Testing Feed

Feed Test

Top

ਆਓ ਜਾਣੀਏ ਸਿੱਖ ਯੂਥ ਅਤੇ ਭਾਈ ਕੁਲਦੀਪ ਸਿੰਘ ਨੂੰ

 

ਕਿਸੇ ਵੀ ਇਨਸਾਨ ਦੀ ਸਖਸ਼ੀਅਤ ਉਸਾਰੀ ਇਸ ਗੱਲ ਤੇ ਨਿਰਭਰ ਕਰਦੀ ਹੈ ਕਿ ਉਸ ਨੂੰ ਬਚਪਨ ਵਿਚ ਕਿਹੋ ਜਿਹੀਆਂ ਕਰਦਾ-ਕੀਮਤਾਂ ਪ੍ਰਾਪਤ ਹੋਈਆਂ ਹਨ। ਉਸ ਦੇ ਮਾਰਗ ਦਰਸ਼ਕ ਕਿਹੋ ਜੇਹੇ ਸਨ । ਮਾਪਿਆ ਅਤੇ ਅਧਿਆਪਕਾਂ ਨੇ ਉਸ ਨੂੰ ਕਿਹੜਾ ਪਾਠ ਪੜਾਇਆ ਹੈ। ਬਾਲ ਮਨ ਤੇ ਉਕਰੇ ਸੁਨੇਹੇ ਦਿੱਤੀ ਮੱਤ ਅਤੇ ਜੀਵਨ ਜਾਚ ਕਿਸੇ ਕੋਰੇ ਕਾਗਜ਼ ਤੇ ਲਿਖੇ ਅੱਖਰਾਂ ਵਾਂਗ ਅਕਸਰ ਸਦੀਵੀ ਹੋ ਜਾਇਆ ਕਰਦੇ ਹਨ। ਕਿਸੇ ਵਿਅਕਤੀ ਦੀ ਖੇਡਾਂ, ਸਭਿਆਚਾਰ, ਵਿਗਿਆਨ ਜਾਂ ਧਾਰਮਿਕ ਖੇਤਰ ਵਿੱਚ ਪਛਾਣ ਉਸ ਦੇ ਇਨ੍ਹਾਂ ਖੇਤਰਾਂ ਨਾਲ ਕਿਤੇ ਸੱਚੇ ਇਸ਼ਕ ਦਾ ਨਤੀਜਾ ਹੁੰਦੀ ਹੈ।  

ਸ. ਕੁਲਦੀਪ ਸਿੰਘ ਇਕ ਅਜਿਹਾ ਸ਼ਖਸ਼  ਹੈ ਜਿਸ ਨੂੰ ਨਿੱਕੀ ਉਮਰੇ ਹੀ ਆਪਣੇ ਘਰੋਂ ਧਾਰਮਿਕ  ਕਦਰਾਂ ਕੀਮਤਾਂ ਦੀ ਬਖ਼ਸ਼ਿਸ਼ ਹੋ ਗਈ ਸੀ। ਮੁੱਢੋਂ ਹੀ ਗੁਰਬਾਣੀ ਸੁਣਨੀ, ਧਾਰਮਿਕ ਰਹਿ ਰੀਤਾਂ ਨੂੰ ਸਮਝਣਾ, ਤੇ ਲੋਕ ਸੇਵਾ ਕਰਨਾ ਉਸਦਾ ਰੁਝਾਨ ਸੀ। ਮਾਂ ਬਾਪ ਤੇ ਅਧਿਆਪਕਾਂ ਦਾ ਫਰਜ਼ ਹੁੰਦਾ ਹੈ ਕਿ ਉਹ ਆਪਣੇ ਧੀਆਂ ਪੁੱਤਰਾਂ ਤੇ ਸ਼ਾਗਿਰਦਾਂ  ਨੂੰ ਸਹੀ ਰਾਹ ਤੇ ਤੋਰਨ ਪਰ ਉਸ ਰਾਹ ਤੇ ਤਾਂ ਸਾਰੀ ਉਮਰ ਅਡੋਲ ਤੁਰਦੇ ਰਹਿਣ ਦੀ ਜਿੰਮੇਵਾਰ ਉਸ ਸ਼ਖਸ ਦੇ ਆਪਣੇ ਮੋਢਿਆਂ ਤੇ ਹੁੰਦੀ ਹੈ। ਸਰਦਾਰ ਕੁਲਦੀਪ ਸਿੰਘ ਇਸ ਜਿੰਮੇਵਾਰੀ  ਨੂੰ ਬਾਖੂਬੀ ਨਿਭਾ ਰਹੇ ਹਨ।

ਪੰਜ ਪਾਣੀਆਂ ਦੀ ਧਰਤੀ ਤੇ ਜਨਮੇਂ ਤੇ ਪਿਛਲੇ ਸੋਲਾਂ ਸਾਲਾਂ ਤੋਂ ਕਨੇਡਾ ਆ ਵਸੇ ਕੁਲਦੀਪ ਸਿੰਘ ਨੇ ਪ੍ਰਾਇਮਰੀ ਸਕੂਲ ਪੜ੍ਹਦਿਆਂ ਹੀ ਪ੍ਰਭਾਤ ਫੇਰੀਆਂ ਤੇ ਜਾਣਾ, ਗੁਰਬਾਣੀ ਪੜ੍ਹਨੀ ਅਤੇ ਕੀਰਤਨ ਕਰਨਾ ਸ਼ੁਰੂ ਕਰ ਦਿੱਤਾ ਸੀ।   ਬਾਲ ਉਮਰ `ਚ ਹੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀਆਂ ਸਿੱਖਿਆਵਾਂ ਨੂੰ ਆਪਣੇ ਮਨ ਵਿਚ ਵਸਾ ਲਿਆ ਸੀ। ਜ਼ਿੰਦਗੀ ਦੀਆ ਧੁੱਪਾਂ ਛਾਵਾਂ ਮਾਣਦਿਆਂ ਉਹਨਾਂ ਨੇ ਸਿੱਖ ਧਰਮ ਬਾਰੇ ਢੇਰ ਸਾਰਾ ਗਿਆਨ ਹਾਸਲ ਕੀਤਾ, ਗੁਰਦਵਾਰਿਆਂ ਦੇ ਪ੍ਰਬੰਧ `ਚ ਯੋਗਦਾਨ ਪਾਇਆ ਅਤੇ ਧਾਰਮਿਕ  ਸਖਸੀਅਤਾਂ  ਦੀ ਸੰਗਤ ਮਾਣੀ। ਗੁਰੂ ਦੀ ਸਿੱਖਿਆ ਨੂੰ ਆਪਣੇ ਜੀਵਨ ਜਾਚ ਦਾ ਅਧਾਰ ਬਣਾਇਆ ਤੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਨੂੰ ਆਪਣਾ ਪ੍ਰੇਰਨਾ ਸਰੋਤ ਬਣਾਇਆ। ਉਹਨਾਂ ਦੇ ਮਨ ਉਪਰ ਸਿੱਖ ਧਰਮ ਤੇ ਵਗੀਆਂ ਹਨੇਰਿਆਂ ਅਤੇ ਇਤਿਹਾਸਕ ਹਮਲਿਆਂ ਦਾ ਡੂੰਘਾ ਅਸਰ ਹੋਇਆ। ਇਸ ਅਸਰ ਨੇ ਉਹਨਾਂ ਦੀ ਧਰਮ ਪ੍ਰਚਾਰ ਦੀ ਦ੍ਰਿੜਤਾ ਨੂੰ ਹੋਰ ਪਰਪੱਕ ਕੀਤਾ।

ਕਨੇਡਾ ਆਉਣ ਮਗਰੋਂ ਉਹਨਾਂ ਨੇ ਰੇਡੀਓ ਪ੍ਰੋਗਰਾਮਾਂ ਵਿੱਚ ਇਕ ਕਾਲਰ ਦੇ ਤੋਰ ਤੇ ਹਾਜ਼ਰੀ ਲੁਆਉਣੀ ਸ਼ੁਰੂ ਕਰ ਦਿੱਤੀ ਤੇ ਹੌਲੀ-ਹੌਲੀ ਇਹ ਕਾਲਰ ਆਪਣੇ ਧਾਰਮਿਕ ਖੇਤਰ ਵਿੱਚ ਹਾਸਲ ਕਿਤੇ ਹੋਏ ਗਿਆਨ ਦੇ ਜ਼ਰੀਏ ਖ਼ੁਦ ਇੱਕ ਧੜੱਲੇਦਾਰ ਰੇਡੀਓ ਹੋਸਟ ਬਣ ਗਿਆ।  ਇਕ ਅਜੇਹਾ ਰੇਡੀਓ ਹੋਸਟ ਜਿਸ ਨੇ ਅੱਜ ਤੱਕ ਕਦੇ ਵਿ ਕੋਈ ਰਾਜਨੀਤਕ ਪ੍ਰੋਗਰਾਮ ਪੇਸ਼ ਨਹੀ ਕੀਤਾ ਸਗੋਂ ਪਿਛਲੇ ਅੱਠ ਸਾਲ ਤੋਂ ਲਗਾਤਾਰ ਅੰਮ੍ਰਿਤ ਵੇਲੇ ਗੁਰਬਾਣੀ ਵਿਚਾਰ ਪ੍ਰੋਗਰਾਮ ਪੇਸ਼ ਕਰਕੇ ਸਰੋਤਿਆਂ ਦੇ ਕੰਨੀ ਅੰਮ੍ਰਿਤ ਘੋਲਿਆ।

ਕਿਸੇ ਵੀ ਸਿਰਮੌਰ ਧਾਰਮਿਕ ਸਖਸ਼ੀਅਤ ਦਾ ਨਾਮ ਲਓ ਉਸ ਨਾਲ ਸਰਦਾਰ ਕੁਲਦੀਪ ਸਿੰਘ ਇੰਟਰਵਿਊ ਕਰ ਚੁੱਕੇ ਹਨ ਤੇ ਰੇਡੀਓ ਮਾਧਿਅਮ ਦੇ ਜਰੀਏ ਸਰੋਤਿਆਂ  ਸਾਹਮਣੇ ਪੇਸ਼ ਕਰ  ਚੁੱਕੇ ਹਨ। ਆਪਣੇ ਪ੍ਰੋਗਰਾਮਾਂ ਵਿੱਚ ਉਹਨਾਂ ਸਮਾਜਿਕ ਕੁਰੀਤੀਆਂ ਖਿਲਾਫ਼ ਖੁੱਲ ਕੇ ਅਵਾਜ਼ ਬੁਲੰਦ ਕੀਤੀ ਹੈ। ਡਾ. ਹਰਸ਼ਿੰਦਰ ਕੋਰ ਵਰਗੀਆਂ ਸਖਸੀਅਤਾਂ ਨੂੰ ਸਰੋਤਿਆਂ ਦੇ ਰੂਬਰੂ  ਕਰਕੇ ਮਾਦਾ ਭਰੂਣ ਹੱਤਿਆ ਵਰਗੀਆਂ ਕੁਰੀਤੀਆਂ ਖਿਲਾਫ਼  ਲੜਾਈ `ਚ ਆਪਣਾ ਬਣਦਾ ਯੋਗਦਾਨ ਪਾ ਚੁੱਕੇ ਹਨ।

ਆਪਣੇ ਦਿਲ `ਚ ਮਨੁੱਖਤਾ ਦਾ ਦਰਦ ਰੱਖਣ ਵਾਲੇ ਇਸ ਸ਼ਖਸ ਨੇ ਧਾਰਮਿਕ ਪ੍ਰੋਗਰਾਮਾਂ ਤੋਂ ਬਿਨਾ ਜੇ ਕੋਈ ਪ੍ਰੋਗਰਾਮ ਪੇਸ਼ ਕੀਤਾ ਹੈ ਤਾਂ ਉਹ ਹੈ ਸਹਿਤ ਸਬੰਧੀ ਪ੍ਰੋਗਰਾਮ ‘ਦਿਲਾਂ ਦੀ ਸਾਝ’। ਇਸ ਪ੍ਰੋਗਰਾਮ ਵਿੱਚ ਉਹ ਲੋਅਰ ਮੇਨ ਲੈਂਡ ਤੋਂ ਲੈ ਕੇ ਸੱਤ ਸਮੁੰਦਰੋ ਪਾਰ ਵਸਦੇ ਕਾਬਲ ਸਿਹਤ ਮਾਹਿਰਾਂ , ਡਾਕਟਰਾਂ ਅਤੇ ਸਮਾਜ ਸੇਵੀਆਂ ਨਾਲ  ਸਰੋਤਿਆਂ ਦੀ ਵਿਚਾਰ ਚਰਚਾ ਕਰਵਾ ਚੁੱਕੇ ਹਨ ਅਤੇ ਲੋਕਾਂ ਵਿੱਚ ਸਿਹਤ ਸਬੰਧੀ ਜਾਗਰੂਕਤਾ ਪੈਦਾ ਕਰ ਚੁੱਕੇ ਹਨ। ਹੁਣ ਤਾਈ ਸਿੱਖ ਧਰਮ ਦੇ ਪਸਾਰ ਭਾਈ ਕੁਲਦੀਪ ਸਿੰਘ ਜੀ ਵੱਲੋਂ ਕੀਤੀ ਗਈ ਸੇਵਾ ਆਪਣੀ ਮਿਸਾਲ ਆਪ ਹੈ। 

  ਜਿਥੇ ਜ਼ਿੰਦਗੀ ਦੀ ਜੱਦੋਂ  ਜਹਿਦ ਦੇ ਚਲਦਿਆਂ ਉਹਨਾਂ ਰਿਟੇਲ ਬਿਜਨਸ ਅਤੇ ਰੀਅਲ ਅਸਟੇਟ ਦੇ ਕਾਰੋਬਾਰ ਵਿੱਚ ਚੋਖਾ ਨਾਂ ਕਮਾਇਆ ਹੈ ਉਥੇ  ਉਹ ਆਪਣੀ ਜੀਵਨ ਆਥਣ ਦੇ ਸਹਿਯੋਗ ਨਾਲ ਆਪਣੇ ਬੇਟੇ ਅਤੇ ਬੇਟੀ ਦਾ ਵਿਆਹ ਕਰ ਕੇ ਇਸ ਵੇਲੇ ਜਿੰਮੇਵਾਰੀ ਮੁਕਤ ਹੋ ਚੁੱਕੇ ਹਨ। ਜਿੰਮੇਵਾਰੀ ਮੁਕਤ ਹੋਣ ਉਪ੍ਰੰਤ ਉਹ ਪਹਿਲਾਂ ਨਾਲੋਂ ਵੀ ਜਿਆਦਾ ਸਮਾਂ ਧਾਰਮਿਕ ਗਤੀਵਿਧੀਆਂ `ਚ ਲਾਉਣ ਲੱਗੇ ਹਨ ਅਤੇ  ਸਿੱਖ ਫ਼ਲਸਫ਼ੇ,  ਧਾਰਮਿਕ ਕਰਦਾ ਕੀਮਤਾਂ ਅਤੇ ਇਤਿਹਾਸ ਦੇ ਪਸਾਰੇ ਲਈ ਕੱਢ ਰਹੇ ਹਨ। 

ਰਾਜਨੀਤੀ ਤੋਂ ਕੋਹਾਂ ਦੂਰ ਰਹੇ ਇਸ ਸਖਸ਼ ਦਾ ਸਿੱਖ ਯੂਥ ਵੈਨਕੂਵਰ ਨਾਲ ਸੰਪਰਕ ਸਥਾਪਤ ਹੋਣ ਮਗਰੋਂ ਇਸ ਜਥੇਬੰਦੀ ਦੇ ਉਦੇਸ਼ਾਂ ਵੱਲ ਝੁਕਾਅ ਹੋ ਗਿਆ ਤੇ ਇਸ ਝੁਕਾਅ ਦੇ ਸਿੱਟੇ ਵਜੋਂ ਉਹ ਇਸ ਜਥੇਬੰਦੀ ਨਾਲ ਜੁੜ ਗਏ। ਸਿੱਖ ਯੂਥ ਵੈਨਕੂਵਰ ਇਕ ਅਜਿਹੀ ਜਥੇਬੰਦੀ ਹੈ ਜਿਸ ਦਾ ਮੰਤਵ ਰਾਜਨੀਤੀ ਤਾਕਤ ਹਥਿਆਉਣਾ ਨਹੀਂ ਸਗੋਂ ਇੱਕ ਅਜਿਹੀ ਮੁਹਿੰਮ ਚਲਾਉਣਾ ਹੈ ਜਿਹੜੀ ਸਿੱਖ ਧਰਮ ਦੀ ਬਿਹਤਰੀ ਤੇ ਸਰੱਬਤ ਦੇ ਭਲੇ ਲਈ ਸਹਾਈ ਹੋਵੇ। ਇਸ ਸ਼ੁਭ ਕਾਰਜ ਲਈ ਉਨ੍ਹਾਂ ਦੀ ਟੀਮ  ਬਾਈਚਾਰੇ ਦਿਆਂ ਨਾਵਰ ਸਖਸੀਅਤਾਂ ਵੱਲੋਂ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ। ਇਹ ਟੀਮ ਰੌਸ ਸਟਰੀਟ ਗੁਰਦਵਾਰਾ ਸਾਹਿਬ ਵਿਖੇ ਖਾਲਸਾ ਦਿਵਾਨ ਸੁਸਾਈਟੀ ਦੀ ਅਗਲੀ ਕਮੇਟੀ ਵਜੋਂ ਉਭਰ ਕੇ ਸਾਹਮਣੇ ਆਉਣ ਲਈ  ਆਸਵੰਦ ਹੈ।

ਪਿਛਲੇ ਦੋ ਸਾਲਾਂ ਤੋਂ ਸਿੱਖ ਯੁਥ ਵੈਨਕੂਵਰ ਸੰਗਤਾਂ ਦੀਆਂ ਸਮੱਸਿਆਵਾਂ ਹੱਲ ਕਰਨ ਲਈ ਦਿਨ ਰਾਤ ਇਕ ਕਰ ਰਹੀ ਹੈ ਅਤੇ ਭਵਿੱਖ ਵੀ ਸਿੱਖੀ ਦੇ ਪ੍ਰਚਾਰ ਦੌਰਾਨ ਸਾਰੇ ਧਾਰਮਿਕ ਪ੍ਰੋਗਰਾਮਾਂ ਨੂੰ  ਪਰਵਾਨਿਤ ਸਿੱਖ ਰਹਿਤ ਮਰਿਯਾਦਾ ਅਨੁਸਾਰ ਨਿਭਾਉਣ ਲਈ ਬਚਨ ਵੱਧ ਹੈ।  ਸਿੱਖ ਯੁਥ ਦਾ ਟੀਚਾ ਧਰਮ ਪ੍ਰਚਾਰ ਤਾਂ ਹੈ ਹੀ ਪਰ ਨਾਲੋਂ ਨਾਲ ਅਗਲੀ ਪੀੜੀ ਦੀਆਂ ਵਾਂਗਾਂ ਪੱਬਾਂ-ਕਲੱਬਾਂ ਤੋਂ ਗੁਰੂ ਗਰ ਵੱਲ ਨੂੰ ਮੋੜਨਾ ਵੀ ਹੈ। ਇਸੇ ਲਈ ਉਹ ਭਵਿੱਖ ਵਿੱਚ ਖੇਡਾਂ, ਸਿੱਖ ਖੋਜ ਕੇਂਦਰ, ਸਿੱਖ ਰੈਫਰੈਂਸ ਲਾਇਬ੍ਰੇਰੀ, ਰੀਕਰੀਏਸ਼ਨ ਕੇਂਦਰ ਅਤੇ ਮੀਡੀਆਂ ਵਾਚ ਕਮੇਟੀ ਬਣਾਉਣ ਦਾ ਨਿਸਚਾ  ਕਰੀ ਬੈਠੇ ਹਨ। ਬੱਚਿਆਂ ਦੀ ਪੜਾਈ `ਚ ਮਾਪਿਆਂ ਨੂੰ ਸਹਾਈ ਹੋਣਾ, ਗੁਰਦਵਾਰਾ ਚੋਣਾ ਅਤੇ ਕਨੂੰਨੀ ਮਸਲਿਆਂ `ਚ ਫ਼ਜ਼ੂਲ ਖਰਚੀ ਰੋਕਣਾ ਤੇ ਪੰਥਕ ਏਕਤਾ ਦਾ ਸੁਨੇਹਾ ਦੇਣਾ ਉਹਨਾਂ ਵੱਲੋਂ ਪਹਿਲ ਦੇ ਅਧਾਰ ਤੇ ਕੀਤੇ ਜਾਣ ਦਾ ਪ੍ਰੋਗਰਾਮ ਬਣਾਇਆ ਗਿਆ ਹੈ। ਇਥੇ ਹੀ ਬੱਸ ਨਹੀਂ ਸਗੋਂ ਉਚ ਕੋਈ ਦੇ ਖਿਡਾਰੀਆਂ ਨੂੰ ਸਨਮਾਨਿਤ ਕਰਨਾ ਅਤੇ ਉਭਰਦੇ ਖਿਡਾਰੀਆਂ ਦੀ ਹੌਸਲਾ ਅਫਜਾਈ ਕਰਨਾ ਵੀ ਉਹਨਾਂ ਦੇ ਏਜੰਡੇ `ਚ ਸ਼ਾਮਲ ਹੈ। 

ਅਖੌਤੀ ਸਾਧਾਂ ਅਤੇ ਡੇਰਾ ਵਾਦ ਦੇ ਖਿਲਾਫ਼ ਡਟ ਕੇ ਖੜ੍ਹੇ ਇਹ ਨੌਜਵਾਨ ਸਿੱਖ, ਸਿੱਖੀ ਸਿਧਾਂਤਾਂ ਨੂੰ ਇਨ ਬਿਨ ਲਾਗੂ ਕਰਨ ਲਈ ਸਮਰਪਿਤ ਹਨ ਅਤੇ ਛੱਬੀ ਨਵੰਬਰ ਨੂੰ ਚੋਣਾ ਜਿੱਤਣ ਲਈ ਕਮਰ ਕਸੇ ਕਸੀ ਬੈਠੇ ਹਨ। ਵੈਨਕੂਵਰ ਦੇ ਏਰੀਏ ਦੀਆਂ ਸਾਰੀਆਂ ਸਿੱਖ ਸੰਗਤਾਂ ਨੂੰ ਬੇਨਤੀ ਹੈ ਕਿ  ਭਾਈ ਕੁਲਦੀਪ ਸਿੰਘ ਜੀ ਦੀ ਸਲੇਟ ਨੂੰ ਵੋਟਾਂ ਪਾ ਕੇ ਸੇਵਾ ਦਾ ਮੌਕਾ ਦਿਓ। ਮਾਲਕ ਇਹਨਾਂ ਦੇ ਸਿਰ ਤੇ ਮੇਹਰ ਭਰਿਆ ਹੱਥ ਰੱਖੇ ਤਾਂ ਜੋ ਇਹ ਆਪਣੇ ਕੀਤੇ ਬਚਨ ਪੁਗਾ ਸਕਣ। 

Top

ਹੁਣ ਸਾਡੀ ਜਿੰਮੇਵਾਰੀ ਹੋਰ ਵਧ ਗਈ

27 ਸਤੰਬਰ   ਅੱਜ ਦੇ ਪੰਜਾਬੀ ਟ੍ਰਿਬਿਊਨ ਅਖਬਾਰ  ਵਿੱਚ ਪ੍ਰਸਿੱਧ ਕਾਲਮ ਨਵੀਸ  ਪ੍ਰੋ: ਕੁਲਬੀਰ ਸਿੰਘ ਦੁਆਰਾ ਸਾਡੀ ਵੈਬਸਾਈਟ  “  ਇੱਕ ਪਿੰਡ ਤੋਂ ਸਾਰੀ ਦੁਨੀਆ ਤੱਕ ਪਹੁੰਚਦੀ ਅਖਬਾਰ”  ਸਿਰਲੇਖ  ਹੇਠ  ਲਿਖ ਕੇ  ਸਾਨੂੰ ਸਾਡੇ ਫਰਜਾਂ ਪ੍ਰਤੀ ਹੋਰ ਸੁਚੇਤ ਕਰ ਦਿੱਤਾ ਹੈ।
 ਇੱਕ ਉੱਚ ਮਿਆਰੀ  ਪੰਜਾਬੀ ਅਖਬਾਰ ਵਿੱਚ ਇਸ ਵੈਬਸਾਈਟ ਬਾਰੇ  ਇੰਨ੍ਹਾਂ  ਵਿਸਥਾਰ ਪੂਰਵਕ ਲਿਖਿਆ ਜਾਣਾ ਸਾਡੇ ਲਈ  ਬਹੁਤ ਹੀ ਮਾਣ ਵਾਲੀ ਗੱਲ ਹੈ।  ਸਾਡੀ ਛੋਟੇ ਛੋਟੇ ਕਦਮਾਂ ਦੁਆਰਾਂ  ਛੋਟੀਆਂ ਛੋਟੀਆਂ ਪੁਲਾਘਾਂ ਨੂੰ  ਹੱਲਾਸ਼ੇਰੀ ਦੇਣ ਵਾਲੇ ਮੁਕਾਮੀ ਸੱਜਣਾਂ ਅਤੇ ਅਦਾਰਿਆਂ ਨੇ ਸਾਨੂੰ ਹਮੇਸਾਂ  ਸਾਡੀ ਜਿੰਮੇਵਾਰੀਆਂ ਪ੍ਰਤੀ ਹੋਰ ਚੌਕੰਨਾ ਕੀਤਾ ਹੈ।
 ਬੇਸ਼ੱਕ ਦੁਨੀਆਂ ਦੇ  ਕੋਨੇ ਕੋਨੇ ਤੱਕ ਸਾਡੇ ਵੈੱਬਸਾਈਟ ਬਾਰੇ ਪੰਜਾਬੀ ਪਾਠਕ ਜਾਣਦੇ ਹਨ ਪ੍ਰੰਤੂ  ਹਾਲੇ ਤੱਕ ਮੇਰੇ ਪਿੰਡ ਦੇ ਲੋਕ ਵੀ ਮੇਰੇ ਇਸ ਕਾਰਜ ਤੋਂ ਅਣਜਾਣ ਸਨ ।  ਇਹ ਹਕੀਕਤ ਹੈ ਕਿ ਪੰਜਾਬੀ ਟ੍ਰਿਬਿਊਨ ਨੇ ਸਾਨੂੰ ਹਮੇਸਾ ਹੀ ਬਲ ਬਖਸਿਆ  । ਜੇ ਭਾਵੁਕਤਾ ਤੋਂ ਪਰੇ ਰਹਿ ਕੇ ਵੀ ਸੋਚੀਏ ਤਾਂ ਸਾਡੀ   ਅਜਿਹੀ ਮਨੋਬ੍ਰਿਤੀ  ਪੈਦਾ ਕਰਨ ਲਈ ਟ੍ਰਿਬਿਊਨ ਗਰੁੱਪ ਦਾ  ਛੁਪਿਆ ਹੋਇਆ ਵੱਡਮੱਲਾ ਯੋਗਦਾਨ  ਹੈ । ਇਹ ਯੋਗਦਾਨ ਉਵੇਂ ਜਿਵੇਂ  ਸੂਰਜ ਨੂੰ ਨਹੀਂ ਪਤਾ ਹੁੰਦਾ ਕਿ ਉਸਦੀਆਂ ਕਿਰਨਾਂ ਕਿਸ ਘਰ ਦੀ ਰੁਸਨਾ ਰਹੀਆਂ ਹਨ ਇਵੇਂ ਸਾਡੀ ਸੋਚ ਦੀ ਇੱਕ ਚਾਨਣ ਚਿਣਗ  ਬਾਲਣ ਲਈ  ਇਸ ਗਰੁੱਪ ਦਾ ਸਬੰਧ ਹੈ।
 ਅਖਬਾਰ ਦੇ ਪਾਠਕਾਂ ਅਤੇ ਮਾਂ ਬੋਲੀ ਨੂੰ ਪਿਆਰ ਕਰਨ ਵਾਲਿਆਂ  ਸੱਜਣਾਂ ਮਿੱਤਰਾਂ ਦੇ ਅਣਗਣਿਤ ਫੋਨ ਅਤੇ  ਈ ਮੇਲ ਸਾਨੂੰ   ਆਪਣੇ  ਰਸਤੇ ਵੱਲ ਹੋਰ ਤੇਜੀ ਅਤੇ ਚੌਕਸੀ ਨਾਲ ਤੁਰਨ ਸੁਚੇਤ ਕਰਦੇ ਹਨ ।
 ਅਸੀ ਤੁਰਾਂਗੇ ਮਿੱਤਰੋ
 ਉਨ੍ਹਾਂ ਰਾਹਾਂ ਵਿੱਚ ਜਿੱਥੇ ਨੰਗੇ ਪੈਰ ਅਤੇ ਭੁੱਖੇ ਢਿੱਡ  ਚੱਤੋਪਹਿਰ ਤੁਰਦੇ ਹਨ :-
      ਸੁਖਨੈਬ ਸਿੰਘ ਸਿੱਧੂ           
 

Top

ਕੀ ਸਹੀ ਅਰਥਾਂ ਵਿੱਚ ਹੋ ਸਕੇਗਾ ਵਿਸ਼ਵ ਕਬੱਡੀ ਕੱਪ ?

ਸੁਖਨੈਬ ਸਿੰਘ ਸਿੱਧੂ 
ਪੰਜਾਬੀਆਂ ਦੀ ਹਰਮਨ ਪਿਆਰੀ ਖੇਡ  ਕਬੱਡੀ ਦੀ ਪ੍ਰਸਿੱਧੀ  ਬਹੁਤ  ਤੇਜੀ ਨਾਲ ਸਿਖਰਾਂ ਤਾਂ ਛੂੰਹ  ਰਹੀ ਹੈ ਪਰ ਹੁਣ ਇਸ ਵਿਚ ਨਿਘਾਰ ਵੀ ਆਉਣ ਲੱਗਾ ਹੈ। ਸ਼ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਅਤੇ ਮੌਜੂਦਾ ਡਿਪਟੀ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਬੀਤੇ ਸਾਲ ਕਬੱਡੀ ਵਰਲਡ ਕੱਪ ਕਰਵਾਉਣ ਦੇ ਵਾਅਦੇ ਤੇ ਬਿਆਨਬਾਜ਼ੀ ਕੀਤੀ ਸੀ  ।  ਇਸ ਨਾਲ ਖੇਡ ਪ੍ਰਮੋਟਰਾਂ ਅਤੇ ਖੇਡ ਪ੍ਰੇਮੀ ਨੂੰ ਕਬੱਡੀ ਦਾ ਮੂੰਹ ਮੱਥਾ ਸੰਵਰਨ ਦੀ ਥੋੜੀ ਜਿਹੀ ਆਸ ਨਜ਼ਰ ਆਈ ਸੀ ।  ਸੋਚਣ ਵਾਲੀ ਗੱਲ ਇਹ ਹੈ ਕਿ ਕੀ ਪੰਜਾਬ ਸਰਕਾਰ ਕਬੱਡੀ ਦਾ ਵਿਸ਼ਵ ਕੱਪ ਕਰਵਾ ਸਕੇਗੀ । ਜਾਂ ਫਿਰ ਬਾਕੀ ਕਲੱਬਾਂ ਵਾਲਿਆਂ ਵੱਲੋਂ ਥਾਂ ਥਾਂ ਕਰਵਾਏ ਜਾਂਦੇ ਖੇਡ ਮੇਲਿਆਂ ਨੂੰ ਜਿਵੇਂ ਵਰਲਡ ਕਬੱਡੀ ਕਹਿ ਕੇ ਪ੍ਰਚਾਰਿਆ ਜਾਂਦਾ ਹੈ ਉਸੇ ਤਰ੍ਹਾਂ ਦਾ ਕਬੱਡੀ ਟੂਰਨਾਮੈਂਟ ਕਰਵਾ ਕੇ ਬੁੱਤਾ ਸਾਰ ਲਿਆ ਜਾਵੇਗਾ ।
 ਖੇਡ ਖਬਰਾਂ ਤੋਂ ਪਾਸੇ ਰਹਿਣ ਵਾਲੇ ਪਾਠਕਾਂ ਦੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਕਬੱਡੀ ਦੀ ਪਛਾਣ ਹੁਣ ਦੁਨੀਆਂ ਦੇ ਬਹੁਤ ਮੁਲਕਾਂ ਵਿਚ ਬਣ ਗਈ ਹੈ।  ਰੋਜ਼ੀ ਰੋਟੀ ਖਾਤਰ ਪੰਜਾਬੀ ਜਿੱਥੇ ਵੀ ਗਏ ਘਰੇਲੂ ਫਿਕਰਾਂ ਵਾਂਗ ਕਬੱਡੀ  ਉਨ੍ਹਾਂ ਦੇ ਨਾਲ ਨਾਲ ਹੀ ਰਹੀ ਹੈ। ਹੁਣ ਐੱਨ. ਆਰ. ਆਈ. ਵੀਰਾਂ ਦੇ ਸਿਰ ਤੇ ਵਿਦੇਸ਼ਾਂ ਅਤੇ ਦੇਸ਼ ਵਿਚ ਲੱਖਾਂ ਰੁਪਏ ਖਰਚ ਕੇ ਵੱਡੇ ਵੱਡੇ ਕਬੱਡੀ ਟੂਰਨਾਮੈਂਟ ਹੋ ਰਹੇ ਹਨ ।  ਕਬੱਡੀ ਅਕੈਡਮੀ ਵਿੱਚ ਖੇਡਦੇ ਖਿਡਾਰੀ ਵੀ ਹੁਣ ਲੱਖਾਂ ਰੁਪਏ ਕਮਾਉਣ ਦੇ ਸਮਰੱਥ  ਹੋ ਗਏ ਹਨ । ਦੇਸ਼ੀ ਅਤੇ ਵਿਦੇਸ਼ੀ (ਪ੍ਰਵਾਸੀਆਂ ) ਪੰਜਾਬੀਆਂ  ਵੱਲੋਂ ਨਵੰਬਰ ਤੋਂ ਲੈ ਕੇ ਮਾਰਚ ਅਖੀਰ ਤੱਕ ਸੈਂਕੜੇ ਖੇਡ ਮੇਲੇ ਪੰਜਾਬ ਦੀ ਧਰਤੀ ਤੇ ਕਰਵਾਏ ਜਾਂਦੇ ਹਨ ।  ਇਨ੍ਹਾਂ ਵਿਚੋਂ ਹਰ ਚੌਥੇ ਪੰਜਵੇ ਖੇਡ ਮੇਲੇ ਨੂੰ ‘ਕਬੱਡੀ ਦਾ ਵਿਸ਼ਵ ਕੱਪ’ ਕਹਿ ਕੇ ਪ੍ਰਚਾਰਿਆ ਜਾਂਦਾ ਹੈ । ਅਸਲ ਵਿਚ ਕਬੱਡੀ ਵਿਸ਼ਵ ਕੱਪ ਵਾਲੀ ਗੱਲ ਦੇਖਣ ਵਿਚ ਨਹੀਂ ਆਉਂਦੀ । ਕੁਝ ਖੇਡ ਮੇਲਿਆਂ ਵਿਚ ਪਾਕਿਸਤਾਨੀ  ਕਬੱਡੀ ਟੀਮ ਦੀ ਸਮੂਲੀਅਤ ਹੁੰਦੀ ਬਾਕੀ ਮੇਲਿਆਂ ਵਿਚ ਕਬੱਡੀ ਖਿਡਾਰੀ ਪੰਜਾਬ ਦੇ ਜੰਮਪਲ ਹੁੰਦੇ ਹਨ ਜਾਂ ਫਿਰ ਕਬੱਡੀ ਦੇ ਸਿਰ ਤੇ ਐਨ. ਆਰ. ਆਈ. ਬਣੇ ਸਾਡੇ ਪੰਜਾਬੀ ਭਰਾ । ਫਿਰ ਕਬੱਡੀ ਦਾ ਵਿਸ਼ਵ ਕੱਪ ਕਿੱਥੋਂ ਆ ਗਿਆ ?
ਦੁਨੀਆਂ ਵਿਚ ਵਸਦੇ ਪੰਜਾਬੀਆਂ ਨੇ ਆਪੋ ਆਪਣੇ ਸ਼ਹਿਰਾਂ ਦੇ ਨਾਂਮ ਨਾਲ ਆਪਣੇ ਖੇਡ ਕਲੱਬਾਂ ਦੇ ਨਾਂਮ ਰੱਖ ਲਏ ਹਨ  ਖੇਡ ਮੇਲੇ ਵਿੱਚ ਹੁੰਦੇ ਮੁਕਾਬਲਿਆਂ ਮੌਕੇ ਕੁਮੈਟਰੀ ਹੋ ਰਹੀ ਹੁੰਦੀ ਹੈ , “ਇਹ ਮੈਚ ਹੋ ਰਿਹਾ ਇੰਗਲੈਂਡ ਤੇ ਅਮਰੀਕਾ ਵਿਚਾਲੇ ’’ ਜਦੋਂ ਗੌਰ ਨਾਲ ਵੇਖੋ ਤਾਂ ਪਤਾ ਚਲਦਾ  ਇਨ੍ਹਾਂ ਵਿਚ ਇੱਕ ਟੀਮ ਅਮਰੀਕਾ ਦੇ ਪ੍ਰਵਾਸੀ ਪੰਜਾਬੀਆਂ ਦੁਆਰਾ ਬਣਾਈ ਕਲੱਬ  ਵੱਲੋਂ ਖਰੀਦੀ (ਸਪਾਂਸਰ) ਹੈ  ਅਤੇ ਦੂਜੀ ਨੂੰ ਇੰਗਲੈਂਡ ਦੇ ਪੰਜਾਬੀਆਂ ਨੇ ਸਪਾਂਸਰ ਕੀਤਾ ਹੈ । ਖਿਡਾਰੀ ਤਕਰੀਬਨ ਪੰਜਾਬੀ ਹੁੰਦੇ ਹਨ  ਉਹੀ ਗੱਲ ਅਖੇ ‘ਸ਼ਰਾਬ ਪੁਰਾਣੀ ਲੇਬਲ ਨਵਾ’ । ਇਸ ਤਰ੍ਹਾਂ ਬਾਕੀ ਦੇਸ਼ਾਂ ਵਿਚ ਵਸਦੇ ਸਾਡੇ ਪ੍ਰਵਾਸੀ ਵੀਰ ਆਪਣੇ ਦੇਸ਼ਾਂ ਦੇ ਨਾਵਾਂ ਦੇ ਖੇਡ ਕਲੱਬ , ਐਸੋਸੀਏਸਨ ਜਾਂ ਫੈਡਰੇਸ਼ਨ ਬਣਾ ਕੇ ਟੂਰਨਾਮੈਂਟ ਕਰਵਾਉਂਦੇ ਹਨ ਪਰੰਤੂ ਇਨ੍ਹਾਂ ਵਿਚ ਖੇਡਣ ਵਾਲੇ  ਖਿਡਾਰੀ ਦੇਸ਼ੀ ਹੀ ਹੁੰਦੇ ਹਨ ।
ਬੇਸ਼ੱਕ ਪ੍ਰਵਾਸੀਆਂ ਨੇ ਕੁਝ ਵਿਦੇਸ਼ੀ ਮੂਲ ਦੇ ਖਿਡਾਰੀਆਂ ਨੂੰ ਕਬੱਡੀ ਵੱਲ ਰੁਚਿਤ ਕੀਤਾ ਹੈ ਗੋਰੇ ਵੀ ਕਬੱਡੀ ਮੈਦਾਨਾਂ ਵਿਚ ਰੁਚਿਤ ਵੀ ਹੋਏ । ਪ੍ਰਸਿੱਧ ਕਬੱਡੀ ਪ੍ਰਮੋਟਰ ਬਾਬਾ ਜੋਹਨ ਗਿੱਲ ਦੇ ਯਤਨਾਂ ਸਦਕਾ ਵਿਦੇਸ਼ੀ ਗੋਰੀਆਂ ਵੀ ਖੇਡ ਮੈਦਾਨਾਂ ਵਿਚ ਪੰਜਾਬਣਾਂ ਨੂੰ ਜੱਫੇ ਲਾਉਣ ਲੱਗੀਆਂ ਹਨ ਪ੍ਰੰਤੂ ਹਾਲੇ ਉਨ੍ਹਾਂ ਨੂੰ ਸਾਡੇ ਵਾਲੀ ਦੇਸ਼ੀ ਤਕਨੀਕ ਨਹੀਂ ਆਈ ।
 ਪੰਜਾਬ ਦੇ ਪਿੰਡ -ਪਿੰਡ ਹੁੰਦੇ ਖੇਡ ਮੇਲਿਆਂ ਤੋਂ ਦਰਸ਼ਕਾਂ ਦਾ ਮੋਹ ਭੰਗ ਹੁੰਦਾ ਜਾ ਰਿਹਾ । ਖਾੜਕੂਵਾਦ ਦੇ ਖਾਤਮੇ ਮਗਰੋਂ ਦਰਸ਼ਕ ਖੇਡ ਮੈਦਾਨਾਂ ਵਿਚ ਵਹੀਰਾਂ ਘੱਟ ਕੇ ਜਾਂਦੇ ਸਨ । ਹੁਣ ਇਹ ਗਿਣਤੀ ਦਿਨੋਂ ਦਿਨ ਘੱਟਦੀ ਜਾ ਰਹੀ ਹੈ। ਪਹਿਲਾਂ ਖੇਡ ਮੇਲਿਆਂ ਵਿੱਚ ਹਜ਼ਾਰਾਂ ਦੀ ਗਿਣਤੀ ਦਰਸਕ ਪਹੁੰਚਦੇ ਸਨ ਹੁਣ ਗਿਣਤੀ ਸੈਂਕੜਿਆਂ ਵਿੱਚ ਹੋ ਰਹੀ ਹੈ । ਸਾਲ 2008 ਵਿੱਚ ਮਹਾਰਾਜਾ ਰਣਜੀਤ ਸਿੰਘ ਕਬੱਡੀ ਕੱਪ ਫਿਲੌਰ ਵਿੱਚ ਗਿਣਤੀ ਦੇ ਦਰਸ਼ਕ ਸਨ ਬਾਕੀ ਸਥਾਨਕ ਪੁਲੀਸ ਅਕੈਡਮੀ ਦੇ ਸਿੱਖਿਆਰਥੀਆਂ ਦਾ ਇਕੱਠ ਸੀ । ਕੁਝ ਮੇਲਿਆਂ ਨੂੰ ਛੱਡ ਬਾਕੀਆਂ ਦਾ ਇਹੀ ਹਾਲ ਹੁੰਦਾ ਜਾ ਰਿਹਾ ਹੈ । ਪ੍ਰਬੰਧਕ ਖੇਡ ਮੇਲਿਆਂ ਵਿਚ ਖਿੱਚ ਪੈਦਾ ਕਰਨ ਲਈ ਮਹਿੰਗੇ ਗਾਇਕਾਂ ਦਾ ਸਹਾਰਾ ਲੈ ਰਹੇ ਹਨ ਪਰ ਘਰ ਘਰ ਚਲਦੇ ਕੇਬਲ ਟੀ ਵੀ ਨੇ ਦਰਸ਼ਕਾਂ ਵਿਚ ਗਾਇਕਾਂ ਦੀ ਦੇਖਣ /ਸੁਣਨ ਦੀ ਰੁਚੀ ਨੂੰ ਕੁਝ ਹੱਦ ਤੱਕ ਘੱਟ ਕਰ ਦਿੱਤਾ ਹੈ । ਇੱਕ ਦੋ ਗਾਇਕਾਂ ਨੂੰ ਛੱਡ ਬਾਕੀਆਂ ਵੱਲ ਦਰਸ਼ਕ ਬਹੁਤਾ ਧਿਆਨ ਨਹੀਂ ਦਿੰਦੇ।  ਕਈ ਖੇਡ ਮੇਲਿਆਂ ਵਿਚ ਸਿਆਸਤ ਭਾਰੂ ਹੋ ਰਹੀ ਆਮ ਦਰਸਕ ਵੀ ਇਸਤੋਂ ਉਕਤਾ ਰਿਹਾ ਹੈ  ।  ਪ੍ਰਬੰਧਕਾਂ ਵੱਲੋਂ ਨਾਮਵਰ ਕਬੱਡੀ ਅਕੈਡਮੀ ਬੁਲਾ ਕੇ ਲੱਖਾਂ ਰੁਪਏ ਦੇ ਇਨਾਮ ਦਿੱਤੇ ਜਾਂਦੇ ਹਨ । ਪ੍ਰੰਤੂ ਹਰੇਕ ਖੇਡ ਮੇਲੇ ਉਪਰ ਉਹੀਂ 8-10 ਅਕੈਡਮੀਆਂ ਦੇ ਖਿਡਾਰੀ ਦਰਸ਼ਕਾਂ ਦਾ ਮੋਹ ਭੰਗ ਕਰਦੇ ਹਨ ।
 ਪੰਜਾਬ ਦੇ ਚੋਟੀ ਖੇਡ ਮੇਲਿਆਂ ਦੇ ਇੱਕ ਸ਼ੌਕੀਨ ਦਾ ਕਹਿਣਾ ਸੀ , ਹਰ ਥਾਂ ਉਹ ਅੱਠ -ਦਸ ਟੀਮਾਂ , ਉਹੀ ਖਿਡਾਰੀ,ਉਹੀ ਕੁਮੈਂਟਰੀ ਬੱਸ ਫਰਕ ਪ੍ਰਬੰਧਕਾਂ ਅਤੇ ਥਾਵਾਂ ਦਾ ਹੁੰਦਾ ਬਾਕੀ ਸਭ ਉਹੀ ਹੈ। <br>
ਇਹ ਗੱਲ ਦਰੁਸਤ ਵੀ ਹੈ ਕਿ ਦਰਸ਼ਕ ਕੁਝ ਨਵਾਂ ਚਾਹੁੰਦੇ ਹਨ ਲੋਕੀ ਐਕਾਡਮੀਆਂ ਦੇ ਮੈਚਾਂ ਨੂੰ ਛੱਡ ਕੇ ਓਪਨ ਕਬੱਡੀ ਦੇਖਣ ਨੂੰ ਤਰਜੀਹ ਦੇਣ ਲੱਗੇ । ਦਰਸ਼ਕ ਹੌਲੇ ਵਜ਼ਨ ਦੀ ਟੀਮਾਂ 32 -35 -42 -45-52 -65 ਕਿਲੋ ਭਾਰ ਦੀਆਂ ਟੀਮਾਂ ਮੈਚ ਦੇਖ ਕੇ  ਆਨੰਦਿਤ ਹੋ ਰਹੇ ਹਨ । ਕੁੜੀਆਂ ਦੇ ਸੌ਼ਅ ਮੈਚ ਵੀ ਦਰਸ਼ਕਾਂ ਨੂੰ ਖਿੱਚਦੇ ਹਨ ਪਰ ਸਾਡੇ ਕੋਲ  ਕੁੜੀਆਂ ਦੀਆਂ ਕਬੱਡੀ ਟੀਮਾਂ ਦੀ ਘਾਟ ਹੈ  ਇੱਕ ਟੀਮ  ਹਰਿਆਣੇ ਵੱਲੋਂ ਖੇਡਦੀ ਅਤੇ ਇੱਕ ਪੰਜਾਬ ਵੱਲੋਂ ।  ਇੱਕ ਟੀਮ ਨਾਰਥ ਅਮਰੀਕਾ ਦੀ ਸਿੱਖ ਬੀਬੀਆਂ (ਗੋਰੀਆਂ) ਦੀ ਇੱਥੇ ਮੈਚ ਖੇਡਣ ਆਉਂਦੀ ਹੈ ਅਤੇ ਹੁਣ ਕੁਝ ਨਵੀਆਂ ਟੀਮਾਂ ਤਿਆਰ ਹੋ ਰਹੀਆਂ ਹਨ । ਭਾਰ ਮੁਤਾਬਿਕ ਬਣੀਆਂ ਟੀਮਾਂ ਅਤੇ ਓਪਨ ਕਬੱਡੀ ਵਿੱਚੋਂ ਹੀ ਵਧੀਆਂ ਖਿਡਾਰੀ ਹਰ ਸਾਲ ਅਕੈਡਮੀਆਂ ਵੱਲੋਂ ਖੇਡਣ ਲਈ ਤਿਆਰ ਹੁੰਦੇ ਹਨ । ਇਸ ਲਈ ਸਰਕਾਰ ਨੂੰ ਛੋਟੀਆਂ ਅਤੇ ਓਪਨ ਦੀਆਂ ਟੀਮਾਂ ਵੱਲ ਧਿਆਨ ਦੇਣਾ ਚਾਹੀਦਾ   ਤਾਂ ਜੋ ਵਧੀਆ ਖਿਡਾਰੀਆਂ ਨੂੰ ਚੰਗੇ ਮੌਕੇ ਮਿਲ ਸਕਣ ਨਹੀਂ ਤਾਂ ਉਹ ਦਿਨ ਬਿਲਕੁਲ ਨੇੜੇ ਹਨ ਜਦੋਂ ਕਬੱਡੀ ਨੇ ਸਿਆਸਤਾਂ ਅਤੇ ਸਿਫ਼ਾਰਸਾਂ ਦੀ ਭੇਂਟ ਚੜ ਜਾਣਾ ਹੈ।
ਆਖਰੀ ਗੱਲ ਇਹ ਹੈ ਕਿ ਕੀ ਪੰਜਾਬ ਸਰਕਾਰ ਅਸਲੀ ਅਰਥਾਂ ਵਿਚ ਕਬੱਡੀ ਦਾ ਵਿਸ਼ਵ ਕੱਪ ਕਰਵਾਉਣ ਦੀ ਸੋਚ ਰੱਖਦੀ ਹੈ। ਜੇਕਰ ਹਾਂ ਤਾਂ ਤੌਖਲਾ ਇਹ ਹੈ ਕਿ ਸਾਡੇ ਗੁਆਢੀ ਮੁਲਕ ਨੂੰ ਛੱਡ ਕੇ ਕਿਸੇ ਹੋਰ ਦੇਸ਼ ਕੋਲੇ ਕਬੱਡੀ (ਪੰਜਾਬ ਸਟਾਈਲ ) ਦੀਆਂ ਟੀਮਾਂ ਨਹੀਂ ਹਨ ਬੇਸੱਕ ਕਦੇ ਕਦੇ ਵਿਦੇਸੀ ਮੂਲ ਦੇ ਖਿਡਾਰੀਆਂ ਵੱਲੋਂ ਪੰਜਾਬ ਸਟਾਈਲ ਕਬੱਡੀ ਖੇਡਣ ਦੀਆਂ ਖਬਰਾਂ ਆਉਂਦੀਆਂ ਹਨ । ਪਰ ਕੀ  ਸਿਰਫ਼ ਕੈਨੇਡਾ ਦੀ ਪੀਲ ਪੁਲੀਸ ਦੀ ਟੀਮ ਸੱਦ ਕੇ ਕਬੱਡੀ ਕੱਪ ਕਰਵਾਇਆ ਜਾ ਸਕੇਗਾ ਜਾਂ ਫਿਰ ਸਾਡੇ ਇਧਰਲੇ ਅਤੇ ਬਾਹਰਲੇ ਪੰਜਾਬੀ ਮੂਲ ਦੇ ਖਿਡਾਰੀਆਂ ਨੂੰ ਸਰਦੀ ਦੀ ਰੁੱਤ  ਵਿਚ ਪੰਜਾਬ ‘ਚ ਹੁੰਦੇ ਵਰਲਡ ਕੱਪ ਵਾਂਗ ਹੀ ਵੱਡਾ ਖੇਡ ਮੇਲਾ ਕਰਵਾਇਆ ਜਾਏਗਾ ? ਇਹ ਇੱਕ ਵੱਡਾ ਅਤੇ ਅਣਸੁਲਝਿਆ ਸਵਾਲ ਹੈ।    ਕੀ ਦਰਸ਼ਕਾਂ ਨੂੰ ਖੇਡ ਮੈਦਾਨ ਵੱਲ ਖਿੱਚਣ ਲਈ ਕੋਈ ਨਵਾਂ ਕਦਮ ਚੁੱਕਿਆ ਜਾਵੇਗਾ ਜਾਂ ਫਿਰ ਸਿਆਸੀ ਰੈਲੀਆਂ ਵਾਂਗ ਹਲਕਾ ਇੰਚਾਰਜ ਹੀ ਭੀੜ ਜੁਟਾਉਣਗੇ ?<br>
ਜੇ ਨਸ਼ਾ ਮੁਕਤ ਖਿਡਾਰੀਆਂ ਨੂੰ ਹੀ ਕਬੱਡੀ ਕੱਪ ਵਿੱਚ ਖੇਡਣ ਦੀ ਇਜ਼ਾਜਤ ਹੋਵੇਗੀ ਤਾਂ ਡੋਪਿੰਗ ਟੈਸਟ ਤੇ ਲੱਖਾਂ ਰੁਪਏ ਲੱਗ ਜਾਣੇ ਹਨ । ਕਿਉਂਕਿ ਪ੍ਰਸਿੱਧ ਖੇਡ ਲੇਖਕ ਪ੍ਰਿੰਸੀਪਲ ਸਰਵਣ ਸਿੰਘ ਵੱਲੋਂ ਜਾਰੀ ਅੰਕੜਿਆ ਮੁਤਾਬਿਕ 400 ਪੌਂਡ ਜਾਂ 600 ਡਾਲਰ ਪ੍ਰਤੀ ਖਿਡਾਰੀ ਡੋਪ ਟੈਸਟ ਦਾ ਖਰਚਾ ਆਉਂਦਾ ਹੈ। ਕੀ ਆਰਥਿਕ ਮੰਦੀ ਦੇ ਦੌਰ ਵਿੱਚ ਸੈਕੜੇ ਖਿਡਾਰੀਆਂ ਦੇ ਡੋਪ ਟੈਸਟ ਕਰਵਾਏ ਜਾਣਗੇ ।<br>
 ਪ੍ਰੰਤੂ ਜੇਕਰ ਵਿਦੇਸ਼ੀ ਖਿਡਾਰੀ ਵੀ ਕਬੱਡੀ ਖੇਡਣ ਲੱਗ ਜਾਣ ਦਾ ਪੰਜਾਬ ਦੇ ਬਹੁਤ ਖਿਡਾਰੀਆਂ ਤੋਂ ਵਿਸ਼ਵ ਚੈਪੀਅਨ ਦੇ ਖਿਤਾਬ ਖੁੱਸ ਸਕਦੇ ਹਨ ਪ੍ਰੰਤੂ ਜੇਕਰ ਇਹ ਖੇਡ  ਹੋਰਨਾਂ ਦੇਸ਼ਾਂ ਅਤੇ ਕੌਮਾਂ ਦੇ ਲੋਕਾਂ ਨੂੰ ਵਧੀਆਂ ਲੱਗਣ ਲੱਗੇ ਤਾਂ ਕ੍ਰਿਕਟ ਵਾਗੂੰ ਇਸਦੇ ਖਿਡਾਰੀ ਵੀ ਲੱਖਾਂ ਰੁਪਏ ਼ਛੱਡ ਕੇ ਕਰੋੜਾਂ ਕਮਾ ਸਕਦੇ ਹਨ । ਕਬੱਡੀ ਖਿਡਾਰੀ ਵੀ ਟੀ ਵੀ ਚੈਨਲਾਂ ਉਪਰ ਮਸਹੂਰੀ ਕਰਕੇ ਕਰੋੜਾਂ ਰੁਪਏ ਕਮਾਉਣ ਲੱਗ ਸਕਦੇ ਹਨ। <br>
ਕਬੱਡੀ ਦਾ ਵਿਸ਼ਵ ਕੱਪ ਕਰਵਾਉਣ ਤੋਂ ਪਹਿਲਾਂ ਕਬੱਡੀ ਲਈ ਕੰਮ ਕਰਨ ਵਾਲੇ ਕਬੱਡੀ ਫੈਡਰੇਸ਼ਨ ,ਐਸੋਸੀਏਸਨ ,ਖੇਡ ਕਲੱਬਾਂ , ਪ੍ਰਮੋਟਰਾਂ ਨੂੰ ਇੱਕ ਝੰਡੇ ਥੱਲੇ ਇਕੱਠੇ ਕਰਕੇ ਨਵੀਂ ਰਣਨੀਤੀ ਬਣਾਉਣ ਦੀ ਲੋੜ ਹੈ ।
 ਅਸੀਂ ਪਿੰਡ ਪੱਧਰ , ਜਿ਼ਲ੍ਹਾ ਪੱਧਰ , ਸੂਬਾ ਪੱਧਰ ਉਪਰ ਹਾਲੇ ਪੰਜਾਬ ਸਟਾਈਲ ਕਬੱਡੀ ਮੁਕਾਬਲੇ ਕਰਵਾਕੇ ਹੋਰਨਾਂ ਖੇਡਾਂ ਵਾਗੂੰ ਯੋਗ ਵਿਉਂਤਬੰਦੀ ਨਹੀਂ ਕਰ ਸਕੇ ।  ਫਿਰ ਕਬੱਡੀ ਕੱਪ ਵਿੱਚ ਭਾਰਤ ਵੱਲੋਂ ਖੇਡਣ ਵਾਲੀ ਟੀਮ ਵਿਚ ਖਿਡਾਰੀ ਸ਼ਾਮਿਲ ਕਰਨ ਲਈ ਕਿਹੜੇ ਮਾਪਦੰਡ ਵਰਤੇ ਜਾਣਗੇ ?
ਬੇਸ਼ੱਕ ਕ੍ਰਿਕਟ ਦੀ ਤਰਜ਼ ਤੇ ਟੀਮਾਂ ਖਰੀਦ ਕੇ ਵਧੀਆਂ ਮੁਕਾਬਲੇ ਕਰਵਾਏ ਜਾ ਸਕਦੇ ਹਨ ਪ੍ਰੰਤੂ ਹਾਲੇ ਕਬੱਡੀ ਦੀ ਏਨੀ ਚੰਗੀ ਕਿਸਮਤ ਨਹੀਂ ਕਿ ਇਸਨੂੰ ਸਪਾਂਸਰ ਕਰਨ ਲਈ ਫਿਲਮ ਸਟਾਰ, ਉਦਯੋਗਿਕ ਘਰਾਣੇ ਜਾਂ ਕਾਰਪੋਰੇਟ ਕੰਪਨੀਆਂ ਮੱਦਦ ਕਰਨ । ਕਬੱਡੀ ਤਾਂ ਪ੍ਰਵਾਸੀ ਪੰਜਾਬੀਆਂ ਦੇ ਪਿਆਰ ਅਤੇ ਪੈਸੇ ਸਦਕਾ ਹੀ ਦੁਨੀਆਂ ਵਿੱਚ ਆਪਣਾ ਪਹਿਚਾਣ ਬਣਾਉਣ ਲਈ ਯਤਨਸ਼ੀਲ ਹੈ। ਅਜ਼ਾਦੀ ਮਗਰੋਂ ਪੰਜਾਬ ਸਰਕਾਰ ਨੇ ਇਸ ਲਈ ਕਿੰਨੇ ਕੁ ਉਦਮ ਕੀਤੇ  ਇਹ ਜੱਗ ਜਾਹਿਰ ਹਨ । ਜੇਕਰ ਮੋਜੂਦਾ ਅਕਾਲੀ –ਭਾਜਪਾ ਸਰਕਾਰ ਕੋਈ ਉਸਾਰੂ ਯੋਗਦਾਨ ਪਾ ਕੇ ਸਹੀ ਅਰਥਾਂ ਵਿੱਚ ਕਬੱਡੀ ਕੱਪ ਕਰਵਾ ਸਕੇ ਤਾਂ ਇਹ ਇੱਕ ਕਰਿਸ਼ਮਾ ਹੋਵੇਗਾ ।
                                                                              

 

Top

ਚਰਚਾ ਨਾਮ ਚਰਚਾ ਦੀ : ਜੇ ਡੇਰਾ ਮੁਖੀ ਨਰਮ ਰੁਖ ਅਖਤਿਆਰ ਕਰਦਾ ਤਾਂ ਪੰਥਕ ਜਥੇਬੰਦੀਆਂ ਵੀ ਨਰਮੀ ਵਾਲਾ ਵਤੀਰਾ ਅਪਣਾਉਣ

           
 ਸੁਖਨੈਬ ਸਿੰਘ  ਸਿੱਧੂ 
 ਡੇਰਾ ਸਿਰਸਾ ਅਤੇ  ਸਿੱਖ ਜਥੇਬੰਦੀਆਂ ਵਿਚਕਾਰ ਹਿੰਸਕ ਦੌਰ ਦੇ ਚਲਦਿਆਂ   ਪੰਥਕ ਜਥੇਬੰਦੀਆਂ ਨੂੰ ਕੋਈ ਠੋਸ ਪ੍ਰਾਪਤੀ ਨਹੀਂ ਹੋਈ । ਜਦਕਿ ਕਈ ਵਾਰ ਹਿੰਸਕ ਟਕਰਾਅ ਦੇ ਚਲਦੇ ਪੰਥਕ ਕਾਰਕੁੰਨਾਂ ਦੀਆਂ ਜਾਨਾਂ ਚਲੀਆਂ ਗਈਆਂ ।  ਪੰਥਕ ਜਥੇਬੰਦੀਆਂ ਦੀ ਹਮਾਇਤ ‘ਚ ਨਿੱਤਰੇ ਕਈ   ਨੌਜਵਾਨ ਰੱਬ ਨੂੰ ਪਿਆਰੇ ਹੋ ਗਏ ਹਨ । ਪ੍ਰੰਤੂ  ਇਸਦਾ ਨਾ  ਡੇਰਾ ਮੁਖੀ ਨੂੰ ਕੋਈ ਨੁਕਸਾਨ ਹੋਇਆ ਨਾ ਪੰਥਕ ਜਥੇਬੰਦੀਆਂ ਨੂੰ ‘ ਨਾ ਪੂਰਾ ਹੋਣ ਵਾਲਾ  ਘਾਟਾ ’  ਪਿਆ । ਪਰ  ਕਈ ਮਾਵਾਂ ਕੋਲੋਂ ਉਨ੍ਹਾਂ ਦੇ ਪੁੱਤ ਅਤੇ ਪਤਨੀਆਂ ਤੋਂ ਉਹਨਾਂ ਦੇ ਸੁਭਾਗ  ਜਰੂਰ  ਸਦਾ ਲਈ ਵਿਛੜਗੇ  , ਪੀੜਤ ਪਰਿਵਾਰਾਂ ਕੋਲ ਫੋਟੋਆਂ ਅਤੇ ਪੰਥਕ ਆਗੂਆਂ ਵੱਲੋਂ ਦਿੱਤੇ ਸਿਰੋਪੇ ਹੀ ਬਾਕੀ  ਬਚੇ ਹਨ  । 

ਬੀਤੇ ਦਿਨੀ  ਫਿਰ ਡੇਰਾ  ਸਿਰਸਾ ਦੇ ਮੁਖੀ ਸਬੰਧੀ  ਇਹ ਗੱਲ  ਸਾਹਮਣੇ ਆਈ ਸੀ ਕਿ ਉਹ  ਸਲਾਬਤਪੁਰਾ ਵਿਖੇ   15 ਨਵੰਬਰ ਨੂੰ   ਨਾਮ ਚਰਚਾ ਕਰਨ ਆ ਰਿਹਾ ਹੈ।  ਇਸ ਸਬੰਧੀ ਪੰਜਾਬ ਦੀ ‘ਪੰਥਕ’  ਸਰਕਾਰ ਨਾਲ ਗੰਢਤੁੱਪ ਹੋਣ ਦੀ  ਚਰਚਾ ਵੀ ਮੀਡੀਆ ਰਾਹੀਂ ਆਮ ਚੱਲੀ ।  ਇਸ ਖ਼ਬਰ ਨੂੰ  ਅਸੀਂ ਮੁੱਖ ਪੰਨੇ ਤੇ ਨਸ਼ਰ ਵੀ ਕੀਤਾ ਸੀ ।  ਇਸ ਖਬ਼ਰ ਨਾਲ ਫਿਰ ਕੁਝ  ਪੰਥਕ ਜਥੇਬੰਦੀਆਂ ਨੇ  ਬਿਆਨਬਾਜ਼ੀ ਕਰਨੀ ਸ਼ੁਰੂ ਕਰ ਦਿੱਤੀ ਸੀ ਕਿ  ਪੰਜਾਬ ਵਿੱਚ ਡੇਰਾ ਮੁਖੀ ਦੀ  ਨਾਮ ਚਰਚਾ ਨਹੀਂ ਹੋਣ ਦਿੱਤੀ ਜਾਵੇਗੀ ।  ਪੰਜਾਬ ਦੀਆਂ ਸੁਰੱਖਿਆ ਏਜੰਸੀਆਂ ਨੂੰ  ਇਸ  ਵਾਰ ਕਿਸੇ ਹਿੰਸਕ ਘਟਨਾ ਹੋਣ ਦਾ ਡਰ ਸੀ  । ਬਠਿੰਡਾ ਜਿ਼ਲ੍ਹਾ ਪ੍ਰਸ਼ਾਸਨ ਇਸ ਪੱਖੋ  ਪੂਰੀ ਤਰ੍ਹਾਂ ਮੁਸ਼ਤੈਦ ਸੀ । 
13 ਨਵੰਬਰ ਨੂੰ  ਡੇਰਾ ਸਿਰਸਾ ਨਾਲ ਸਬੰਧਤ  ਪੰਜਾਬ ਦੀ ਕਮੇਟੀ ਦੇ ਆਗੂ ਰਾਮ ਸਿੰਘ ਇੰਸਾ ਦੇ  ਵੱਲੋਂ ਜਾਰੀ ਕੀਤੇ  ਪ੍ਰੈਸ ਨੋਟ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਡੇਰਾ ਮੁਖੀ ਸਿਰਸਾ ਤੋਂ  ਹੀ ਆਪਣੀ  ਸਤਿਸੰਗ ਕਰਨਗੇ । 
ਖਬ਼ਰ ਇਹ ਵੀ ਹੈ ਕਿ ਸਿਰਸਾ ਤੋਂ ਚਲ ਰਿਹਾ  ਸਤਿਸੰਗ ਵੀਡਿਓ ਕਾਨਫਰੰਸਿੰਗ ਦੇ ਜ਼ਰੀਏ ਡੇਰਾ ਸਲਾਬਤਪੁਰੇ ਵਿੱਚ ਬੈਠੇ ਪ੍ਰੇਮੀਆਂ ਨੂੰ ਦਿਖਾਇਆ ਜਾਣਾ ਹੈ ।

ਡੇਰਾ ਮੁਖੀ ਦੁਆਰਾ 15 ਨਵੰਬਰ   ਨੂੰ ਸਲਾਬਤਪੁਰਾ ਵਿੱਚ ਨਾ ਆਉਣ ਦਾ  ਅਰਥ ਇਹ ਹੈ ਕਿ ਜਾਂ ਤਾਂ ਉਹ ਖੁਦ ਕਿਸੇ  ਹਿੰਸਕ ਘਟਨਾ ਦਾ ਸੂਤਰਧਾਰ ਨਹੀਂ ਬਣਨਾ ਚਾਹੁੰਦੇ ਜਾਂ ਫਿਰ   ਸੁਰੱਖਿਆ ਏਜੰਸੀਆਂ ਅਤੇ  ਪਰੇਮੀਆਂ ਦੀ  ਸਲਾਹ ਨਾਲ ਪੰਜਾਬ ਆਉਣ ਦਾ ਵਿਚਾਰ  ਤਿਆਗ ਦਿੱਤਾ ਹੈ । ਮਾਮਲਾ ਜੋ ਵੀ ਹੋਵੇ   ਇੱਕ ਵਾਰ ਪੰਜਾਬ ਅਤੇ ਖਾਸ ਕਰਕੇ ਮਾਲਵਾ ਇਸ ਹਿੰਸਕ ਦੌਰ ਵਿੱਚੋਂ ਹਾਲ ਘੜੀ ਨਿਕਲ ਗਿਆ  ਹੈ , ਨਹੀ ਸਰਕਾਰ ਨੂੰ ਇੱਥੇ ਅਮਨ ਅਮਾਨ  ਬਣਾਈ ਰੱਖਣ ਲਈ ਕਿੰਨਾ ਪੈਸਾ ਅਤੇ ਸ਼ਕਤੀ ਲਾਉਣੀ ਸੀ ਜਿਸ ਨਾਲ ਆਮ ਨਾਗਰਿਕ ਦਾ  ਪਰੇਸ਼ਾਨ ਹੋਣਾ ਸੁਭਾਵਿਕ ਸੀ ।

 ਪ੍ਰੰਤੂ ਹੁਣ  ਕੁਝ ਗਰਮ ਦਲੀਏ ਆਗੂ   ਇਹ ਬਿਆਨਬਾਜ਼ੀ ਕਰ ਰਹੇ  ਹਨ ਕਿ  ਡੇਰਾ ਮੁਖੀ ਪੰਜਾਬ ਵਿੱਚ ਆ  ਦਿਖਾਵੇ । ਉਨ੍ਹਾਂ ਦੀ ਇਸ  ਗੱਲ ਇਹ ਨਹੀ ਲੱਗਦਾ  ਕਿ ਇਹਨਾਂ ਆਗੂਆਂ ਦੀ  ਬਿਆਨਬਾਜ਼ੀ   ਡੇਰਾ ਮੁਖੀ ਨੂੰ ਪੰਜਾਬ  ਵੜਨ ਤੋਂ  ਰੋਕਣ ਲਈ ਘੱਟ ਅਤੇ ਪੰਜਾਬ ਵਿੱਚ ਆਉਣ ਲਈ ਉਕਸਾਉਣ  ਵਾਸਤੇ  ਵਧੇਰੇ ਕੀਤੀ ਜਾ ਰਹੀ ਹੈ  ।  
 ਗੱਲ ਸਪੱਸ਼ਟ ਹੈ ਕਿ  ਜਦੋਂ  ਡੇਰਾ ਮੁਖੀ ਪੰਜਾਬ ਆ ਹੀ ਨਹੀਂ ਰਿਹਾ ਤਾਂ ਫਿਰ   ਬਿਆਨਬਾਜ਼ੀ ਕਿਉਂ ?
 ਇੱਥੇ ਇਹ ਵੀ ਸਪੱਸ਼ਟ ਹੈ ਪੰਜਾਬ ਸਰਕਾਰ ਡੇਰਾ ਮੁਖੀ (ਵੋਟ ਬੈਂਕ ) ਦੇ  ਦਬਾਅ ਅਤੇ ਹਾਈਕੋਰਟ  ਹੁਕਮਾਂ ਅੱਗੇ ਅਕਸਰ ਝੁੱਕਦੀ ਹੈ ਇਸ ਹਾਲਤ ਵਿੱਚ ਜੇ  ਡੇਰਾ ਮੁਖੀ  ਪੰਜਾਬ ਆਉਣਾ ਚਾਹੇ ਤਾਂ ਪੰਜਾਬ ਸਰਕਾਰ ਨੂੰ ਉਸਦੀ ਹਿਫ਼ਾਜਤ ਕਰਨ ਪੈਂਣੀ ਹੈ। 
 ਰਹੀ ਗੱਲ ਪੰਥਕ ਜਥੇਬੰਦੀਆਂ ਦੀ  ਇਹ ਐਕਸ਼ਨ ਕਮੇਟੀ ਬਣਾ ਕੇ ਨੇ ਬਿਨਾ ਕੋਈ ਐਕਸ਼ਨ ਲਏ ਦੋਫਾੜ ਹੋ ਗਈਆਂ ਹਨ ।  <bR>
 ਇੱਕ ਪੰਥਕ ਜਥੇਬੰਦੀ  ਹਰ ਐਤਵਾਰ ਨੂੰ  ਤਖਤ ਸ੍ਰੀ ਦਮਦਮਾ ਸਾਹਿਬ ਤੋਂ  ਸਲਾਬਤਪੁਰਾ  ਡੇਰਾ ਬੰਦ ਕਰਵਾਉਣ ਲਈ ਸ਼ਹੀਦੀ ਜਥੇ ਭੇਜਦੀ ਹੈ ਜਿਹੜੇ ਗੁਰਦੁਆਰਾ ਸਾਹਿਬ ਦਾ ਗੇਟ ਨਿਕਲਣ ਤੋਂ ਪਹਿਲਾਂ ਹੀ ਗ੍ਰਿਫ਼ਤਾਰ ਕੀਤੇ ਜਾਂਦੇ ਹਨ। ਇਸ ਤਰ੍ਹਾਂ ਕਰਕੇ ਇਸ ਜਥੇਬੰਦੀ ਨੂੰ ਪਬਲੀਸਿਟੀ ਮਿਲਦੀ ਰਹੀ  ਹੈ ਹੁਣ ਉਹ ਵੀ ਮਿਲਣੋ ਹਟ ਗਈ ਹੈ। 
 ਨਾਲੇ ਪੰਜਾਬ ਵਿੱਚ ਡੇਰੇ ਬੰਦ ਕਰਵਾਉਣ ਦਾ ਹੁਕਮਨਾਮਾ  ਸਿੰਘ ਸਾਹਿਬਾਨ  ਦੁਆਰਾ ਜਾਰੀ ਕੀਤਾ ਸੀ ਪੰਰਤੂ  ਇਸ ਵਿੱਚੋਂ  ਕੋਈ ਹੁਕਮ  ਹਾਲੇ ਤੱਕ ਲਾਗੂ ਨਹੀਂ ਹੋਇਆ ।
ਜੇਕਰ  ਡੇਰਾ ਮੁਖੀ  ਨਰਮੀ ਵਰਤਦਾ ਪੰਜਾਬ ਵਿੱਚ ਨਹੀ ਆ ਰਿਹਾ ਅਤੇ  ਸਿੱਖ ਭਾਵਨਾਵਾਂ ਨਹੀ ਭੜਕਾਉਣ ਵਾਲੀ ਕੋਈ ਕਾਰਵਾਈ ਨਹੀ ਕਰਦਾ ਤਾਂ ਪੰਥਕ ਆਗੂ ਵਿੱਚ ਇਸ ਮਾਮਲੇ ਬਾਰੇ   ਠੰਡੇ ਦਿਮਾਗ ਨਾਲ ਸੋਚਣ
 

Top