਸ਼ੇ ’ਤੇ ਕਰਵਾਈ ਗਈ ਜਿਸ ਵਿਚ ਦੂਜੇ ਦਿਨ ਦੇ ਮੁੱਖ ਮਹਿਮਾਨ ਵਜੋਂ ਭਾਰਤੀ ਸਾਹਿਤ ਅਕਾਦਮੀ ਪੁਰਸਕਾਰ ਜੇਤੂ ਪ੍ਰਸਿਧ ਸ਼ਖ਼ਸੀਅਤ ਡਾ. ਗੁਲਜ਼ਾਰ ਸਿੰਘ ਸੰਧੂ ਸ਼ਾਮਲ ਹੋਏ। ਸਵਾਗਤੀ ਰਸਮ ਕਾਲਜ ਦੇ ਪ੍ਰਿੰਸੀਪਲ ਡਾ. ਨਰੇਸ਼ ਕੁਮਾਰ ਧੀਮਾਨ ਅਤੇ ਵਿਭਾਗ ਦੇ ਮੁਖੀ ਡਾ. ਸਿਮਰਨ ਸਿੱਧੂ ਨੇ ਮਹਿਮਾਨਾਂ ਨੂੰ ਫ਼ੁੱਲਾਂ ਦੇ ਗੁਲਦਸਤੇ ਭੇਟ ਕਰਕੇ ਨਿਭਾਈ।
ਕੁੰਜੀਵਤ ਭਾਸ਼ਣ ਅਜੀਤ ਪ੍ਰਕਾਸ਼ਨ ਸਮੂਹ ਦੇ ਕਾਰਜਕਾਰੀ ਸੰਪਾਦਕ ਸਤਨਾਮ ਸਿੰਘ ਮਾਣਕ ਨੇ ਦਿੱਤਾ ਜਿਸ ਵਿਚ ਉਨਾਂ ਪੰਜਾਬੀ ਮਾਂ ਬੋਲੀ ਦੇ ਪ੍ਰਚਾਰ ਅਤੇ ਪ੍ਰਸਾਰ ਸਬੰਧੀ ਸਰਕਾਰੀ ਬੇਰੁਖ਼ੀ ਦਾ ਖ਼ੁਲਾਸਾ ਕਰਦਿਆਂ ਅੰਕੜਿਆਂ ਸਹਿਤ ਆਪਣੀ ਗੱਲ ਕਹੀ। ਵਿਸ਼ੇਸ਼ ਵਕਤਾ ਦੀਪਕ ਬਾਲੀ ਸਕੱਤਰ ਜਾਗ੍ਰਤੀ ਮੰਚ ਪੰਜਾਬ ਨੇ ਪੰਜਾਬੀ ਗਾਇਕਾਂ ਵੱਲੋਂ ਮਾਂ ਬੋਲੀ ਦੀ ਸੇਵਾ ਦੇ ਯੋਗਦਾਨ ਦਾ ਜ਼ਿਕਰ ਕਰਦਿਆਂ ਪੰਜਾਬੀ ਮਾਂ ਬੋਲੀ ਨੂੰ ਦੇਸ-ਵਿਦੇਸ਼ ਤੱਕ ਪੁਚਾਉਣ ਦੇ ਹਾਂ-ਪੱਖੀ ਯੋਗਦਾਨ ਦਾ ਖ਼ੁਲਾਸਾ ਕੀਤਾ। ਪ੍ਰਿੰਸੀਪਲ ਡਾ. ਨਰੇਸ਼ ਕੁਮਾਰ ਧੀਮਾਨ ਨੇ ਆਪਣੇ ਵਿਖਿਆਨ ਵਿਚ ਪੰਜਾਬੀ ਨੂੰ ਕੰਪਿਊਟਰ ’ਤੇ ਅਪਣਾਉਂਦਿਆਂ ਯੂਨੀਕੋਡ ਪ੍ਰਣਾਲੀ ਨੂੰ ਅਪਨਾਉਣ ’ਤੇ ਜ਼ੋਰ ਦਿੱਤਾ। ਕੈਨੇਡਾ ਤੋਂ ਸ਼ਿਰਕਤ ਕਰ ਰਹੇ ਸੰਚਾਰ-ਕਰਮੀ ਹਰਜਿੰਦਰ ਗਿੱਲ ਨੇ ਵਿਦੇਸ਼ਾਂ ਵਿਚ ਪੰਜਾਬੀ ਮਾਂ ਬੋਲੀ ਦੀ ਹੋ ਰਹੀ ਸੰਤੋਖ਼ਜਨਕ ਸੇਵਾ ਬਾਰੇ ਦੱਸਿਆ। ਕੈਨੇਡਾ ਤੋਂ ਹੀ ਪ੍ਰਸਿਧ ‘ਅੱਖੀਂ ਡਿੱਠਾ ਹਾਲ’ ਵਕਤਾ ਪ੍ਰਿੰਸੀਪਲ ਸਰਵਣ ਸਿੰਘ ਢੁੱਡੀਕੇ ਨੇ ਮਾਂ ਬੋਲੀ ਦੀ ਸੇਵਾ ਕਰਦਿਆਂ ਮਿਲੇ ਮਾਣ-ਸਤਿਕਾਰ ਲਈ ਪੰਜਾਬੀ ਮਾਂ ਬੋਲੀ ਪ੍ਰਤੀ ਕ੍ਰਿਤੱਗਤਾ ਵਿਅਕਤ ਕੀਤੀ।
ਇਸ ਮੌਕੇ ਪੁੱਜੇ ਖੋਜ ਪੱਤਰਾਂ ਵਿਚੋਂ ਜੋ ਖੋਜ ਪੱਤਰ ਪੜੇ ਜਾ ਸਕੇ ਉਨਾਂ ਵਿਚ ਦੂਰਦਰਸ਼ਨ ਜਲੰਧਰ ਦੇ ਪ੍ਰੋਗਰਾਮ ਨਿਰਮਾਤਾ ਡਾ. ਲਖਵਿੰਦਰ ਜੌਹਲ ਦੇ ਖੋਜ ਪੱਤਰ ਤੋਂ ਇਲਾਵਾ ਪੰਜਾਬੀ ਨਿਊਜ਼ ਆਨ ਲਾਈਨ ਦੇ ਮੁੱਖ ਸੰਪਾਦਕ ਸੁਖਨੈਬ ਸਿੱਧੂ ਨੇ ਸੋਸ਼ਲ ਮੀਡੀਆ ਵਿਚ ਪੰਜਾਬੀ ਭਾਸ਼ਾ ਦੀ ਵਰਤੋਂ ਬਾਰੇ, ਪੰਜਾਬੀ ਯੂਨੀਵਰਸਿਟੀ ਕਾਲਜ ਜੈਤੋ ਦੇ ਪੰਜਾਬੀ ਵਿਭਾਗ ਦੇ ਮੁਖੀ ਡਾ. ਪਰਮਿੰਦਰ ਸਿੰਘ ਤੱਗੜ ਨੇ ਛਪਿਤ, ਬਿਜਲਈ ਅਤੇ ਸਮਾਜਕ ਸੰਚਾਰ ਸਾਧਨਾਂ ਦੇ ਦੌਰ ਵਿਚ ਪੰਜਾਬੀ ਭਾਸ਼ਾ ਦੀ ਸ਼ੁਧਤਾ ਸਬੰਧੀ, ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੀ ਖੋਜਾਰਥਣ ਨੇ ਪੰਜਾਬੀ ਮਾਂ ਬੋਲੀ ਅਤੇ ਪੰਜਾਬੀ ਸਿਨੇਮਾ ਸਬੰਧੀ, ਸਵਰਨ ਟਹਿਣਾ ਨੇ ਗਾਇਕਾਂ ਵੱਲੋਂ ਪੰਜਾਬੀ ਮਾਂ ਬੋਲੀ ਦੀ ਕਥਿਤ ਸੇਵਾ ਸਬੰਧੀ ਆਪਣੇ ਖੋਜ ਪੱਤਰ ਪੇਸ਼ ਕੀਤੇ।
ਮੁੱਖ ਮਹਿਮਾਨ ਡਾ. ਗੁਲਜ਼ਾਰ ਸਿੰਘ ਸੰਧੂ ਨੇ ਖੋਜ ਪੱਤਰਾਂ ’ਤੇ ਚਰਚਾ ਕਰਦਿਆਂ ਆਪਣੀ ਕਾਮਯਾਬੀ ਦੀ ਕਹਾਣੀ ਬਿਆਨ ਕੀਤੀ ਅਤੇ ਕਿਹਾ ਕਿ ਪੰਜਾਬੀ ਮਾਂ ਬੋਲੀ ਦੀ ਸਿਖਿਆ ਨੂੰ ਨੌਵੀਂ ਜਮਾਤ ਤੋਂ ਉਨਾਂ ਦੇ ਸਾਇੰਸ ਅਧਿਆਪਕ ਵੱਲੋਂ ਆਪਣੇ ਵਿਸ਼ੇ ਵਿਚੋਂ ਬਾਹਰ ਧੱਕਣ ਅਤੇ ਪੰਜਾਬੀ ਵਿਸ਼ਾ ਪੜਨ ਦੀ ਰਾਏ ਦੇਣ ਨਾਲ਼ ਸੰਭਵ ਹੋਈ ਸੀ। ਪਰ ਪੰਜਾਬੀ ਮਾਂ ਬੋਲੀ ਦੇ ਰੱਥ ’ਤੇ ਸਵਾਰ ਹੋ ਕੇ ਦੇਸ਼ ਵਿਦੇਸ਼ ਤੋਂ ਜੋ ਪਿਆਰ ਤੇ ਸਤਿਕਾਰ ਮਿਲਿਆ ਹੈ ਉਹ ਸ਼ਬਦਾਂ ਰਾਹੀਂ ਬਿਆਨ ਨਹੀਂ ਕੀਤਾ ਜਾ ਸਕਦਾ।
ਦੂਜੇ ਦਿਨ ਦੇ ਅੰਤਮ ਸੈਸ਼ਨ ਦੌਰਾਨ ਪ੍ਰਸਿਧ ਲੇਖਕ ਪਿਆਰਾ ਸਿੰਘ ਭੋਗਲ ਦੀ ਅਗਵਾਈ ਵਿਚ ਪੈਨਲ ਡਿਸਕਸ਼ਨ ਕਰਵਾਈ ਗਈ ਜਿਸ ਵਿਚ ਮੁੱਖ ਵਕਤਾਵਾਂ ਵਿਚ ਦੇਸ ਰਾਜ ਕਾਲੀ, ਡਾ. ਨਮਰਤਾ ਜੋਸ਼ੀ ਆਦਿ ਨੇ ਸ਼ਿਰਕਤ ਕੀਤੀ। ਮੰਚ ਸੰਚਾਲਨ ਵਿਭਾਗ ਦੇ ਵਿਦਿਆਰਥੀਆਂ ਹਰਦੀਪ ਸਿੰਘ ਅਤੇ ਸਿਮਰਪ੍ਰੀਤ ਸਿੰਘ ਨੇ ਬਾਖ਼ੂਬੀ ਨਿਭਾਇਆ। ਮਹਿਮਾਨਾਂ ਤੇ ਵਿਦਵਾਨਾਂ ਦਾ ਧੰਨਵਾਦ ਕਰਨ ਦੀ ਰਸਮ ਵਿਭਾਗ ਦੇ ਮੁਖੀ ਡਾ. ਸਿਮਰਨ ਸਿੱਧੂ ਨੇ ਨਿਭਾਈ।
Top
ਆਕਲੈਂਡ 16 ਫਰਵਰੀ (ਹਰਜਿੰਦਰ ਸਿੰਘ ਬਸਿਆਲਾ)-ਨਿਊਜ਼ੀਲੈਂਡ ਜਿੱਥੇ ਪੰਜਾਬੀਆਂ ਦੀ ਆਬਾਦੀ ਲਗਾਤਾਰ ਵਧ ਰਹੀ ਹੈ ਉਥੇ ਗੀਤ-ਸੰਗੀਤ ਦੇ ਪ੍ਰਗੋਰਾਮ ਵੀ ਜਿਆਦਾ ਹੋਣ ਲੱਗੇ ਹਨ। ਪੰਜਾਬੀ ਨੌਜਵਾਨ ਜਿੱਥੇ ਸਖਤ ਮਿਹਨਤਾਂ ਕਰਦੇ ਹਨ ਉਥੇ ਕਦੀ-ਕਦੀ ਪੰਜਾਬੀ ਸਭਿਆਚਾਰਕ ਅਤੇ ਪ੍ਰਚਿਲਤ ਗੀਤਾਂ ਨਾਲ ਵੀ ਸਾਂਝ ਬਣਾਈ ਰੱਖਦੇ ਹਨ। ਹੁਣ ਜੇ.ਕੇ. ਸਟਾਰ ਪ੍ਰੋਡਕਸ਼ਨ ਅਤੇ ਈਵੈਂਟ ਮੈਨੇਜਰ ਪਰਮਵੀਰ ਸਿੰਘ ਵੱਲੋਂ ਆਪਣੇ ਸਹਿਯੋਗੀਆਂ ਸ੍ਰੀ ਕਰਮ ਹੁੰਦਲ, ਸਵਨੀਤ ਸਿੰਘ, ,ਸਵਰਨ ਸੰਧੂ, ਹੈਰੀ ਸੰਧੂ, ਮੌਂਟੀ ਅਦੀਵਾਲ ਅਤੇ ਗੋਲਡੀ ਧਾਲੀਵਾਲ ਦੀ ਸਹਾਇਤਾ ਨਾਲ 12 ਮਾਰਚ ਨੂੰ ਵੋਡਾਫੋਨ ਈਵੈਂਟ ਸੈਂਟਰ ਮੈਨੁਕਾਓ ਵਿਖੇ ਪੰਜਾਬ ਦੇ ਚਾਰ ਉਘੇ ਕਲਾਕਾਰਾਂ ਨੂੰ ਲੈ ਕੇ 'ਰੰਗਲਾ ਪੰਜਾਬ' ਮੇਲਾ ਕਰਵਾਇਆ ਜਾ ਰਿਹਾ ਹੈ। ਇਸ ਮੇਲੇ ਦੇ ਵਿਚ ਜਿੱਥੇ ਅੱਜ ਦੇ ਚਰਚਿਤ ਗਾਇਕ ਰਣਜੀਤ ਬਾਵਾ (ਕਿੱਥੇ ਜਾਂਦੀ ਤਨਖਾਹ ਫੇਮ), ਨੌਜਵਾਨਾਂ ਦੇ ਦਿਲਾਂ 'ਤੇ ਥੋੜ੍ਹੇ ਜਿਹਾ ਗੀਤਾਂ ਨਾਲ ਹੀ ਰਾਜ ਕਰਨ ਲੱਗੇ ਮਨਕੀਰਤ ਔਲਖ (ਪਤੰਦਰਾ ਫੇਮ) ਅਤੇ ਗਗਨ ਕੋਕਰੀ ( ਬਾਪੂ ਫੇਮ) ਪਹੁੰਚ ਰਹੇ ਹਨ ਉਥੇ ਨਵੀਂ ਉਭਰ ਰਹੀ ਗਾਇਕਾ ਜੈਨੀ ਜੌਹਲ (ਜੱਟ ਜਿਉਣਾ ਮੌੜ ਤੇ ਨਰਮਾ ਫੇਮ) ਪਹੁੰਚ ਰਹੀ ਹੈ। ਕਾਰ ਪਾਰਕਿੰਗ ਸਾਰਿਆਂ ਦੇ ਲਈ ਫ੍ਰੀ ਹੋਵੇਗੀ। ਖਾਣਪੀਣ ਦੇ ਲਈ ਹੋਵੇਗਾ ਫੂਡ ਸਟਾਲ: ਦਰਸ਼ਕਾਂ ਦੇ ਖਾਣ-ਪੀਣ ਦੇ ਲਈ ਫੂਡ ਸਟਾਲ ਵੀ ਲਗਾਇਆ ਜਾ ਰਿਹਾ ਹੈ।
Top
ਗਾਇਕ ਗਿੱਲ ਹਰਦੀਪ ਲਾਉਣਗੇ ਰੌਣਕ ਮੇਲਾ
ਆਕਲੈਂਡ 15 ਫਰਵਰੀ (ਹਰਜਿੰਦਰ ਸਿੰਘ ਬਸਿਆਲਾ)-ਪੰਜ-ਆਬ ਸਪੋਰਟਸ ਐਂਡ ਕਲਚਰਲ ਕਲੱਬ ਨਿਊਜ਼ੀਲੈਂਡ ਵੱਲੋਂ ਇਸ ਵਾਰ ਚੌਥਾ ਵਿਸਾਖੀ ਮੇਲਾ 16 ਅਪ੍ਰੈਲ ਦਿਨ ਸਨਿਚਰਵਾਰ ਨੂੰ ਵੋਡਾਫੋਨ ਈਵੈਂਟ ਸੈਂਟਰ ਮੈਨੁਕਾਓ ਵਿਖੇ ਬੜੀ ਧੂਮ-ਧਾਮ ਦੇ ਨਾਲ ਕਰਵਾਇਆ ਜਾ ਰਿਹਾ ਹੈ। ਇਸ 'ਵਿਸਾਖੀ ਮੇਲੇ ਦੇ ਵਿਚ ਇਸ ਵਾਰ ਪ੍ਰਸਿੱਧ ਅੰਤਰਰਾਸ਼ਟਰੀ ਗਾਇਕ ਗਿੱਲ ਹਰਦੀਪ (ਫੇਮ 'ਕਰੀਂ ਕਿਤੇ ਮੇਲ ਰੱਬਾ ਦਿੱਲੀ ਤੇ ਲਾਹੌਰ' ਦਾ) ਰੌਣਕ ਮੇਲਾ ਲਾਉਣ ਲਈ ਆਪਣੇ ਸਾਰੇ ਸਾਜਿੰਦਿਆਂ ਸਮੇਤ ਪਹੁੰਚ ਰਹੇ ਹਨ। ਲਗਪਗ 2-3 ਘੰਟੇ ਲਗਾਤਾਰ ਉਹ ਆਪਣੀ ਪਰਫਾਰਮੈਂਸ ਦੇਣਗੇ ਜਿਸ ਦੇ ਵਿਚ ਕੁਝ ਨਵੇਂ ਗੀਤ ਵੀ ਉਹ ਨਿਊਜ਼ੀਲੈਂਡ ਵਾਸੀਆਂ ਲਈ ਲਿਆ ਰਹੇ ਹਨ। ਇਸ ਵਿਸਾਖੀ ਮੇਲੇ ਸਬੰਧੀ ਇਕ ਰੰਗਦਾਰ ਪੋਸਟਰ ਅੱਜ ਕਲੱਬ ਦੇ ਅਹੁਦੇਦਾਰਾਂ ਨੇ ਪੰਜਾਬੀ ਮੀਡੀਆ ਦੀ ਹਾਜ਼ਰੀ ਵਿਚ 'ਚਾਵਲਾ ਰੈਸਟੋਰੈਂਟ ਮੈਨੁਕਾਓ' ਵਿਖੇ ਰਿਲੀਜ਼ ਕੀਤਾ। ਵਿਸਾਖੀ ਮੇਲੇ ਦਾ ਆਗਾਜ਼ 16 ਅਪ੍ਰੈਲ ਨੂੰ ਸ਼ਾਮ 7 ਵਜੇ ਕੀਤਾ ਜਾਵੇਗਾ ਜਿਸ ਦੇ ਵਿਚ ਪਹਿਲਾਂ ਸਥਾਨਿਕ ਕਲਾਕਾਰ ਗੀਤਾਂ, ਭੰਗੜੇ ਅਤੇ ਗਿੱਧੇ ਦੇ ਨਾਲ ਸਟੇਜ ਦੀ ਸ਼ੁਰੂਆਤ ਕਰਨਗੇ ਤੇ ਫਿਰ ਲਗਾਤਾਰ ਗਿਲ ਹਰਦੀਪ। ਮੇਲੇ ਵਿਚ ਸ਼ਿਰਕਤ ਕਰਨ ਲਈ ਕਿਸੇ ਤਰ੍ਹਾਂ ਦੀ ਕੋਈ ਐਂਟਰੀ ਫੀਸ ਨਹੀਂ ਹੈ ਅਤੇ ਨਾ ਹੀ ਕਾਰ ਪਾਰਕਿੰਗ ਵਾਸਤੇ ਕੋਈ ਪਰਚੀ ਰੱਖੀ ਗਈ ਹੈ। ਉਂਝ ਸਾਰਿਆਂ ਨੂੰ ਖੁੱਲ੍ਹਾ ਸੱਦਾ ਹੈ ਉਹ ਹਾਲ ਦੇ ਵਿਚ ਕਿਤੇ ਵੀ ਬੈਠ ਸਕਦੇ ਹਨ ਪਰ ਬਜ਼ੁਰਗਾਂ ਅਤੇ ਮਹਿਲਾਵਾਂ ਦੇ ਲਈ ਕੁਝ ਸੀਟਾਂ ਰਾਖਵੀਆਂ ਵੀ ਰੱਖੀਆਂ ਜਾਣਗੀਆਂ। ਸੀਟਾਂ ਦੀ ਵੰਡ ਪਹਿਲਾਂ ਆਓ -ਹਿਲਾਂ ਪਾਓ ਦੇ ਅਧਾਰ ਉਤੇ ਕੀਤੀ ਜਾਵੇਗੀ। ਖਾਣ-ਪੀਣ ਦੀਆਂ ਵਸਤਾਂ ਵਾਸਤੇ ਸਟਾਲ ਆਦਿ ਵੀ ਲਗਾਏ ਜਾਣਗੇ। ਇਸ ਵਿਸਾਖੀ ਮੇਲੇ ਨੂੰ ਹਰੇਕ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਬਹੁਤ ਹੀ ਮਾਣਯੋਗ ਸਪਾਂਸਰਜ਼ ਵੀਰਾਂ ਅਤੇ ਅਦਾਰਿਆਂ ਵੱਲੋਂ ਭਰਪੂਰ ਸਹਿਯੋਗ ਦਿੱਤਾ ਜਾ ਰਿਹਾ ਹੈ। ਕਲੱਬ ਵੱਲੋਂ ਨਿਊਜ਼ੀਲੈਂਡ ਵਸਦੇ ਸਮੂਹ ਪੰਜਾਬੀ ਭਾਈਚਾਰੇ ਨੂੰ ਇਸ ਵਿਸਾਖੀ ਮੇਲੇ ਦੇ ਵਿਚ ਹੁੰਮ ਹੁੰਮਾ ਕੇ ਪਹੁੰਚਣ ਦੀ ਅਪੀਲ ਕੀਤੀ ਗਈ ਹੈ। ਕਲੱਬ ਦੇ ਪ੍ਰਧਾਨ ਸ. ਅਮਰੀਕ ਸਿੰਘ ਅਤੇ ਸ. ਮਨਜੀਤ ਸਿੰਘ ਬਿੱਲਾਂ ਹੋਰਾਂ ਕਲੱਬ ਮੈਂਬਰਾਂ ਜਿਨ੍ਹਾਂ ਵਿਚ ਬਲਕਾਰ ਸਿੰਘ, ਸ. ਸੰਤੋਖ ਸਿੰਘ ਵਿਰਕ, ਹਰਪ੍ਰੀਤ ਸਿੰਘ ਭੁੱਲਰ, ਅਮਨਪ੍ਰੀਤ ਸਿੰਘ, ਜਗਦੀਪ ਸਿੰਘ ਰਾਏ, ਭਗਵੰਤ ਸਿੰਘ ਮਾਹਿਲ, ਰਵਿੰਦਰ ਸਿੰਘ ਢਿੱਲੋਂ, ਸੋਹਨ ਸਿੰਘ, ਜਸਵਿੰਦਰ ਸਿੰਘ ਮਿੰਟੂ, ਕੰਵਲਜੀਤ ਸਿੰਘ ਰਾਣੇਵਾਲ, ਰਾਜ ਵਰਿੰਦਰ ਸਿੰਘ, ਸ਼ੁੱਭਜਿੰਦਰ ਸਿੰਘ, ਜਗਦੀਪ ਸਿੰਘ ਵੜੈਚ, ਮਨਜਿੰਦਰ ਸਿੰਘ ਲਾਲੀ ਅਤੇ ਤੇਜਪਾਲ ਸਿੰਘ ਦੀ ਤਰਫ ਤੋਂ ਪੋਸਟਰ ਜਾਰੀ ਕਰਨ ਸਮੇਂ ਪਹੁੰਚੇ ਮੀਡੀਆ ਕਰਮੀਆਂ ਜਿਨ੍ਹਾਂ ਵਿਚ ਜੁਗਰਾਜ ਮਾਨ, ਸ. ਪਰਮਿੰਦਰ ਸਿੰਘ, ਬਿਕਰਮਜੀਤ ਸਿੰਘ ਮਟਰਾਂ, ਨਰਿੰਦਰ ਸਿੰਗਲਾ ਅਤੇ ਸ. ਅਮਰਜੀਤ ਸਿੰਘ ਦਾ ਧੰਨਵਾਦ ਕੀਤਾ।
Top
ਆਕਲੈਂਡ 7 ਫਰਵਰੀ (ਹਰਜਿੰਦਰ ਸਿੰਘ ਬਸਿਆਲਾ)-ਹਰ ਪ੍ਰਵਾਸੀ ਚਾਹੇ ਉਹ ਕਿਸੇ ਵੀ ਦੇਸ਼ ਗਿਆ ਹੋਵੇ ਉਸਦਾ ਮੋਹ ਜਿੱਥੇ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਨਾਲ ਬਰਕਰਾਰ ਰਹਿੰਦਾ ਹੈ ਉਥੇ ਉਹ ਵਿਕਸਤ ਮੁਲਕਾਂ ਦੀ ਤਰੱਕੀ ਨੂੰ ਨਿਹਾਰਦਿਆਂ ਨਿਘਾਰ ਵੱਲ ਜਾ ਰਹੇ ਆਪਣੇ ਪੰਜਾਬ ਦੇ ਸੋਹਣੇ ਭਵਿੱਖ ਦੀ ਵੀ ਕਲਪਨਾ ਕਰਦਾ ਹੈ। ਆਜ਼ਾਦੀ ਦੇ 69 ਸਾਲਾਂ ਬਾਅਦ ਵੀ ਖਾਸ ਕਰ ਪੰਜਾਬ ਵਾਸੀਆਂ ਨੂੰ ਕਿਸੇ ਰਾਜਸੀ ਪਾਰਟੀ ਨੇ ਉਹ ਵਿਸ਼ਵਾਸ਼ ਜਾਂ ਹੱਕ ਨਹੀਂ ਦਿੱਤਾ ਜਿਸ ਤੋਂ ਸੁਤੰਤਰਤਾ ਦਾ ਠੰਡਾ ਅਹਿਸਾਸ ਮਿਲਦਾ ਹੋਵੇ। ਹੁਣ ਸਾਰੇ ਪ੍ਰਵਾਸੀਆਂ ਨੇ 'ਆਮ ਆਦਮੀ ਪਾਰਟੀ' ਤੋਂ ਅਜਿਹੀ ਪੱਕੀ ਆਸ ਪ੍ਰਗਟ ਕੀਤੀ ਹੋਈ ਹੈ ਕਿ 2017 ਦੀਆਂ ਚੌਣਾਂ ਬਾਅਦ ਪੰਜਾਬ ਦਾ ਨਵਾਂ ਬਦਲਦਾ ਰੂਪ ਦਿਸਣਾ ਸ਼ੁਰੂ ਹੋਏਗਾ। ਅਜਿਹੀਆਂ ਹੀ ਆਸ਼ਾਵਾਂ ਦੇ ਨਾਲ ਨਿਊਜ਼ੀਲੈਂਡ ਦੇ ਵਿਚ ਸਥਾਪਿਤ 'ਆਮ ਆਦਮੀ ਪਾਰਟੀ' ਦੇ ਵਿੰਗ ਨੇ ਪਿਛਲੇ ਕਾਫੀ ਸਮੇਂ ਤੋਂ ਆਪਣੀਆਂ ਗਤੀਵਿਧੀਆਂ ਵਧਾ ਰੱਖੀਆਂ ਹਨ। ਸ. ਖੜਗ ਸਿੰਘ, ਸ੍ਰੀ ਰਾਜੀਵ ਬਾਜਵਾ, ਸ੍ਰੀ ਗਿਰੀਸ਼ ਮੇਲਰ ਅਤੇ ਸ. ਫਤਹਿ ਸਿੰਘ ਨੇ ਕਈ ਸਾਲ ਪਹਿਲਾਂ ਅਜਿਹਾ ਫੰਡ ਰੇਜਿੰਗ ਉਪਰਾਲਾ ਕੀਤਾ ਸੀ ਕਿ ਨਿਊਜ਼ੀਲੈਂਡ 'ਆਮ ਆਦਮੀ ਪਾਰਟੀ' ਦੇ ਫੰਡ ਦਾਤਾਵਾਂ ਵਿਚੋਂ ਸੱਤਵੇਂ ਨੰਬਰ 'ਤੇ ਸੀ।
ਹੁਣ ਨਿਊਜ਼ੀਲੈਂਡ ਵਿੰਗ ਦਾ ਵਿਸਥਾਰ ਹੋ ਰਿਹਾ ਹੈ, ਅੱਜ ਇਸ ਵਿੰਗ ਵੱਲੋਂ ਪਹਿਲੀ ਰਸਮੀ ਮੀਟਿੰਗ ਦਾ ਆਯੋਜਨ ਉਟਾਹੂਹੂ ਟਾਊਨਹਾਲ ਵਿਖੇ ਕੀਤਾ ਗਿਆ, ਜਿਸ ਦੇ ਵਿਚ ਹਮਿਲਟਨ, ਟੀ ਪੁੱਕੀ, ਪਾਪਾਮੋਆ, ਫਾਂਗਾਰਾਈ ਅਤੇ ਹੋਰ ਕਈ ਦੂਰ-ਦੁਰਾਡੇ ਖੇਤਰਾਂ ਤੋਂ ਨਵੇਂ ਵਲੰਟੀਅਰ ਸ਼ਾਮਿਲ ਹੋਏ। 100 ਦੇ ਕਰੀਬ ਜੁੜੇ ਵਲੰਟਰੀਅਰਜ਼ ਤੋਂ ਇੰਝ ਲਗਦਾ ਸੀ ਜਿਵੇਂ ਨਵੇਂ ਜੋਸ਼ ਨਾਲ ਭਰਿਆ ਇਕ ਕਾਫਲਾ ਬਣ ਰਿਹਾ ਹੋਵੇ ਜੋ ਕਿ ਮੰਜ਼ਿਲ ਵੱਲ ਵਧਣ ਲਈ ਕਦਮ ਦਰ ਕਦਮ ਇਕ ਦੂਜੇ ਨਾਲ ਮਿਲਾ ਰਿਹਾ ਹੋਵੇ। ਮੀਟਿੰਗ ਦੀ ਸ਼ੁਰੂਆਤ ਆਏ ਸਾਰੇ ਮੈਂਬਰਾਂ ਵੱਲੋਂ ਆਪਣੀ ਜਾਣ-ਪਹਿਚਾਣ ਨਾਲ ਹੋਈ। ਮੀਟਿੰਗ ਚੇਅਰਪਰਸਨ ਸ੍ਰੀ ਰਾਜੀਵ ਬਾਜਵਾ ਨੇ ਪ੍ਰਾਜੈਕਟਰ ਦੇ ਉਤੇ ਮੀਟਿੰਗ ਦਾ ਸਾਰੇ ਏਜੰਡਿਆਂ ਨੂੰ ਹਾਜ਼ਰੀਨ ਦੇ ਨਾਲ ਸਾਂਝਾ ਕੀਤਾ ਗਿਆ ਅਤੇ ਨਾਲੋ-ਨਾਲ ਸਾਰਿਆਂ ਦੇ ਸੁਝਾਅ ਵੀ ਲਏ ਗਏ। ਏਜੰਡੇ ਦੇ ਵਿਚ ਸ਼ਾਮਿਲ ਫੰਡ ਰੇਜਿੰਗ, ਆਮ ਸਰਗਰਮੀਆਂ, ਮਹੀਨਾਵਾਰ ਵੱਖ-ਵੱਖ ਸ਼ਹਿਰਾਂ 'ਚ ਮੀਟਿੰਗਾਂ, ਮੈਂਬਰਸ਼ਿੱਪ, ਈ-ਨਿਊਜ਼ਲੈਟਰ, ਹਾਈ ਕਮਾਂਡ ਦੇ ਨਾਲ ਤਾਲ-ਮੇਲ, ਆਉਣ ਵਾਲੀਆਂ ਚੋਣਾਂ ਵਿਚ ਯੋਗਦਾਨ ਅਤੇ ਹੋਰ ਸਬੰਧਿਤ ਸਾਰੇ ਪਹਿਲੂਆਂ ਉਤੇ ਆਪਸੀ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਆਉਣ ਵਾਲੀਆਂ ਮੀਟਿੰਗਾਂ ਨੂੰ ਸੁਚੁੱਜੇ ਢੰਗ ਨਾਲ ਨੇਪਰੇ ਚਾੜ੍ਵਨ ਲਈ ਕੁਝ ਨਿਯਮ ਅਤੇ ਸ਼ਰਤਾਂ ਨੂੰ ਵੀ ਵਿਚਾਰਿਆ ਗਿਆ। ਮੀਟਿੰਗ ਦੇ ਤਰੀਕੇ ਤੋਂ ਸਾਰੇ ਪ੍ਰਭਾਵਿਤ ਨਜ਼ਰ ਆਏ।
Top
ਕੈਲਗਰੀ (ਹਰਬੰਸ ਬੁੱਟਰ) ਕੈਲਗਰੀ ਨਿਵਾਸੀ ਪਾਲ ਸੇਖੋਂ ਹੋਰਨਾਂ ਪਰਵਾਸੀਆਂ ਦੀ ਤਰਾਂ ਹਰ ਸਾਲ ਛੁੱਟੀਆਂ ਕੱਟਣ ਪੰਜਾਬ ਤਾਂ ਜਾਂਦੇ ਹੀ ਹਨ ਪਰ ਉਹ ਉੱਥੇ ਜਾ ਕੇ ਹਰ ਸਾਲ ਸਮਾਜ ਸੇਵਾ ਦੇ ਕੰਮ ਵੀ ਕਰਦੇ ਹਨ।ਇਸ ਸਾਲ 5 ਮਾਰਚ 2016 ਨੂੰ ਲੁਧਿਆਣਾ ਜਿਲੇ ਅੰਦਰ ਪਿੰਡ ਭੈਣੀ ਬੜਿੰਗਾਂ ਵਿਖੇ ਲੋੜਵੰਦ ਲੜਕੀਆਂ ਦੇ ਵਿਆਹ ਕੀਤੇ ਜਾਣਗੇ।6 ਮਾਰਚ ਨੂੰ ਅੱਖਾਂ ਦੇ ਕੈਂਪ ਦੌਰਾਨ ਮੁਫਤ ਐਨਕਾਂ ,ਲੈਂਜ਼ ਅਤੇ ਲੋੜਵੰਦਾ ਦੇ ਅਪਰੇਸ਼ਨ ਕੀਤੇ ਜਾਣਗੇ। ਹੈਪੇਟੇਟਿਸ ਬੀ ਅਤੇ ਸੀ ਦੀਆਂ ਬੀਮਾਰੀਆਂ ਦੀ ਚੈਕ ਅੱਪ ਹੋਵੇਗੀ। ਦਿਲ ਦੀਆਂ ਬੀਮਾਰੀਆਂ ਦੇ ਮਾਹਿਰ ਡਾਕਟਰ ਲੋਕਾਂ ਨੂੰ ਮੁਫਤ ਸਾਰੀਆਂ ਸਹੂਲਤਾਂ ਦੌਰਾਨ ਈਸੀ ਜੀ ਦੇ ਟੈਸਟ ਮੌਕੇ ਉੱਪਰ ਹੀ ਕਰਨਗੇ।ਉਸੇ ਦਿਨ ਦੀ ਸਾਮ ਨੂੰ ਭਾਈ ਅਮਰੀਕ ਸਿੰਘ ਜੀ ਚੰਡੀਗੜ੍ਹ ਵਾਲੇ ਕਥਾ ਕੀਰਤਨ ਦੇ ਦੀਵਾਨ ਸਜਾਉਣਗੇ। 7 ਮਾਰਚ ਦੀ ਸਾਮ ਨੂੰ ਵੀ ਭਾਈ ਅਮਰੀਕ ਸਿੰਘ ਜੀ ਅਤੇ ਬਾਬਾ ਲਖਵਿੰਦਰ ਸਿੰਘ ਜੀ ਅਜਨਾਲੇ ਵਾਲੇ ਕਥਾ ਕੀਰਤਨ ਦੇ ਪ੍ਰਵਾਹ ਰਾਹੀ ਸਿੱਖ ਸੰਗਤਾਂ ਨੂੰ ਗੁਰੂਮੱਤ ਨਾਲ ਜੋੜਨ ਦਾ ਉਪਰਾਲਾ ਕਰਨਗੇ। ਕੈਲਗਰੀ ਨਿਵਾਸੀ ਪਾਲ ਸੇਖੋਂ ਨੇ ਬੇਨਤੀ ਕੀਤੀ ਹੈ ਕਿ ਅਗਰ ਤੁਹਾਡੇ ਸੰਪਰਕ ਵਿੱਚ ਕੋਈ ਅਜਿਹਾ ਪਰਿਵਾਰ ਹੈ ਜੋ ਆਪਣੀ ਬੇਟੀ ਦਾ ਵਿਆਹ ਕਰਨ ਤੋਂ ਅਸੱਮਰਥ ਹੋਵੇ ਤਾਂ ਉਹਨਾਂ ਨਾਲ 403 701 4947, 0091-9779430504 ਜਾਂ ਪੰਜਾਬ ਰਹਿੰਦੇ ਪ੍ਰਧਾਨ ਸ: ਹਰਜਿੰਦਰ ਸਿੰਘ ਬੜਿੰਗ 0091-94177 16570 ਨਾਲ ਸੰਪਰਕ ਕੀਤਾ ਜਾਵੇ। ਸਮੂਹ ਇਲਾਕਾ ਨਿਵਾਸੀਆਂ ਨੂੰ ਇਸ ਸਮਾਜ ਸੇਵਾ ਦੇ ਕਾਰਜ ਵਿੱਚ ਵੱਧ ਚੜ੍ਹਕੇ ਹਿੱਸਾ ਲੈਣ ਦੀ ਬੇਨਤੀ ਹੈ।
Top
-ਪ੍ਰੋਗਰਾਮ 'ਲੇਡੀਜ਼ ਨੇਸ਼ਨ' ਵੰਡ ਗਿਆ ਖੁਸ਼ੀਆਂ ਦੇ ਸੁਨੇਹੇ
ਆਕਲੈਂਡ-23 ਜਨਵਰੀ (ਹਰਜਿੰਦਰ ਸਿੰਘ ਬਸਿਆਲਾ)-ਸਟਾਈਲ ਐਨ.ਜ਼ੈੱਡ ਵਲੋਂ ਇੱਕ ਵਾਰ ਫਿਰ 'ਲੇਡੀਜ਼ ਨੇਸ਼ਨ' ਲੜੀ ਦੇ ਤਹਿਤ ਪਾਪਾਟੋਏਟੇਏ ਦੇ ਐਲਨ ਬਰੂਸਟਰ ਹਾਲ (ਨੇੜੇ ਨਿਊ ਵਰਲਡ), ਟੇਵਰਨ ਲੇਨ ਵਿਖੇ ਅੱਜ ਰਾਤ ਰਵਾਇਤੀ ਅੰਦਾਜ਼ ਵਿੱਚ ਬੀਬੀਆਂ-ਭੈਣਾਂ ਲਈ ਇੱਕ ਸਭਿਆਚਾਰਕ ਸ਼ਾਮ ਆਯੋਜਿਤ ਕੀਤੀ ਗਈ। ਇਸ ਮੇਲੇ ਪ੍ਰਤੀ ਆਕਲੈਂਡ ਅਤੇ ਗੁਆਂਢੀ ਇਲਾਕੇ ਦੀਆਂ ਭੈਣਾਂ-ਭਰਜਾਈਆਂ ਨੇ ਭਾਰੀ ਉਤਸ਼ਾਹ ਨਾਲ ਹਿੱਸਾ ਲਿਆ। ਇਸ ਪਰਦੇਸਣਾਂ ਦੀ ਮਹਿਫਿਲ ਦੌਰਾਨ ਮੰਚ ਤੋਂ ਪੰਜਾਬ ਦੇ ਲੋਕ-ਰੰਗ ਨਾਲ ਸੰਬੰਧਿਤ ਵੰਨਗੀਆਂ ਪੇਸ਼ ਕੀਤੀਆਂ ਗਈਆਂ। ਹਲਕੇ-ਫੁਲਕੇ ਅੰਦਾਜ਼ ਵਿੱਚ ਸਵਾਲ-ਜਵਾਬ ਦੇ ਦੌਰ ਹੋਏ ਅਤੇ ਢੇਰ ਸਾਰੇ ਇਨਾਮ ਤਕਸੀਮ ਕੀਤੇ ਗਏ। ਕੁੱਝ ਮਜ਼ਾਹੀਆ ਗੱਲਾਂ-ਬਾਤਾਂ ਅਤੇ ਉਪਰੰਤ ਰਵਾਇਤੀ ਲੋਕ-ਸੰਗੀਤਕ ਧੁਨਾਂ ਨਾਲ ਰੌਣਕ ਲੱਗ। ਮੇਲਣਾਂ ਦੇ ਮੇਲ ਹੋਏ ਅਤੇ ਬੋਲੀਆਂ ਨਾਲ ਰੰਗ ਬੱਝ ਗਿਆ। ਇਸ ਪ੍ਰੋਗਾਮ ਦਾ ਮੰਚ ਸੰਚਾਲਨ ਬੀਬਾ ਰਾਜ ਮਠਾਰੂ, ਪਾਲੀ ਜਗੈਤ ਅਤੇ ਰੀਨਾ ਸਿੰਘ ਹੋਰਾਂ ਬਾਖੂਬੀ ਕੀਤਾ।ਐਨ.ਜ਼ੈੱਡ. ਇੰਡੀਅਨ ਫਲੇਮ , ਮੈਨੂਰੇਵਾ ਵਲੋਂ ਲਜ਼ੀਜ਼ ਖਾਣੇ ਦਾ ਸਟਾਲ ਹਾਜ਼ਰ ਸੀ। ਜ਼ਿਕਰਯੋਗ ਹੈ ਕਿ ਇਸ ਮੇਲੇ ਨੂੰ ਇੰਡੋ-ਸਪਾਈਸ ਵਰਲਡ(ਅਟਵਾਲ ਪਰਿਵਾਰ), ਰੀਐਲਟਰ ਸ਼੍ਰੀ ਰੂਬਲ ਸਿੰਘ, ਗਲਿੱਟਰ ਜਿਊਰਲਜ਼( ਸ਼੍ਰੀ ਰਾਜੂ ਅਤੇ ਪੱਲਵੀ ਜੀ), ਸ਼੍ਰੀ ਅਮਰੀਕ ਸੰਘਾ ਤੋਂ ਇਲਾਵਾ , ਟ੍ਰੈਵਲ ਪੁਆਇੰਟ, ਬਿਊਟੀ ਬਾਜ਼ਾਰ( ਪਾਪਾਟੋਏਟੋਏ), ਦੀ ਫੰਡ ਮਾਸਟਰ (ਸ਼੍ਰੀ ਦੇਵ ਢੀਂਗਰਾ), ਏਮਸ ਗਲੋਬਲ ਇਮੀਗ੍ਰੇਸ਼ਨ (ਸ਼ੀ੍ਰਮਤੀ ਅਰੂਨਿਮਾ ਢੀਂਗਰਾ), ਡਾ. ਨਾਗੀ, ਬੈਂਕ ਆਫ ਬੜੌਦਾ, ਆਈ ਕਲਰ ਗ੍ਰਾਫਿਕਸ, ਏ.ਜੇ.ਆਟੋਮੋਟਿਵਸ ਦਾ ਸਹਿਯੋਗ ਹਾਸਲ ਹੋਇਆ। ਮੀਡੀਆ ਵਲੋਂ ਕੀਵੀ ਟੀ.ਵੀ, ਰੇਡੀਉ ਸਪਾਈਸ, ਪੰਜਾਬੀ ਹੈਰਾਲਡ, ਗਾਉਂਦਾ ਪੰਜਾਬ ਅਤੇ ਨੱਚਦਾ ਪੰਜਾਬ ਦਾ ਖਾਸ ਧੰਨਵਾਦ ਕੀਤਾ ਗਿਆ, ਜਦੋਂ ਕਿ ਇਸ ਦੌਰਾਨ ਵੌਗ ਫਰਨੀਚਰ ਵਲੋਂ ਸ਼ਾਨਦਾਰ ਸੋਫਾ-ਬੈੱਡ ਅਤੇ ਐਥੇਨਿਕ ਵੀਵ ਬੁਟੀਕ ਵਲੋਂ ਡਿਜ਼ਾਈਨਰ ਭਾਰਤੀ ਸੂਟਾਂ ਦੀ ਨਿਲਾਮੀ ਕੀਤੀ ਗਈ, ਜਿਸ ਤੋਂ ਪ੍ਰਾਪਤ ਰਾਸ਼ੀ ( ਇਸ ਮੇਲੇ ਦੀਆਂ ਟਿਕਟਾਂ ਦੀ ਵਿਕਰੀ ਵਿੱਚੋਂ ਵੀ) ਸਟਾਰਸ਼ਿੱਪ ਹਸਪਤਾਲ ਨੂੰ ਦਾਨ ਦਿੱਤੀ ਜਾਵੇਗੀ। ਅੰਤ ਵਿੱਚ ਸਟਾਈਲ ਐਨ.ਜ਼ੈੱਡ ਵਲੋਂ ਲੱਕੀ ਸੈਣੀ ਹੋਰਾਂ ਦੂਰੋਂ-ਨੇੜਿਉਂ ਪੁੱਜੀਆਂ ਭੈਣਾਂ-ਭਰਜਾਈਆਂ ਅਤੇ ਸਹਿਯੋਗੀ ਅਦਾਰਿਆਂ ਦਾ ਸ਼ੁਕਰਾਨਾ ਕੀਤਾ ਗਿਆ।
Top
ਰੀਜ਼ਾਇਨਾ(ਹਰਬੰਸ ਬੁੱਟਰ) ਰੀਜ਼ਾਇਨਾ ਸਿੱਖ ਸੋਸਾਇਟੀ ਵੱਲੋਂ ਹਰ ਸਾਲ ਦੀ ਤਰਾਂ ਇਸ ਸਾਲ ਵੀ ਸਰਬੱਤ ਦੇ ਭਲੇ ਲਈ ਚੁੱਕੇ ਕਦਮਾਂ ਦਾ ਹਰ ਪਾਸਿਓਂ ਨਿੱਘਾ ਸਵਾਗਤ ਹੋਇਆ ਹੈ। ਇਸ ਸਾਲ ਵੀ ਸਿੱਖ ਸੋਸਾਇਟੀ ਨੇ ਕ੍ਰਿਸਮਿਸ ਅਤੇ ਨਵੇਂ ਸਾਲ ਦੀਆਂ ਮੁਬਾਰਕਾਂ ਵਾਲਾ ਸਾਈਨ ਬੋਰਡ ਰੀਜ਼ਾਇਨਾ ਗੁਰੂਘਰ ਦੇ ਬਾਹਰ ਲਗਾਇਆ ਸੀ । ਸਾਝੀਆਂ ਖੁਸੀਆਂ ਅਤੇ ਪਿਆਰ ਦਾ ਸੰਦੇਸ਼ ਵੰਡਦਾ ਇਹ ਬੋਰਡ ਬਹੁਤ ਜਲਦੀ ਸ਼ੋਸਲ ਮੀਡੀਆ ਅਤੇ ਹੋਰ ਮੀਡੀਆ ਵਿੱਚ ਪਰਸੰਸਾ ਦਾ ਵਿਸ਼ਾ ਬਣਿਆ ਰਿਹਾ। ਕਨੇਡੀਅਨ ਪਬਲਿਕ ਮਨਿਸਟਰ ਰਾਲਫ ਗੁਡੇਲ ਨੇ ਵਿਸੇਸ ਤੌਰ ਤੇ ਗੁਰੂਗਰ ਅੰਦਰ ਹਾਜ਼ਰੀ ਭਰਦਿਆਂ ਸਮੁੱਚੀਆਂ ਸਿੱਖ ਸੰਗਤਾਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਉਹਨਾਂ ਨਾਲ ਹੇਮ ਜੁਟਲਾ, ਪੈਰੀ ਜੁਟਲਾ ਅਤੇ ਰੀਜਾਈਨਾ ਸਹਿਰ ਦੀ ਜਾਣੀ ਪਹਿਚਾਣੀ ਸਖਸੀਅਤ ਭਜਨ ਬਰਾੜ ਵੀ ਹਾਜਿਰ ਸਨ । ਇਸ ਮੌਕੇ ਹੇਮ ਜੁਟਲਾ ਨੇ ਸਮੁੱਚੀ ਸਿੱਖ ਸੰਗਤ ਨੂੰ ਚੰਗੇ ਕਾਰਜ ਲਈ ਵਧਾਈ ਦਿੰਦਿਆ ਕਿਹਾ ਕਿ “ਸਾਨੂੰ ਆਪਸੀ ਸਹਿਯੋਗ ਵਧਾਕੇ ਇੱਕ ਵਧੀਆ ਚੰਗੇ ਸਮਾਜ ਦੀ ਸਿਰਜਣਾ ਵਿੱਚ ਯੋਗਦਾਨ ਪਾਉਣਾ ਚਾਹੀਦਾ ਹੈ।” ਰੀਜ਼ਾਇਨਾ ਸਿੱਖ ਸੋਸਾਇਟੀ ਦੇ ਸਾਬਕਾ ਪ੍ਰਧਾਨ ਸ: ਕੁਲਦੀਪ ਸਿੰਘ ਦਾ ਕਹਿਣਾ ਹੈ ਕਿ “ਜਦੋਂ ਤੁਸੀਂ ਮੈਰੀ ਕ੍ਰਿਸਮਿਸ ਕਹਿੰਦੇ ਹੋਰ ਧਰਮ ਦੇ ਵਿਆਕਤੀ ਨੂੰ ਕਹਿੰਦੇ ਤਾਂ ਉਸ ਵਕਤ ਤੁਸੀਂ ਸਾਂਤੀ ਪਿਆਰ ਅਤੇ ਭਾਈਚਾਰਕ ਸਾਂਝ ਵਧਾਉਣ ਦਾ ਰੋਲ ਅਦਾ ਕਰਦੇ ਹੋ।” ਗੁਰੂਘਰ ਰੀਜ਼ਾਇਨਾ ਦੇ ਮੌਜੂਦਾ ਪ੍ਰਧਾਨ ਸ: ਨਿਰਮਲ ਸਿੰਘ ਮੌੜ ਦਾ ਕਹਿਣਾ ਹੈ ਕਿ “ਸਿੱਖ ਭਾਈਚਾਰਾ ਹਰ ਸਮੇਂ ਸਰਬੱਤ ਦੇ ਭਲੇ ਲਈ ਹੀ ਅਰਦਾਸ ਕਰਦਾ ਹੈ”
Top
ਸ਼੍ਰੋਮਣੀ ਪੰਜਾਬੀ ਲਿਖਾਰੀ ਸਭਾ ਪੰਜਾਬ (ਰਜਿ.) ਵਲੋਂ ਸ਼ਿਵਾਲਕ ਪਬਲਿਕ ਸਕੂਲ, ਫੇਜ-6 ਮੁਹਾਲੀ ਵਿਖੇ ਪੁਸਤਕ ਰੀਲੀਜ ਅਤੇ ਸਨਮਾਨ ਸਮਾਰੋਹ ਅਯੋਜਿਤ ਕੀਤਾ ਗਿਆ: ਜਿਸ ਵਿਚ ਪ੍ਰੀਤਮ ਲੁਧਿਆਣਵੀ ਦੁਆਰਾ ਰਚਿਤ ਦੋ ਪੁਸਤਕਾਂ `ਹੰਝੂਆਂ ਦੇ ਮੋਤੀ` ਅਤੇ `ਦਰਵੇਸ਼ ਹਸਤੀ- ਬਲਵੰਤ ਸਿੰਘ ਮੁਸਾਫਿਰ` ਰੀਲੀਜ ਕੀਤੀਆਂ ਗਈਆਂ। ਇਸ ਸਮੇਂ ਉੱਘੀਆਂ ਕਵਿੱਤਰੀਆਂ ਬੀਬੀ ਵਰਿੰਦਰ ਕੌਰ ਰੰਧਾਵਾ, ਮਿਸ ਕਮਲਜੀਤ ਕੌਰ ਕੋਮਲ ਅਤੇ ਪ੍ਰਿੰ: ਪਰਵੀਨ ਕੌਰ ਸੋਨੀਆ ਨੂੰ `ਹੋਣਹਾਰ ਧੀ ਪੰਜਾਬ ਦੀ- 2015 ਐਵਾਰਡ` ਨਾਲ ਬੜੀ ਸ਼ਾਨੋ-ਸ਼ੌਕਤ ਨਾਲ ਸਨਮਾਨਿਤ ਕੀਤਾ ਗਿਆ। ਜਦ ਕਿ ਬਲਵੰਤ ਸਿੰਘ ਮੁਸਾਫਿਰ (ਸ਼ਿਲਪਕਾਰ ਤੇ ਸ਼ਾਇਰ) ਨੂੰ `ਲੋਹ-ਪੁਰਸ਼-2015 ਐਵਾਰਡ`, ਜਗਜੀਤ ਮੁਕਤਸਰੀ (ਗੀਤਕਾਰ ਤੇ ਗਾਇਕ), ਬੀ. ਆਰ. ਚਿਰਾਗ (ਸ਼ਾਇਰ), ਅਤੇ ਅਸ਼ੋਕ ਟਾਂਡੀ (ਸ਼ਾਇਰ) ਨੂੰ `ਮਾਣ ਪੰਜਾਬ ਦਾ-2015 ਐਵਾਰਡ` ਦੇ ਕੇ ਸਨਮਾਨਿਆ ਗਿਆ। ਇਨ੍ਹਾਂ ਤੋਂ ਇਲਾਵਾ ਬੀਬੀ ਜਸਵੀਰ ਕੌਰ ਮੁਸਾਫਿਰ ਨੂੰ `ਧੀ ਪੰਜਾਬ ਦੀ 2015 ਐਵਾਰਡ` ਦਿੱਤਾ ਗਿਆ। ਇਸ ਸਮਾਗਮ ਦੀ ਪ੍ਰਧਾਨਗੀ ਲਛਮਣ ਸਿੰਘ ਮੇਹੋ ਅਤੇ ਬਲਵੰਤ ਸੱਲ੍ਹਣ ਨੇ ਕੀਤੀ: ਜਦ ਕਿ ਮੁੱਖ ਮਹਿਮਾਨ ਦੇ ਤੌਰ ਤੇ ਊਸ਼ਾ ਆਰ. ਸ਼ਰਮਾ, ਆਈ. ਏ. ਐਸ. (ਰਿਟਾ.) ਅਤੇ ਆਰ. ਐਲ. ਕਲਸੀਆ ਆਈ. ਏ. ਐਸ. (ਰਿਟਾ.) ਨੇ ਸ਼ਿਰਕਤ ਕੀਤੀ। ਇਸ ਮੌਕੇ ਬੋਲਦਿਆਂ ਸ੍ਰੀਮਤੀ ਸ਼ਰਮਾ ਅਤੇ ਸ੍ਰੀ ਕਲਸੀਆ ਨੇ ਜਿੱਥੇ ਸੰਸਥਾ ਦੀਆਂ ਪ੍ਰਾਪਤੀਆਂ ਦਾ ਜ਼ਿਕਰ ਕੀਤਾ, ਉਥੇ ਉਨ੍ਹਾਂ ਨੇ ਪੁਸਤਕਾਂ ਦੇ ਲੇਖਕ ਪ੍ਰੀਤਮ ਲੁਧਿਆਣਵੀ ਨੂੰ ਵਧਾਈ ਵੀ ਦਿੱਤੀ। ਇਸ ਅਵਸਰ ਤੇ ਪ੍ਰਧਾਨਗੀ ਮੰਡਲ ਵਿਚ ਫਤਹਿ ਸਿੰਘ ਬਾਗੜੀ, ਮਨਜੀਤ ਕੌਰ ਮੀਤ, ਪ੍ਰੀਤਮ ਸਿੰਘ ਭੁਪਾਲ, ਪੰਡਿਤ ਸ਼ਕਤੀ ਪ੍ਰਕਾਸ਼ ਬਨੂੜ, ਲਾਲ ਸਿੰਘ ਲਾਲੀ, ਮੇਜਰ ਸਿੰਘ ਈਸੜੂ ਅਤੇ ਜਨਕ ਮਹਿਰੋਕ ਹਾਜਰ ਸਨ। ਹੋਰਾਂ ਤੋਂ ਇਲਾਵਾ ਸਮਾਗਮ ਦੌਰਾਨ ਰਜਿੰਦਰ ਸੇਵਕ, ਥੰਮਣ ਸਿੰਘ ਸੈਣੀ, ਹਰਬੰਸ ਸਿੰਘ ਧਾਲੀਵਾਲ (ਬਟਾਲਾ), ਰਣਜੀਤ ਕੌਰ ਸਵੀ (ਮਲੇਰਕੋਟਲਾ), ਬਲਜੀਤ ਸਿੰਘ ਮੋਰਿੰਡਾ, ਜਰਨੈਲ ਹਸਨਪੁਰੀ, ਦੀਪਤੀ ਬਬੂਟਾ, ਜਸਪ੍ਰੀਤ ਕੌਰ ਮੁਕਤਸਰੀ, ਪ੍ਰਿੰਸੀਪਲ ਨਸੀਬ ਸਿੰਘ ਸੇਵਕ ਅਤੇ ਮੁਨਸ਼ੀ ਸਿੰਘ ਉਚੇਚੇ ਤੌਰ ਹਾਜਰ ਹੋਏ। ਕ੍ਰਿਸ਼ਨ ਰਾਹੀ ਦੀਆਂ ਸੰਗੀਤਕ-ਧੁਨਾਂ ਹੇਠ ਗੁਰਵਿੰਦਰ ਗੁਰੀ, ਕ੍ਰਿਸ਼ਨ ਭੱਟੀ, ਸੰਨੀ ਊਨੇ ਵਾਲਾ, ਬਾਵਾ ਬੱਲੀ, ਬੀਬਾ ਨਵਪ੍ਰੀਤ ਸੰਧੂ, ਪਿਆਰਾ ਸਿੰਘ ਰਾਹੀ, ਰਵਿੰਦਰ ਬਾਲੀ, ਸੁਖਵਿੰਦਰ ਨੂਰਪੁਰੀ ਅਤੇ ਸੱਤਪਾਲ ਲਖੋਤਰਾ ਨੇ ਸਨਮਾਨਿਤ ਸਖਸ਼ੀਅਤਾਂ ਦੀਆਂ ਰਚਨਾਵਾਂ ਪੇਸ਼ ਕਰਕੇ ਆਪੋ-ਆਪਣੀ ਲਾ-ਜੁਵਾਬ ਗਾਇਕੀ ਨਾਲ ਸਰੋਤਿਆਂ ਦਾ ਖੂਬ ਮਨੋਰੰਜਨ ਕੀਤਾ। ਸਮਾਗਮ ਦੇ ਅੰਤ ਵਿਚ ਪ੍ਰਿੰਸੀਪਲ ਸੁਰਿੰਦਰ ਕੌਰ ਦੀ ਨਿਰਦੇਸ਼ਨਾ ਹੇਠ ਏਂਜਲ ਪਬਲਿਕ ਸਕੂਲ ਬਹਿਲੋਲਪੁਰ ਦੀਆਂ ਵਿਦਿਆਰਥਣਾਂ ਨੇ ਜਾਗੋ ਨਾਲ ਸੋਹਣਾ ਰੰਗ ਬੰਨ੍ਹਿਆ। ਸਟੇਜ-ਸਕੱਤਰ ਦੀ ਭੂਮਿਕਾ ਪਿਆਰਾ ਸਿੰਘ ਰਾਹੀ ਵਲੋਂ ਲਾ-ਜੁਵਾਬ ਢੰਗ ਨਾਲ ਨਿਭਾਈ ਗਈ। ਦੂਰ-ਦੁਰਾਡੇ ਤੋਂ ਪਹੁੰਚੇ ਸਾਹਿਤਕਾਰਾਂ ਵਿਚ ਸਰਵ ਸ੍ਰੀ ਮਹਿੰਗਾ ਸਿੰਘ ਕਲਸੀ, ਸ਼ਮਸ਼ੇਰ ਸਿੰਘ ਪਾਲ, ਪ੍ਰਿੰ: ਬਲਬੀਰ ਛਿੱਬੜ, ਸਿਕੰਦਰ ਰਾਮਪੁਰੀ, ਪਲਵਿੰਦਰਜੀਤ ਪਾਲੀ, ਸ਼ਿਵ ਬੱਲੀ, ਸੁਰਿੰਦਰ ਮਹਿਤੋ, ਡਾ ਸੁਖਦਰਸ਼ਨ ਸਿੰਘ, ਜਗਜੀਤ ਸਿੰਘ ਸੋਨੂ (ਪ੍ਰਾਪਰਟੀ ਸਲਾਹਕਾਰ), ਕਾ: ਜੋਗਿੰਦਰ, ਕਾ: ਗਿਆਨ ਚੰਦ, ਪ੍ਰਿੰ: ਤੇਜਾ ਸਿੰਘ, ਰੁਪਿੰਦਰ ਕੌਰ ਰਿੰਪੀ, ਬੀਬੀ ਈਸ਼ਰਤ ਜਹਾਂ, ਡਾ: ਮੀਨਾਕਸ਼ੀ ਸ਼ਰਮਾ, ਬਾਵਾ ਹਨੂਮੰਤ ਸਿੱਧੂ, ਵਰਿਆਮ ਬਟਾਲਵੀ, ਕਸ਼ਮੀਰ ਘੇਸਲ, ਰਾਜ ਕੁਮਾਰ ਸਾਹੋਵਾਲੀਆ, ਸਰਬਜੀਤ ਸਿੰਘ ਪ੍ਰਿੰਸ, ਜਸਪਾਲ ਦੇਸੂਵੀ, ਡਾ. ਆਈ. ਡੀ. ਸਿੰਘ, ਸੁਰਿੰਦਰ ਕੌਰ ਭੋਗਲ, ਕਸ਼ਮੀਰ ਕੌਰ ਸੰਧੂ, ਰਣਜੋਧ ਸਿੰਘ ਰਾਣਾ, ਪ੍ਰਿੰ: ਹਰਨੇਕ ਸਿੰਘ ਆਦਿ ਸ਼ਾਮਲ ਸਨ। ਕੁੱਲ ਮਿਲਾਕੇ ਸਮਾਗਮ ਯਾਗਦਾਰੀ ਪੈੜਾਂ ਛੱਡ ਗਿਆ। ਪੈੜਾਂ ਛੱਡ ਗਿਆ।
Top
ਸੋਸ਼ਲ ਮੀਡੀਆ ਲਾਹੇਵੰਦ ਹਥਿਆਰ ਪਰ ਇਸ ਦਾ ਘੋੜਾ ਦੱਬਣ ਤੋਂ ਪਹਿਲਾਂ ਰਹੋ ਹੋਸ਼ਿਆਰ : ਸੁਖਨੈਬ ਸਿੱਧੂ
ਸੋਸ਼ਲ ਮੀਡੀਆ ਤੋਂ ਮਿਲੀ ਜਾਣਕਾਰੀ ਦੀ ਯੋਗਤਾ ਅਤੇ ਅਯੋਗਤਾ ਵਿਚਲਾ ਫ਼ਰਕ ਪਰਖਣਾ ਜ਼ਰੂਰੀ : ਪ੍ਰਿੰ. ਦਿਉਲ
ng>ਜੈਤੋ, 18 ਨਵੰਬਰ : ਯੂਨੀਵਰਸਿਟੀ ਕਾਲਜ ਜੈਤੋ ਦੇ ਪੰਜਾਬੀ ਵਿਭਾਗ ਵੱਲੋਂ ਪ੍ਰਿੰਸੀਪਲ ਡਾ. ਇੰਦਰਜੀਤ ਕੌਰ ਦਿਉਲ ਦੇ ਦਿਸ਼ਾ-ਨਿਰਦੇਸ਼ ’ਤੇ ਡਾ. ਪਰਮਿੰਦਰ ਸਿੰਘ ਤੱਗੜ ਦੀ ਅਗਵਾਈ ਵਿਚ ‘ਪ੍ਰਿੰਟ ਅਤੇ ਇਲੈਕਟ੍ਰਾਨਿਕ ਮੀਡੀਆ ਦੇ ਦੌਰ ਵਿਚ ਸੋਸ਼ਲ ਮੀਡੀਆ ਦੀ ਭੂਮਿਕਾ’ ਮੁੱਖ ਵਿਸ਼ੇ ਨੂੰ ਲੈ ਕੇ ਇਕ ਸੈਮੀਨਾਰ ਕਰਾਇਆ ਗਿਆ। ਜਿਸ ਵਿਚ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕਰਦਿਆਂ ਆਨਲਾਈਨ ਮੀਡੀਆ ਨਾਲ ਜੁੜੀ ਸ਼ਖ਼ਸੀਅਤ ਸੁਖਨੈਬ ਸਿੰਘ ਸਿੱਧੂ ਸ਼ਾਮਲ ਹੋਏ। ਗੁਰਜੀਤ ਸਿੰਘ ਰਿਕਾਰਡਿਸਟ ਸਤਿਕਾਰਤ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਮੁੱਖ ਮਹਿਮਾਨ ਸ੍ਰੀ ਸਿੱਧੂ ਬਾਰੇ ਜਾਣ-ਪਛਾਣ ਪੰਜਾਬੀ ਵਿਭਾਗ ਦੇ ਮੁਖੀ ਡਾ. ਤੱਗੜ ਨੇ ਕਰਾਈ। ਆਪਣੇ ਸੰਬੋਧਨ ਵਿਚ ਸ੍ਰੀ ਸਿੱਧੂ ਨੇ ਕਿਹਾ ਕਿ ਅਜੋਕੇ ਅਤਿ ਆਧੁਨਿਕ ਬਿਜਲਈ ਸਾਧਨਾਂ ਦੇ ਦੌਰ ਵਿਚ ਸੋਸ਼ਲ ਮੀਡੀਆ ਇਕ ਬਹੁਤ ਲਾਹੇਵੰਦ ਹਥਿਆਰ ਹੈ ਪਰ ਇਸ ਦਾ ਘੋੜਾ ਦੱਬਣ ਤੋਂ ਪਹਿਲਾਂ ਹੋਸ਼ਿਆਰ ਰਹਿਣਾ ਬਹੁਤ ਲਾਜ਼ਮੀ ਹੈ ਕਿਉਂਕਿ ਬੰਦੂਕ ’ਚੋਂ ਨਿਕਲਿਆ ਕਾਰਤੂਸ ਤਾਂ ‘ਮਿਸ’ ਵੀ ਮਾਰ ਸਕਦਾ ਹੈ ਪਰ ਇਕ ਸਿੰਗਲ ਕਲਿੱਕ ਨਾਲ ਸੋਸ਼ਲ ਮੀਡੀਆ ਜ਼ਰੀਏ ਵਾਇਰਲ ਹੋਈ ਜਾਣਕਾਰੀ ਤਬਾਹੀ ਲਿਆ ਸਕਦੀ ਹੈ। ਪ੍ਰਿੰਸੀਪਲ ਡਾ. ਇੰਦਰਜੀਤ ਕੌਰ ਦਿਉਲ ਨੇ ਕਿਹਾ ਕਿ ਸੋਸ਼ਲ ਮੀਡੀਆ ਜ਼ਰੀਏ ਮਿਲ ਰਹੀ ਜਾਣਕਾਰੀ ਦੇ ਯੋਗ ਜਾਂ ਅਯੋਗ ਹੋਣ ਬਾਰੇ ਪਰਖ਼ ਕਰਕੇ ਹੀ ਉਸ ਨੂੰ ਅੱਗੇ ਸਾਂਝੀ ਕਰਨਾ ਚਾਹੀਦਾ ਹੈ।
ਸੈਮੀਨਾਰ ਵਿਚ ਪੇਸ਼ ਕੀਤੇ ਗਏ ਵਿਖਿਆਨਾਂ ਵਿਚ ਡਾ. ਪਰਮਿੰਦਰ ਸਿੰਘ ਤੱਗੜ ਨੇ ‘ਸੋਸ਼ਲ ਮੀਡੀਆ ਦੇ ਸੰਦਰਭ ਵਿਚ ਖੇਤਰੀ ਭਾਸ਼ਾਵਾਂ ਦੇ ਸ਼ਬਦ ਜੋੜਾਂ ਦੀ ਦਸ਼ਾ’ ਵਿਸ਼ੇ ’ਤੇ ਬੋਲਦਿਆਂ ਕਿਹਾ ਕਿ ਜਿੱਥੇ ਸੋਸ਼ਲ ਮੀਡੀਆ ਅਤੇ ਇੰਟਰਨੈ¤ਟ ਜ਼ਰੀਏ ਖੇਤਰੀ ਭਾਸ਼ਾਵਾਂ ਨੇ ਬਹੁਤ ਤਰੱਕੀ ਕਰ ਲਈ ਹੈ ਉਥੇ ਸੋਸ਼ਲ ਮੀਡੀਆ ’ਤੇ ਵਰਤੀ ਜਾਂਦੀ ਖੇਤਰੀ ਭਾਸ਼ਾ ਦੇ ਸ਼ਬਦ ਜੋੜਾਂ ਦੀ ਵਰਤੋਂ ਬਹੁਤੀ ਸੰਤੋਖਜਨਕ ਨਹੀਂ ਹੈ। ਹੋਰਨਾਂ ਉਪ ਵਿਸ਼ਿਆਂ ’ਤੇ ਡਾ. ਊਸ਼ਾ ਜੈਨ ਨੇ ‘ਸੋਸ਼ਲ ਮੀਡੀਆ ਦੀ ਸਮਾਜਿਕ-ਆਰਥਿਕ ਪ੍ਰਸੰਗਿਕਤਾ’, ਡਾ. ਕਰਮਜੀਤ ਸਿੰਘ ਨੇ ‘ਪ੍ਰਿੰਟ ਮੀਡੀਆ : ਇਤਿਹਾਸਕ ਪਰਿਪੇਖ’, ਡਾ. ਰੂਪ ਕਮਲ ਕੌਰ ਨੇ ‘ਪਰਿਵਾਰਕ ਅਤੇ ਸਮਾਜਿਕ ਰਿਸ਼ਤਿਆਂ ਦੇ ਪ੍ਰਸੰਗ ਵਿਚ ਸੋਸ਼ਲ ਮੀਡੀਆ ਦੀ ਭੂਮਿਕਾ’ ਅਤੇ ਡਾ. ਸੁਭਾਸ਼ ਚੰਦਰ ਅਰੋੜਾ ਨੇ ‘ਬਿਜਲਈ ਸਾਧਨ ਅਤੇ ਸੋਸ਼ਲ ਮੀਡੀਆ : ਤਕਨੀਕੀ ਪੱਖ’ ਵਿਸ਼ੇ ’ਤੇ ਚਰਚਾ ਕੀਤੀ। ਤਕਨੀਕੀ ਸਹਿਯੋਗ ਰਾਜਵਿੰਦਰ ਸਿੰਘ ਸੰਧੂ ਅਤੇ ਬਲਵਿੰਦਰ ਸਿੰਘ ਨੇ ਦਿੱਤਾ। ਗੁਰਮਤਿ ਸੰਗੀਤ ਵਿਭਾਗ ਦੇ ਪ੍ਰੋ. ਹਰਮਨਦੀਪ ਸਿੰਘ ਦੀ ਅਗਵਾਈ ਵਿਚ ਵਿਦਿਆਰਥੀਆਂ ਨੇ ਯੂਨੀਵਰਸਿਟੀ ਧੁਨੀ ਅਤੇ ਰਾਸ਼ਟਰੀ ਗਾਣ ਪੇਸ਼ ਕੀਤਾ।
Top
ਸਰਬੱਤ ਦਾ ਭਲਾ ਚੈਰੀਟੇਬਲ ਟਰੱਸਟ ਵੱਲੋਂ ਰੋਕੋ ਕੈਂਸਰ ਲੰਡਨ ਦੇ ਸੰਚਾਲਕ ਅਜਵਿੰਦਰ ਸਿੰਘ ਚਾਵਲਾ ਅਤੇ ਭਾਈ ਘਨੱਈਆ ਕੈਂਸਰ ਰੋਕੋ ਸੇਵਾ ਸੁਸਾਇਟੀ ਦੇ ਸਹਿਯੋਗ ਨਾਲ ਜਨਮ ਅਸਥਾਨ ਗੁਰੂ ਅੰਗਦ ਦੇਵ ਜੀ ਗੁਰਦਵਾਰਾ ਸਾਹਿਬ ਸਰਾਏਨਾਗਾ ਵਿਖੇ 30 ਸਤੰਬਰ ਦਿਨ ਬੁੱਧਵਾਰ ਨੂੰ ਸਵੇਰੇ 9 ਵਜੇ ਮੁਫ਼ਤ ਅੱਖਾਂ ਅਤੇ ਕੈਂਸਰ ਜਾਂਚ ਕੈਂਪ ਲਾਇਆ ਜਾ ਰਿਹਾ ਹੈ। ਜਿਸ ਦਾ ਉਦਘਾਟਨ ਉੱਘੇ ਕਾਰੋਬਾਰੀ, ਪ੍ਰਸਿੱਧ ਸਮਾਜਸੇਵੀ ਤੇ ਟਰੱਸਟ ਦੇ ਮੈਨੇਜਿੰਗ ਟਰੱਸਟੀ ਡਾ.ਐਸ.ਪੀ.ਸਿੰਘ ਉਬਰਾਏ ਕਰਨਗੇ। ਸੁਸਾਇਟੀ ਦੇ ਪ੍ਰਧਾਨ ਗੁਰਪ੍ਰੀਤ ਸਿੰਘ ਚੰਦਬਾਜਾ ਤੇ ਪ੍ਰੈਸ ਸਕੱਤਰ ਗੁਰਿੰਦਰ ਸਿੰਘ ਮਹਿੰਦੀਰੱਤਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਡਾ.ਪ੍ਰਭਦੇਵ ਸਿੰਘ ਬਰਾੜ ਦੀ ਅਗਵਾਈ ਵਾਲੀ ਮਾਹਰ ਡਾਕਟਰਾਂ ਦੀ ਟੀਮ ਮਰੀਜ਼ਾਂ ਦੀਆਂ ਅੱਖਾਂ ਦੀ ਜਾਂਚ ਕਰੇਗੀ। ਉਨ•ਾਂ ਦੱਸਿਆ ਕਿ ਚਿੱਟੇ ਮੋਤੀਏ ਦੇ ਮਰੀਜ਼ਾਂ ਦੇ ਬਰਾੜ ਅੱਖਾਂ ਦਾ ਹਸਪਤਾਲ ਕੋਟਕਪੂਰਾ ਵਿਖੇ ਲੈਨਜ਼ ਪਾਏ ਜਾਣਗੇ। ਜਸਵਿੰਦਰ ਸਿੰਘ ਸਿੱਧੂ ਹਰੀਕੇ ਕਲਾਂ ਤੇ ਨਰਿੰਦਰਪਾਲ ਸਿੰਘ ਪੰਮਾ ਸੰਧੂ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਲੋੜਵੰਦਾਂ ਨੂੰ ਐਨਕਾਂ ਤੇ ਦਵਾਈਆਂ ਵੀ ਮੁਫ਼ਤ ਵੰਡੀਆਂ ਜਾਣਗੀਆਂ। ਉਨ•ਾਂ ਦੱਸਿਆ ਕਿ ਕੈਂਪ ਦੌਰਾਨ ਛਾਤੀ ਦਾ ਕੈਂਸਰ, ਬੱਚੇਦਾਨੀ ਦਾ ਕੈਂਸਰ, ਗਦੂਦਾਂ ਦਾ ਕੈਂਸਰ, ਮੂੰਹ ਦਾ ਕੈਂਸਰ, ਸ਼ੂਗਰ ਤੇ ਖੂਨ ਦੀ ਮੁਫ਼ਤ ਜਾਂਚ ਦੇ ਨਾਲ-ਨਾਲ ਹਰ ਤਰ•ਾਂ ਦੇ ਟੈਸਟ ਮੁਫ਼ਤ ਕੀਤੇ ਜਾਣਗੇ। ਇਸ ਮੌਕੇ ਬਾਬਾ ਸੁਰਿੰਦਰ ਹਰੀ ਸਿੰਘ ਦੀ ਟੀਮ ਵੱਲੋਂ ਸੰਗਤਾਂ ਲਈ ਬਕਾਇਦਾ ਲੰਗਰ ਦਾ ਪ੍ਰਬੰਧ ਕੀਤਾ ਜਾਵੇਗਾ। ਇਸ ਮੌਕੇ ਉਪਰੋਕਤ ਤੋਂ ਇਲਾਵਾ ਕੁਲਤਾਰ ਸਿੰਘ ਸੰਧਵਾਂ, ਨਿਰਮਲਜੀਤ ਸਿੰਘ ਖਾਲਸਾ, ਮੱਘਰ ਸਿੰਘ, ਸ਼ਿਵਜੀਤ ਸਿੰਘ ਸੰਘਾ, ਹਰਵਿੰਦਰ ਸਿੰਘ ਖਾਲਸਾ ਆਦਿ ਵੀ ਹਾਜ਼ਰ ਸਨ।
Top
