ਲੰਬੀ ਹਲਕੇ ਤੋਂ ਆਪਣੇ ਮੁੱਖ ਮੰਤਰੀ ਭਰਾ  ਪ੍ਰਕਾਸ਼ ਸਿੰਘ  ਬਾਦਲ ਨੇ ਸਿੱਧੀ ਟੱਕਰ ਲੈਣ ਵਾਲੇ   ਗੁਰਦਾਸ ਸਿੰਘ ਬਾਦਲ ਨੇ  ਮੁਕਤਸਰ ਵਿੱਚ ਕਿਹਾ ਕਿ  ਲੰਬੀ ਹਲਕੇ ਤੋਂ  ਉਸਦੇ ਭਰਾ  ਪ੍ਰਕਾਸ਼ ਸਿੰਘ ਬਾਦਲ  ਜਰੂਰ ਜਿੱਤ ਜਾਣਗੇ   ਪਰ ਪੰਜਾਬ ਵਿੱਚ ਸਰਕਾਰ ਕਾਂਗਰਸ ਦੀ ਹੀ ਬਣੇਗੀ ।

  ਉਹਨਾਂ ਕਿਹਾ ਲੰਬੀ ਖੇਤਰ ਵਿੱਚ ਕਾਂਗਰਸ ਉਮੀਦਵਾਰ ਮਹੇਸ਼ਵਿੰਦਰ ਸਿੰਘ ਬਾਦਲ ਅਤੇ ਮੁੱਖ ਮੰਤਰੀ ਬਾਦਲ ਵਿਚਕਾਰ  ਕਾਂਟੇ ਦੀ ਟੱਕਰ ਬਣੀ ਹੋਈ ਸੀ  ਪਰ  ਮਹੇਸ਼ਇੰਦਰ  ਇਸ ਵਾਰ ਚੋਣ ਪ੍ਰਚਾਰ ਵਿੱਚ ਉਨੀ ਸਰਗਰਮੀ ਨਹੀਂ ਦਿਖਾ ਸਕੇ । ਹੁਣ ਕੁਲ ਮਿਲਾ ਕੇ  ਇਹ ਸੀਟ  ਮੁੱਖ ਮੰਤਰੀ ਦੇ ਖਾਤੇ ਜਾਂਦੀ ਹੋਈ ਹੀ ਪ੍ਰਤੀਤ ਹੁੰਦੀ ਹੈ।

 ਗੁਰਦਾਸ  ਬਾਦਲ ਨੇ ਕਿਹਾ ਕਿ ਰਾਜ ਵਿੱਚ ਆਉਣ ਵਾਲੀ ਸਰਕਾਰ ਕਾਂਗਰਸ ਦੀ ਹੀ ਹੋਵੇਗੀ  ਪਰ ਸਰਕਾਰ ਬਣਾਉਣ ਵਿੱਚ ਸਾਂਝੇ ਮੋਰਚਾ ਦੀ ਅਹਿਮ ਭੂਮਿਕਾ ਰਹੇਗੀ । ਸਾਝਾਂ ਮੋਰਚਾ ਦੇ  ਉਮੀਦਵਾਰ 20 ਤੋਂ ਜਿ਼ਆਦਾ ਸੀਟਾਂ ਤੇ   ਜਿੱਤ ਪ੍ਰਾਪਤ ਕਰਨਗੇ ।

 ਗੁਰਦਾਸ ਬਾਦਲ ਦੀ ਗੱਲ ਨੂੰ  ਮੰਨੀਏ ਜਾਂ ਉਹਨਾਂ ਦੇ ਬੇਟੇ ਮਨਪ੍ਰੀਤ ਦੀ ਗੱਲ ਨੂੰ  ਮੰਨੀਏ ਜਿਹੜੇ 30 ਜਨਵਰੀ ਨੂੰ ਵੋਟ ਪਾਉਣ ਮੌਕੇ ਕਹਿ ਰਹੇ ਸਨ ਕਿ ਉਹਨਾਂ ਨੂੰ ਅਫਸੋਸ ਹੈ ਕਿ ਮੁੱਖ ਮੰਤਰੀ ਸਾਹਿਬ ਆਪਣੀ ਸੀਟ ਹਾਰ ਜਾਣਗੇ ।

ਬਚਨ ਸਿੰਘ ਸਰਲ /ਕੋਲਕਾਤਾ

ਕਸ਼ਮੀਰ ’ਚ ਚਲ ਰਹੇ ਅਤਿਵਾਦ ਨਾਲ ਸੰਤਾਪੇ ਤਿੰਨ ਸੌ ਤੋਂ ਵੱਧ ਵਿਅਕਤੀ ਜੰਮੂ-ਕਸ਼ਮੀਰ ਵਿਚਲੇ ਆਪਣੇ ਘਰ-ਬਾਰ ਛੱਡ ਕੇ ਇੱਥੇ ਕੋਲਕਾਤਾ ਵਿਖੇ ਮੰਦੇ ਹਾਲੀਂ ਰਹਿਣ ਲਈ ਮਜਬੂਰ ਹਨ। ਇਹ ਲੋਕ ਦਖਨੇਸ਼ਵਰ ਕਾਲੀ ਮੰਦਰ ਨੇੜੇ ਝੁੱਗੀਆਂ ਬਣਾ ਕੇ ਰਹਿ ਰਹੇ ਹਨ ਅਤੇ ਆਪਣੀ ਰੋਜ਼ੀ-ਰੋਟੀ ਲਈ ਸੜਕਾਂ ਤੇ ਮਕਾਨਾਂ ਦੇ ਨਿਰਮਾਣ ਦੇ ਕੰਮ ਦੀ ਮਜ਼ਦੂਰੀ ਕਰਦੇ ਹਨ। ਇਨ੍ਹਾਂ ਦੀ ਹਾਲਤ ਆਪਣੇ ਘਰ ਛੱਡਣ ਤੋਂ ਬਾਅਦ ਭਾਵੇਂ ਮਾੜੀ ਹੀ ਰਹੀ ਪਰ ਇਨ੍ਹਾਂ ਨੂੰ ਇਸ ਗੱਲ ਦੀ ਤਸੱਲੀ ਹੈ ਕਿ ਇਹ ਰਾਤ ਨੂੰ ਅਮਨ-ਚੈਨ ਨਾਲ ਸੌਂ ਸਕਦੇ ਹਨ।

ਕਸ਼ਮੀਰ ’ਚ ਇਹ ਲੋਕ ਗਲੀਚੇ ਬਣਾਉਣ ਦਾ ਕੰਮ ਕਰਦੇ ਸਨ ਤੇ ਗਲੀਚੇ ਵੇਚਣ ਲਈ ਅਕਸਰ ਕੋਲਕਾਤਾ ਆਉਂਦੇ ਸਨ। ਇਕ ਗਲੀਚੇ ਦੀ ਕੀਮਤ ਕੋਈ ਪੰਜ ਹਜ਼ਾਰ ਰੁਪਏ ਸੀ। ਹੁਣ ਇਹ ਲੋਕ ਕਲਕੱਤੇ ਦੀ ਸੜਕ ਦੇ ਕਿਨਾਰੇ ਵਿਵੇਕਾਨੰਦ ਬ੍ਰਿਜ (ਬਾਲੀ) ਹੇਠਾਂ ਫਟੇ-ਪੁਰਾਣੇ ਗਲੀਚਿਆਂ ਦੀਆਂ ਝੁੱਗੀਆਂ ਬਣਾ ਕੇ ਰਹਿ ਰਹੇ ਹਨ ਤੇ ਗੁਜ਼ਾਰੇ ਲਈ ਲੋਕਾਂ ਪਾਸੋਂ ਮਦਦ ਮੰਗਦੇ ਹਨ। ਇਹ ਲੋਕ ਜੰਮੂ-ਕਸ਼ਮੀਰ ਦੇ ਜ਼ਿਲ੍ਹਾ ਬਾਂਦੀਪੁਰਾ ਦੇ ਪਿੰਡ ਗੁਰੇਜ, ਕੁਪਵਾੜਾ ਤੇ ਪਿੰਡ ਤੰਗਦਾਰ, ਬਦਗਾਮ ਦੇ ਪਿੰਡ ਖੱਗ ਤੇ ਗੋਮੁਲ, ਬਾਰਾਮੂਲਾ ਦੇ ਉਰੀ ਅਤੇ ਕਿਸ਼ਤਵਾੜ ਦੇ ਗੁਲਾਬਗੜ੍ਹ ਦੇ ਵਾਸੀ ਹਨ।
ਇਕ ਬਜ਼ੁਰਗ ਦੇ ਕਹਿਣ ਅਨੁਸਾਰ ਕੋਲਕਾਤਾ ਆ ਕੇ ਇਨ੍ਹਾਂ ਦੇ ਬੱਚੇ ਬਿਮਾਰ ਹੋ ਗਏ ਹਨ ਅਤੇ ਬੱਚਿਆਂ ਦੀ ਪੜ੍ਹਾਈ ਵੀ ਛੁਟ ਗਈ ਹੈ। ਇਨ੍ਹਾਂ ਲੋਕਾਂ ਨੂੰ ਇੱਥੋਂ ਦਾ ਮੌਸਮ ਵੀ ਨਹੀਂ ਸੁਖਾਉਂਦਾ ਪਰ ਫਿਰ ਵੀ ਇਹ ਇੱਥੇ ਰਹਿ ਕੇ ਖੁਸ਼ ਹਨ ਕਿਉਂਕਿ ਇੱਥੇ ਇਨ੍ਹਾਂ ਨੂੰ ਕਿਸੇ ਕਿਸਮ ਦੀ ਹਿੰਸਾ ਦਾ ਡਰ ਨਹੀਂ ਹੈ। ਇਕ ਹੋਰ ਵਿਅਕਤੀ ਨੇ ਗੁਲਾਬਗੜ੍ਹ ਵਿਖੇ ਵਾਪਰਨ ਵਾਲੀਆਂ ਹਿੰਸਕ ਘਟਨਾਵਾਂ ਅਤੇ ਅਤਿਵਾਦੀਆਂ ਵੱਲੋਂ ਕੀਤੀ ਜਾਂਦੀ ਕੁੱਟਮਾਰ ਦਾ ਜ਼ਿਕਰ ਕੀਤਾ। ਉਸ ਨੇ ਕਿਹਾ ਕਿ ਹਿੰਸਾ ਕਾਰਨ ਸਿਰਫ ਉਹੀ ਲੋਕ ਕਸ਼ਮੀਰ ਵਿੱਚੋਂ ਨਹੀਂ ਨਿਕਲੇ ਬਲਕਿ ਇਸ ਕਾਰਨ ਹਜ਼ਾਰਾਂ ਹੋਰ ਲੋਕ ਵੀ ਕਸ਼ਮੀਰ ’ਚੋਂ ਆਪਣੇ ਘਰ-ਵਾਰ ਛੱਡ ਕੇ ਹਿਜਰਤ ਕਰ ਕੇ ਚਲੇ ਗਏ ਹਨ। ਉਸ ਨੇ ਕਿਹਾ ਕਿ ਅਤਿਵਾਦੀਆਂ ਵੱਲੋਂ ਅਕਸਰ ਕੀਤੀ ਜਾਂਦੀ ਗੋਲਾਬਾਰੀ ਨਾਲ ਕਈ ਨਿਰਦੋਸ਼ ਜ਼ਖਮੀ ਹੋ ਗਏ ਹਨ। ਲੋਕ ਇੱਥੋਂ ਤਕ ਡਰੇ ਹੋਏ ਹਨ ਕਿ ਉਹ ਆਪਣੇ ਘਰਾਂ ਦੇ ਵਰਾਂਡਿਆਂ ’ਚ ਨਹੀਂ ਖਲੌਂਦੇ। ਉਸ ਨੇ ਕਿਹਾ ਕਿ ਬੰਗਾਲ ਤੋਂ ਅਕਸਰ ਸੈਲਾਨੀ ਉਨ੍ਹਾਂ ਦੇ ਇਲਾਕਿਆਂ ’ਚ ਜਾਂਦੇ ਸਨ ਜਿਸ ਕਾਰਨ ਉਹ ਕਸ਼ਮੀਰ ਛੱਡ ਕੇ ਕੋਲਕਾਤਾ ਪਹੁੰਚੇ ਹਨ। ਉਸ ਨੇ ਕਿਹਾ ਕਿ ਜੰਮੂ-ਕਸ਼ਮੀਰ ਦੇ ਮੁੱਖ ਮੰਤਰੀ ਨੇ ਉਨ੍ਹਾਂ ਨੂੰ ਭਰੋਸਾ ਦਿਵਾਇਆ ਹੈ ਕਿ ਉਨ੍ਹਾਂ ਨੂੰ ਛੇਤੀ ਹੀ ਸਰਕਾਰੀ ਘਰਾਂ ’ਚ ਵਾਪਸ ਵਸਾਇਆ ਜਾਵੇਗਾ। ਉਨ੍ਹਾਂ ਨੂੰ ਆਸ ਹੈ ਕਿ ਉਹ ਮਾਰਚ ਤਕ ਆਪਣੇ ਘਰਾਂ ਨੂੰ ਪਰਤ ਜਾਣਗੇ।

ਚੰਡੀਗੜ•, 4 ਫਰਵਰੀ (ਗੁਰਪ੍ਰੀਤ ਮਹਿਕ)  ਪੰਜਾਬ ਪੁਲਿਸ ਵੱਲੋ ਪਿਛਲੇ ਮਹੀਨੇ ਗ੍ਰਿਫਤਾਰ ਪ੍ਰਵਾਸੀ ਪੰਜਾਬੀ ਸੁੱਖੀ ਚਾਹਲ ਤੇ ਕਈ   ਦੋਸ਼ ਲੱਗਣ ਨਾਲ ਉਸ ਨਾਲ  ਨਵੀਂ ਮੁਸ਼ਕਲਾਂ ਖੜ•ੀਆਂ  ਹੋ ਗਈਆਂ ਹਨ।  ਜਦੋ ਸੁੱਖੀ ਚਾਹਲ ਨੂੰ ਪੰਜਾਬ ਪੁਲਿਸ ਨੇ  ਪਿਛਲੇ ਮਹੀਨੇ ਅਚਾਨਕ ਗ੍ਰਿਫਤਾਰ ਕੀਤਾ ਸੀ ਤਾਂ ਪੰਜਾਬ ਆਏ ਪ੍ਰਵਾਸੀ ਪੰਜਾਬੀਆਂ ਨੇ ਸੁੱਚੀ ਚਾਹਲ ਦੀ ਗ੍ਰਿਫਤਾਰੀ ਦੀ ਸਖਤ ਸ਼ਬਦਾਂ ਵਿਚ ਨਿਖੇਧੀ ਕੀਤੀ ਸੀ ਪਰ ਪਤਾ ਨਹੀਂ ਕਿਉਂ ਬਾਅਦ ਵਿਚ ਇਹ ਲੋਕ ਚੁੱਪ ਹੋ ਗਏ। 
ਜਿਕਰਯੋਗ ਹੈ ਕਿ ਲੁਧਿਆਣਾ ਪੁਲਿਸ ਨੇ ਸੁੱਖੀ ਚਾਹਲ ਨੂੰ ਇਕ 20 ਸਾਲ ਪੁਰਾਣੇ ਕੇਸ ਵਿਚ ਗ੍ਰਿਫਤਾਰ ਕਰਨ ਦਾ ਦਾਅਵਾ ਕੀਤਾ ਸੀ।  ਉਸ ਤੇ ਦੋਸ਼ ਲੱਗੇ ਸਨ ਕਿ ਉਸ ਨੇ (ਸੁੱਖੀ ਚਾਹਲ) ਨੇ 1992 ਦੀਆਂ  ਖਾਲਿਸਤਾਨ ਕਮਾਂਡੋ ਫਰੋਸ ਨਾਨ ਜੁੜੇ ਹੋਣ ਬਾਰੇ ਦੱਸ ਕੇ ਪੰਜਾਬ ਵਿਧਾਨ ਸਭਾ ਚੌਣਾਂ ਦੌਰਾਨ ਕਾਂਗਰਸੀ ਨੇਤਾ ਮਲਕੀਤ ਸਿੰਘ ਬੀਰਮੀ ਤੋ 10 ਲੱਖ ਰੁਪਏ  ਦੀ ਮੰਗ ਕੀਤੀ। 
ਸ: ਸੁੱਖੀ  ਦੇ ਸਮੱਰਥਕਾਂ ਦਾ ਕਹਿਣਾ ਕਿ  ਉਹ ਵਿਦਿਆਰਥੀ ਸਿਆਸਤ ਵਿਚ 1992 ਵਿਚ ਕਾਫੀ ਸਰਗਰਮ ਸਨ ਜਦੋ ਉਹ ਗੁਰੂ ਨਾਨਕ ਦੇਵ ਇੰਜੀਨੀਅਰਿੰਗ ਕਾਲਜ, ਲੁਧਿਆਣਾ ਵਿਖੇ ਪੜ•ਦਾ ਸੀ, ਉਸ ਸਮੇਂ ਉਨ•ਾਂ ਵਿਰੁੱਧ ਐਫ ਆਈ ਆਰ ਦਰਜ ਹੋ ਗਈ ਸੀ।  ਬਾਅਦ ਵਿਚ ਉਹ ਜਮਾਨਤ ਤੇ ਆ ਗਏ ਅਤੇ ਉਨ•ਾਂ ਆਪਣੀ  ਇੰਜੀਨੀਅਰਿੰਗ ਦੀ ਪੜ•ਾਈ ਪੂਰੀ ਕਰਨ ਤੋ ਬਾਅਦ ਉਹ ਅਮਰੀਕਾ ਚਲੇ ਗਿਆ। ਸਮਰੱਥਕਾਂ ਅਨੁਸਾਰ ਸੁੱਖੀ ਚਾਹਲ ਨੇ  ਕੈਲਫੋਰਨੀਆਂ ਅਧਾਰਿਤ ਇਕ ਐਨ ਜੀ ਓ ਪੰਜਾਬ ਫਾਊਂਡੇਸ਼ਨ ਬਣਾਈ ਅਤੇ ਉਸ ਦੇ ਚੈਅਰਮੈਨ ਬਣ ਕੇ ਮਾਲਵੇ ਵਿਚ ਕੈਂਸਰ ਬੀਮਾਰੀ ਬਾਰੇ ਲੋਕਾਂ ਨੂੰ ਜਾਗਰੂਕ ਕੀਤਾ। ਉਹ ਨਿਯਮਤ ਤੌਰ ਤੇ ਪੰਜਾਬ ਆਉਂਦਾ ਹੈ ਅਤੇ ਸਰਕਾਰ ਦੀ ਆਲੋਚਨਾ ਵੀ ਕੀਤੀ ਕਿ ਸਰਕਾਰ ਨੇ ਇਸ ਬੀਮਾਰੀ ਵੱਲ ਧਿਆਨ ਨਹੀਂ ਦਿੱਤਾ। ਇਹ ਵੀ ਦੱਸਿਆ ਗਿਆ ਹੈ ਕਿ ਸੁੱਖੀ ਚਾਹਲ ਦੇ ਲੇਖ ਵੀ ਪ੍ਰਕਾਸ਼ਿਤ ਹੋਏ ਹਨ ਅਤੇ ਉਸ ਨੇ  ਪ੍ਰੈਸ ਦੀ ਆਜਾਦੀ ਅਤੇ ਕੈਬਲ ਮਾਫੀਆ ਖਿਲਾਫ ਵੀ ਆਵਾਜ ਬੁਲੰਦ ਕੀਤੀ ਹੈ। ਸੁੱਖੀ ਚਾਹਲ ਨੇ ਪੰਜਾਬ ਚੌਣਾਂ ਬਾਰੇ ਜਿਕਰ ਚੈਨਲਾਂ ਤੇ ਕੀਤਾ। ਉਸ ਨੇ ਪੇਡ ਨਿਊਜ ਅਤੇ ਚੌਣ ਕਮਿਸ਼ਨ ਦੇ ਰੋਲ ਦੀ ਗੱਲ ਕੀਤੀ। ਚਾਹਲ ਦੇ ਸਮਰੱਥਕਾਂ ਅਨੁਸਾਰ ਉਸ ਨੇ ਬਾਦਲ ਸਰਕਾਰ ਦੀ ਆਲੋਚਨਾ ਜਮ ਕੇ  ਕੀਤੀ ਜਿਸ ਤੋ ਬਾਅਦ ਉਸ ਤੇ ਸਿਕੰਜਾ ਕਸਿਆ ਗਿਆ। ਪੰਜਾਬ ਪੁਲਿਸ ਤੇ ਦੋਸ਼ ਲੱਗੇ ਹਨ ਕਿ ਪਟਿਆਲਾ ਪੁਲਿਸ ਨੇ ਸੁੱਖੀ ਨੂੰ ਉਸ ਦੀ ਭੈਣ ਦੇ ਮੋਹਾਲੀ ਸਥਿਤ ਘਰੋ ਚੁੱਕਿਆ ਅਤੇ ਬਾਅਦ ਵਿਚ ਲੁਧਿਆਣਾ ਪੁਲਿਸ ਨੂੰ ਸੌਪ ਦਿੰਤਾ। ਸਮਰੱਥਕਾਂ ਅਨੁਸਾਰ ਪੁਲਿਸ ਨੇ ਪਹਿਲਾਂ ਪਹਿਲਾਂ ਇਹ ਵੀ ਕਿਹਾ ਕਿ ਸੁੱਖੀ ਚਾਹਲ ਦਾ ਉਸ ਦੇ ਭਰਾ ਨਾਲ ਵਿਵਾਦ ਹੈ ਇਸ ਲਈ ਉਸ ਨੂੰ ਗ੍ਰਿਫਤਾਰ ਕੀਤਾ ਗਿਆ ਪਰ ਬਾਅਦ ਵਿਚ ਇਹ ਕਿਹਾ ਗਿਆ ਕਿ ਅਦਾਲਤ ਨੇ ਸੁੱਖੀ ਚਾਹਲ ਨੂੰ ਭਗੌੜਾ ਘੋਸ਼ਿਤ ਕੀਤਾ ਹੋਇਆ ਹੈ ਕਿਉਂਕਿ ਵੁਹ 1992 ਦੇ ਇਕ ਮਾਮਲੇ ਵਿਚ ਅਦਾਲਤ ਵਿਚ ਪੇਸ਼ ਨਹੀਂ ਹੋਇਆ।  ਇਹ ਵੀ ਦੋਸ਼ ਲੱਗੇ ਕਿ ਉਸ ਨੇ ਮਲਕੀਤ ਬੀਰਮੀ ਤੋ 10 ਲੱਖ ਰੁਪਏ ਮੰਗੇ। ਪੁਲਿਸ ਅਧਿਕਾਰੀਆਂ ਨੇ ਕਿਹਾ ਕਿ ਉਸ ਨੂੰ ਚੌਕਸੀ ਵਿਭਾਗ ਵੱਲੋ ਪ੍ਰਾਪਤ ਸੂਚਨਾ ਤੋ ਬਾਅਦ ਗ੍ਰਿਫਤਾਰ ਕੀਤਾ ਗਿਆ ਤਾਂ ਕਿ ਉਹ ਚੌਣਾਂ ਦੌਰਾਨ ਕੋਈ ਗੜਬੜ ਫਲਾ  ਸਕਦਾ ਹੈ।
ਸੁੱਖੀ ਚਾਹਲ ਨੂੰ ਹੱਥਕੜੀਆਂ ਪਾ ਕੇ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਜਿਸ ਦਾ ਪ੍ਰਵਾਸੀ ਭਾਰਤੀਆਂ ਨੇ ਵਿਰੋਧ ਕੀਤਾ।  ਚਾਹਲ ਨੇ ਪੁਲਿਸ ਤੇ ਦੋਸ਼ ਲਗਾਏ ਕਿ ਉਸ ਨਾਲ ਮਾੜਾ ਵਰਤਾਓ ਕੀਤਾ ਗਿਆ। ਚਾਹਲ ਨੇ ਦੋਸ਼ ਲਗਾਇਆ ਕਿ  ਉਸ ਨੂੰ ਪੰਜਾਬ ਪੁਲਿਸ ਅੱਤਵਾਦੀ ਦੇ ਰੂਪ ਵਿਚ ਪੇਸ ਕਰ ਰਹੀ ਹੈ ਕਿਉਂਕਿ ਉਸ ਨੇ ਆਪਣੀ ਲੇਖਣੀ ਵਿਚ ਸਰਕਾਰ ਦਾ ਵਿਰੋਧ ਕੀਤਾ ਹੈ ਅਤ ਬਾਦਲ ਸਰਕਾਰ ਦੀ ਨਿਖੇਧੀ ਕੀਤੀ।
ਸੁੱਖੀ ਚਾਹਲ ਦੇ ਸਮਰੱਥਕਾਂ ਅਨੁਸਾਰ ਸੁੱਖੀ ਚਾਹਲ ਨੇ ਚੌਣ ਕਮਿਸ਼ਨ ਨੂੰ ਵੀ ਸੂਚਿਤ ਕੀਤਾ ਸੀ ਕਿ ਉਸ ਨੂੰ ਧਮਕੀਆਂ ਮਿਲ ਰਹੀਆ ਹਨ ਅਤੇ ਕਮਿਸ਼ਨ ਨੇ ਸੁਝਾਅ ਦਿੱਤਾ ਸੀ ਕਿ ਉਹ ਪੰਜਾਬ ਪੁਲਿਸ ਦੇ ਮੁੱਖੀ ਨਾਲ ਸੰਪਰਕ ਕਰਨ।  ਸਮਰੱਥਕਾਂ ਦਾ ਇਹ ਵੀ ਕਹਿਣਾ ਹੈ ਕਿ ਸੁੱਖੀ ਵਿਰੁੱਧ ਪੰਜਾਬ ਪੁਲਿਸ ਦੇ ਗੁਰਮੀਤ ਸਿੰਘ ਪਿੰਕੀ ਨੇ 1992 ਵਿਚ ਕੇਸ ਦਰਜ ਕੀਤਾ ਸੀ, ਜਿਸ ਨੂੰ ਇਕ ਕਤਲ ਦੇ ਕੇਸ ਵਿਚ ਖੁਦ ਸਜਾ ਹੋਈ ਸੀ।
ਭਾਵੇਂ ਕਿ ਸੁੱਖੀ ਚਾਹਲ ਦੀ ਜਿਸ ਸਮੇਂ ਗ੍ਰਿਫਤਾਰੀ ਹੋਈ ਤਾਂ ਪੰਜਾਬ ਆਏ ਪ੍ਰਵਾਸੀ ਭਾਰਤੀਆਂ ਨੇ ਤੁਰੰਤ ਪ੍ਰਤੀਕਰਮ ਪ੍ਰਗਟ ਕੀਤੇ ਪਰ ਬਾਅਦ ਵਿਚ ਉਹ ਚੁੱਪ ਹੋ ਗਏ। ਪਤਾ ਨਹੀਂ ਇਹ ਚੁੱਪ ਦੇ ਕੀ ਕਾਰਨ ਹਨ।
ਸੁੱਖੀ ਚਾਹਲ ਜਦੋ ਪੰਜਾਬ ਆਇਆ ਤਾਂ ਉਹ ਪੰਜਾਬ ਪੁਲਿਸ ਦੇ ਕਈ ਉਚ ਅਧਿਕਾਰੀਆਂ ਨੂੰ ਵੀ ਮਿਲਦਾ ਰਿਹਾ। ਉਸ ਨੇ ਪੰਜਾਬ ਨੇ ਪੰਜਾਬ ਦੇ ਚੰਗੇ ਚੰਗੇ ਲੋਕਾਂ ਨਾਲ ਰਾਬਤਾ ਸਥਾਪਿਤ ਕਰ ਲਿਆ ਅਤੇ ਲੋਕਾਂ ਵਿਚ ਇਹ ਪ੍ਰਭਾਵ ਗਿਆ ਕਿ ਸੁੱਖੀ ਚਾਹਲ ਲੋਕ ਹਿੱਤ ਦੇ ਮਸਲੇ ਜੋਰ ਸ਼ੋਰ ਨਾਲ ਉਠਾ ਰਿਹਾ ਹੈ।
ਸੁੱਖੀ ਚਾਹਲ ਲਈ ਨਵੀਆਂ ਮੁਸ਼ਕਲਾਂ ਖੜ•ੀਆਂ ਹੋ ਗਈਆਂ ਹਨ ਕਿਉਂਕਿ ਉਸ ਦੇ ਵੱਡੇ ਭਰਾ ਦਿਲਾਬਰ ਚਾਹਲ ਅਤੇ ਉਸ ਦੇ ਕਾਲਜ ਪੜ•ਦੇ ਸਹਿਪਾਠੀ ਜਸਪ੍ਰੀਤ ਸਿੱਧੂ ਵੱਲੋ ਲਗਾਏ ਗਏ ਦੋਸ਼ ਲੋਕਾਂ ਸਾਮਣੇ ਆ ਗਏ ਹਨ।  ਇਨ•ਾ ਵਿਅਕਤੀਆਂ ਨੇ ਦੋਸ਼ ਲਗਾਏ ਹਨ ਕਿ ਸੁੱਖੀ ਨੇ ਅਮਰੀਕਾ ਤੋ ਰਾਜਸੀ ਸ਼ਰਣ ਮੰਗ ਕੇ ਉਥੋ ਦੀ ਸਰਕਾਰ ਨਾਲ ਧੌਖਾ ਕੀਤਾ ਹੈ।  ਜਸਪ੍ਰੀਤ ਸਿੱਧੂ ਨੇ ਮੀਡੀਆ ਵਿਚ ਕਿਹਾ ਕਿ ਉਹ ਗੁਰੂ ਨਾਨਕ ਦੇਵ ਇੰਜੀਨੀਅਰਿੰਗ ਕਾਲਜ ਵਿਖੇ ਪੜ•ਦਾ ਸੀ ਅਤੇ ਉਸ ਸਮੇਂ ਤੋ ਸੁੱਖੀ ਚਾਹਲ ਨੂੰ ਜਾਣਦਾ ਹੈ। ਉਸ  ਦਾ ਕਹਿਣਾ ਹੈ ਕਿ ਪ੍ਰੀਖਿਆ ਵਿਚ ਨਕਲ ਮਾਰਣ ਦੇ ਦੋਸ਼ ਵਿਚ ਉਸ ਨੂੰ ਤਿੰਨ ਸਾਲ ਲਈ ਕਾਲਜ ਵਿਚੋ ਕੱਢ ਦਿੱਤਾ ਸੀ।  ਦਿਲਾਬਰ ਚਾਹਲ ਨੇ ਕਿਹਾ ਕਿ ਸੁਖਜੀਤ ਸਿੰਘ, ਨਿਵਾਸੀ ਪਿੰਡ ਹੀਰੋ ਖੁਰਦ ਜਿਲ•ਾ ਮਾਨਸਾ ਨੂੰ ਗੁਰਮੀਤ ਸਿੰਘ ਪਿੰਕੀ ਨੇ ਪੈਸੇ ਮੰਗਣ ਦੇ ਕੇਸ ਵਿਚ ਫੜਿ•ਆ ਸੀ ਅਤੇ ਇਸ ਵਿਅਕਤੀ ਸੁੱਖੀ ਚਾਹਲ ਨੇ ਪੁਲਿਸ ਨੂੰ ਸਹਿਯੋਗ ਦਿੱਤਾ, ਉਸ ਨੇ  ਆਪਣੇ ਸਾਰੇ ਸਹਿਯੋਗੀਆਂ ਦਾ ਨਾਂ ਪੁਲਿਸ ਨੂੰ ਦੱਸ ਦਿੱਤਾ ਅਤੇ ਪੁਲਿਸ ਦਾ ਸੂਹੀਆਂ ਬਣ ਗਿਆ ਜਿਸ ਬਦਲੇ ਪੁਲਿਸ ਨੇ ਉਸ ਨੂੰ ਛੱਡ ਦਿੱਤਾ। ਅਦਾਲਤ ਨੇ ਉਸ ਨੂੰ ਬਰੀ ਕਰ ਦਿੱਤਾ। ਉਸ ਤੋ ਬਾਅਦ ਉਹ ਅਮਰੀਕਾ ਭੱਜ ਗਿਆ ਅਤੇ ਉਥੇ ਰਾਜਸੀ ਸ਼ਰਣ ਵਾਸਤੇ ਅਪੀਲ ਕੀਤੀ ਅਤੇ ਉਹ ਅਮਰੀਕਾ ਦਾ ਨਾਗਰਿਕ ਬਣਨ ਵਿਚ ਸਫਲ ਹੋ ਗਿਆ।  ਇਹ ਪ੍ਰਵਾਸੀ ਔਰਤ ਨੇ ਵੀ ਦੋਸ਼ ਲਗਾਇਆ ਕਿ ਸੁੱਖੀ ਨੇ 1996 ਵਿਚ ਉਸ ਨਾ ਮਾੜਾ ਵਿਹਾਰ ਕੀਤਾ।  ਸੁੱਖੀ ਚਾਹਲ ਦੇ ਜੇਲ• ਵਿਚ ਹੌਣ ਕਾਰਨ ਉਸ ਨਾਲ ਸੰਪਰਕ ਨਹੀਂ ਹੋ ਸਕਿਆ ਪਰ ਉਸ ਦੇ ਸਮਰੱਥਕਾਂ ਇਹ ਵਾਰ ਵਾਰ ਕਹਿ ਰਹੇ ਹਨ ਕਿ ਸੁੱਖੀ ਚਾਹਲ ਵਿਰੁੱਧ ਸਾਜਿਸ ਰਚੀ ਗਈ ਹੈ। ਹੁਣ ਤਾ ਆਉਣ ਵਾਲਾ ਸਮਾਂ ਹੀ ਦੱਸੇਗਾ ਕਿ ਅਸਲੀਅਤ ਕੀ ਹੈ ? ਸੁੱਖੀ ਚਾਹਲ ਵਿਰੁੱਧ ਜੇ ਦੋਸ਼ ਲੱਗ ਰਹੇ ਹਨ ਤਾਂ ਇਸ ਪਿੱਛੇ ਕੌਣ ਹਨ ਅਤੇ ਸਚਾਈ ਕੀ ਹੈ ?

ਟਰਾਂਟੋ (ਜਰਨੈਲ ਬਸੋਤਾ)  ਪਰਵਾਸੀਇੰਟਰਟੇਨਮੈਂਟ ਇੰਕ ਅਤੇ ਪ੍ਰਵਾਸੀ ਮੀਡੀਆ ਗਰੁੱਪ ਦੇ ਰਜਿੰਦਰ ਸੈਣੀ ਵਲੋਂ ਅੱਜ ਅਜੇ ਮੋਦੀ ਇੰਟਰਟੇਨਮੈਂਟ ਅਤੇ ਅਤੇ P

BDH2 ਕਾਰਪੋਰਟੇਸ਼ਨ ਨੂੰ ਚਿੱਠੀ ਲਿਖ ਕੇ ਸਖ਼ਤ ਸ਼ਬਦਾਂ ਵਿੱਚ ਤਾੜਨਾ ਕੀਤੀ ਹੈ ਕਿ ਉਹ ਮਲਟੀ ਮਿਲੀਅਨ ਡਾਲਰ ਇੰਟਰਪ੍ਰਾਈਜ਼ ਜੋ ਉਨਟਾਰੀਓ ਵਿੱਚ ਅਗਸਤ ਮਹੀਨੇ ਵਿੱਚ ਹੋਣ ਜਾ ਰਹੀ ਹੈ ਉਸ ਲਈ ਸੰਕਟ ਪੈਦਾ ਕਰਨਾ ਬੰਦ ਕਰਨ। ਮੋਦੀ ਵਲੋਂ ਰਾਜਿੰਦਰ ਸੈਣੀ ਨੂੰ ਭੇਜੇ ਗਏ ਨੋਟਿਸ ਬਾਰੇ ਪਰਵਾਸੀ ਮੀਡੀਆ ਗਰੁੱਪ ਦੇ ਵਕੀਲ ਗਰੈਗਰੀ ਲੁਡਲੋਅ ਨੇ ਲਿਖਿਆ ਹੈ ਕਿ ਇਹ ਨੋਟਿਸ ਸੈਣੀ ਨੂੰ ਬਲੈਕਮੇਲ ਕਰਨ ਦੀ ਕੋਸਿ਼ਸ਼ ਹੈ। ਉਨ੍ਹਾਂ ਲਿਖਿਆ ਕਿ ਅਸੀਂ ਤੁਹਾਡੇ ਨੋਟਿਸ ਵਿੱਚ ਲਿਖੇ ਗਏ ਝੂਠ ਨੂੰ ਸੂਚੀਵੱਧ ਨਹੀਂ ਕਰਦੇ। ਪਰਵਾਸੀ ਮੀਡੀਆ ਗਰੁੱਪ ਦੇ ਲੀਗਲ ਕੌਂਸਲ ਨੇ ਪੱਤਰ ਵਿੱਚ ਵਾਰਨਿੰਗ ਦਿੰਦਿਆਂ ਕਿਹਾ ਗਿਆ ਹੈ ਕਿ ਅਗਰ ਤੁਸੀਂ ਇੰਝ ਹੀ ਲਾਇਬਲ ਅਤੇ ਅੱਗੇ ਭੰਡੀ ਪ੍ਰਚਾਰ ਕਰਨਾ ਜਾਰੀ ਰੱਖਿਆ ਤਾਂ ਕਾਨੂੰਨ ਨੂੰ ਪੂਰੀ ਤਰ੍ਹਾਂ ਲਾਗੂ ਕਰਦਿਆਂ ਤੁਸੀਂ ਇਸ ਸਦਕਾ ਹੋਣ ਵਾਲੇ ਨੁਕਸਾਨ ਦੇ ਜਿ਼ੰਮੇਵਾਰ ਹੋਵੋਂਗੇ ਜੋ ਮਿਲੀਅਨ ਡਾਲਰ ਵਿੱਚ ਹੋ ਸਕਦਾ ਹੈ।

ਵਰਨਣਯੋਗ  ਹੈ ਕਿ ਅਜੇ ਮੋਦੀ ਇੰਟਰਟੇਨਮੈਂਟ ਅਤੇ  PBDH2  ਕਾਰਪੋਰਟੇਸ਼ਨ ਨਾਵਾਂ ਦੀਆਂ ਦੋਵੇਂ ਕੰਪਨੀਆਂ, ਜਿਸ ਦਾ ਮਾਲਕ ਅਤੇ ਡਾਇਰੈਕਟਰ ਅਜੇ ਮੋਦੀ ਹੈ, “ਪਿਫਟਾ ਅਵਾਰਡਜ਼” ਉਨ੍ਹਾਂ ਦੀ “ਇੰਟਲੈਕਚੂਅਲ ਪ੍ਰਾਪਰਟੀ” ਦਾ ਤੌਰ ਤੇ ਮਾਲਕ ਹੈ। “ਇੰਟਲੈਕਚੂਅਲ ਪ੍ਰਾਪਰਟੀ” ਪ੍ਰਤੀ ਕੈਨੇਡਾ ਦਾ ਕਾਨੂੰਨ ਬੜਾ ਸਪੱਸ਼ਟ ਹੈ। ਇਸਦਾ ਮੂਲ ਭਾਵ “Common types of intellectual property (IP) rights include copyrights, trademarks, patents, industrial design rights and trade secrets in some jurisdictions.”   ਹੈ, ਜੋ ਕਾਪੀ ਰਾਈਟ ਅਤੇ ਕਿਸੇ ਪ੍ਰਾਜੈਕਟ ਨੂੰ ਵਿਉਂਤਣ ਨਾਲ ਜੁੜਿਆ ਹੋਇਆ ਹੈ।

ਅਜੇ ਮੋਦੀ ਇੰਟਰਟੇਨਮੈਂਟ ਅਤੇ PBDH2 ਕਾਰਪੋਰਟੇਸ਼ਨ ਜਾਰੀ ਪ੍ਰੈੱਸ ਰੀਲੀਜ਼ ਵਿੱਚ ਅਜੇ ਮੋਦੀ ਨੇ ਦੱਸਿਆ ਕਿ ਪਿਫਟਾ ਅਵਾਰਡਜ਼ ਦਾ ਸੰਕਲਪਾਤਮਕ ਉਹ ਹੈ ਅਤੇ ਉਹ ਇਸ ਨੂੰ 1 ਸਾਲ ਤੋਂ ਆਰਗੇਨਾਈਜ਼ ਕਰ ਰਿਹਾ ਸੀ। ਪ੍ਰੈੱਸ ਰੀਲੀਜ਼ ਵਿੱਚ ਅਜੇ ਮੋਦੀ ਨੇ ਦਾਹਵਾ ਕੀਤਾ ਹੈ ਕਿ ਉਹ ਪਿਫਟਾ ਕਰਵਾਉਣ ਲਈ ਪਿਛਲੇ 2-3 ਸਾਲ ਤੋਂ ਲੱਗਿਆ ਹੋਇਆ ਸੀ। ਜਨਵਰੀ 2011 ਵਿੱਚ ਇਹ ਪ੍ਰਾਜੈਕਟ ਤਿਆਰ ਹੋਇਆ, ਜਿਸ ਨੂੰ ਆਰਗੇਨਾਈਜ਼ ਕਰਨ ਵਾਸਤੇ ਪਰਵਾਸੀ ਮੀਡੀਆ ਗਰੁੱਪ ਦੇ ਮਾਲਕ ਰਜਿੰਦਰ ਸੈਣੀ ਨੂੰ ਬੁਲਾ ਕੇ ਉਸ ਨਾਲ ਵਿਚਾਰ ਵਟਾਂਦਰਾ ਕੀਤਾ ਗਿਆ । ਪਰਵਾਸੀ ਮੀਡੀਆ ਗਰੁੱਪ ਦੇ ਵਕੀਲ ਦੀ ਚਿੱਠੀ ਅਨੁਸਾਰ ਮੋਦੀ ਨੇ ਕਦੇ ਵੀ ਰਜਿੰਦਰ ਸੈਣੀ ਨਾਲ ਅਜਿਹਾ ਵਿਚਾਰ ਵਟਾਂਦਰਾ ਨਹੀਂ ਕੀਤਾ।  ਮੋਦੀ ਨੇ ਕਿਹਾ ਕਿ ਕੁੱਝ ਮਹੀਨੇ ਪਹਿਲਾਂ ਉਹਦੇ ਧਿਆਨ ਵਿੱਚ ਆਇਆ ਕਿ “ਪਿਫਟਾ ਅਵਾਰਡਜ਼” ਨੂੰ “ਪਾਈਫਾ ਅਵਾਰਡਜ” ਦੇ ਨਾਮ ਹੇਠ ਰਜਿੰਦਰ ਸੈਣੀ ਵਲੋਂ ਆਪਣੇ ਵਲੋਂ ਕਰਵਾਉਣ ਦਾ ਐਲਾਨ ਕੀਤਾ ਗਿਆ ਹੈ। 

ਨਾਵਾਂ ਵਿੱਚ ਮਾਮੂਲੀ ਫਰਕ ਹੈ। ਅਜੇ ਮੋਦੀ ਦਾ ਪਿਫਟਾ “ਪੰਜਾਬੀ ਇੰਟਰਨੈਸ਼ਨਲ ਫਿਲਮ ਐਂਡ ਟੈਲੀਵਿਯਨ ਅਕੈਡਮੀ ਅਵਾਰਡਜ਼” ਅਤੇ ਸੈਣੀ ਦਾ ਪਾਈਫਾ “ਪੰਜਾਬੀ ਇੰਟਰਨੈਸ਼ਨਲ ਫਿਲਮ ਅਕੈਡਮੀ ਅਵਾਰਡਜ਼”।

ਅਜੇ ਮੋਦੀ ਨੇ ਪ੍ਰੈੱਸ ਰੀਲੀਜ ਵਿੱਚ ਦੱਸਿਆ ਕਿ ਫਰਵਰੀ 2011 ਵਿੱਚ ਮੈਂ ਪੱਤਰਕਾਰਤਾ ਨਾਲ ਜੁੜੇ ਰਾਜਿੰਦਰ ਸੈਣੀ ਨੂੰ ਖੁਦ ਆਪਣੇ ਰੈਸਟੋਰੈਂਟ “ਕੈਫੇ ਦਿੱਲੀ 6”, ਜੋ ਬਰੈਂਪਟਨ ਦੇ ਸ਼ਾਪਰਜ਼ ਵਰਲਡ ਵਿੱਚ ਸਥਿਤ ਹੈ, ਵਿਖੇ ਬੁਲਾਇਆ ਸੀ। ਆਪਣੇ ਹੋਰ ਮੈਂਬਰਾਂ ਦੀ ਮੌਜੂਦਗੀ ਵਿੱਚ ਅਸੀਂ ਮੈਂ ਆਪਣਾ ਪ੍ਰਾਜੈਕਟ ਅਤੇ ਆਪਣੇ ਖਿਆਲ ਰਜਿੰਦਰ ਸੈਣੀ ਨਾਲ ਸਾਂਝੇ ਕੀਤੇ। ਇਸ ਮੌਕੇ ਸੈਣੀ ਨੂੰ ਮੀਡੀਆ ਪਾਰਟਨਰ ਅਤੇ ਜਿਊਰੀ ਦੇ ਮੈਂਬਰ ਹੋਣ ਦੀ ਪੇਸ਼ਕਸ਼ ਕੀਤੀ।

ਮੋਦੀ ਨੇ ਪ੍ਰੈੱਸ ਰੀਲੀਜ਼ ਵਿੱਚ ਦੱਸਿਆ ਕਿ ਅਕਤੂਬਰ 2011 ਵਿੱਚ ਖੁਸ਼ੀਆਂ ਫਿਲਮ ਦੀ ਪ੍ਰਮੋਸ਼ਨ ਮੌਕੇ ਇਸਦੇ ਮੁੱਖ ਸਿਤਾਰਾ ਜਸਬੀਰ ਜੱਸੀ ਅਤੇ ਸਮੁੱਚੇ ਮੀਡੀਏ ਦੀ ਮੌਜੂਦਗੀ ਤੰਦੂਰੀ ਫਲੇਮਜ਼ ਰੈਸਟੋਰੈਂਟ ਵਿੱਚ ਪਿਫਟਾ ਦੀ ਟਰੌਫੀ ਦਾ ਡੀਜਾਇਨ ਅਤੇ ਲਾਈਫ ਸਾਈਜ਼ ਪੋਸਟਰ ਰੀਲੀਜ਼ ਕੀਤਾ ਗਿਆ ਸੀ।

ਪਰਵਾਸੀ ਮੀਡੀਆ ਗਰੁੱਪ ਦੇ ਪ੍ਰਧਾਨ ਰਜਿੰਦਰ ਸੈਣੀ ਨਾਲ ਅੱਜ ਫੋਨ ਤੇ ਗੱਲ ਹੋਈ ਤਾਂ ਉਨ੍ਹਾਂ ਆਨ ਰੈਕਰਡ ਕੋਈ ਗੱਲ ਕਰਨ ਤੋਂ ਇਨਾਕਰ ਕਰਦਿਆਂ ਫੈਕਸ ਰਾਹੀਂ ਮੋਦੀ ਅਤੇ ਉਸਦੀ ਕੰਪਨੀ ਨੂੰ ਭੇਜਿਆ ਵਕੀਲ ਦਾ ਲੈਟਰ ਫੈਕਸ ਕਰ ਦਿੱਤਾ। ਆਕ੍ਰਮਣ ਲਹਿਜ਼ੇ ਵਾਲੀ ਸ਼ਬਦਾਵਲੀ ਵਾਲੇ ਵਕੀਲ ਵੱਲੋਂ ਭੇਜੇ ਪੱਤਰ ਵਿੱਚ ਕਾਨੂੰਨ ਦੀ ਕੋਈ ਧਾਰਾ ਦਾ ਵੇਰਵਾ ਮੌਜੂਦ ਨਹੀਂ ਹੈ ਜਿਸ ਤਹਿਤ ਅਜੇ ਮੋਦੀ ਵਲੋਂ ਚੁੱਕਿਆ ਕਦਮ ਗੈਰਕਾਨੂੰਨੀ ਠਹਿਰਾਇਆ ਜਾ ਸਕਦਾ ਹੋਵੇ। ਦੂਸਰੇ ਪਾਸੇ ਅਜੇ ਮੋਦੀ ਵਲੋਂ ਭੇਜਿਆ ਪੱਤਰ ਕਾਨੂੰਨੀ ਪੱਖ ਤੋਂ ਕਿੰਨੀ ਕੁ ਅਹਿਮੀਅਤ ਰੱਖਦਾ ਹੈ, ਇਸ ਬਾਰੇ ਕਾਨੂੰਨੀ ਮਾਹਰ ਲੋਕ ਹੀ ਦੱਸ ਸਕਦੇ ਹਨ।

ਅੱਜ ਦੀ ਤਾਰੀਖ ਵਿੱਚ ਅਜੇ ਮੋਦੀ ਦਾ ਪਿਫਟਾ “ਪੰਜਾਬੀ ਇੰਟਰਨੈਸ਼ਨਲ ਫਿਲਮ ਐਂਡ ਟੈਲੀਵਿਯਨ ਅਕੈਡਮੀ ਅਵਾਰਡਜ਼” ਅਪਰੈਲ 2012 ਵਿੱਚ ਅਤੇ ਅਤੇ ਸੈਣੀ ਦਾ ਪਾਈਫਾ “ਪੰਜਾਬੀ ਇੰਟਰਨੈਸ਼ਨਲ ਫਿਲਮ ਅਕੈਡਮੀ ਅਵਾਰਡਜ਼” ਅਗਸਤ 2012 ਵਿੱਚ ਹੋਣ ਦੇ ਐਲਾਨ ਸਾਹਮਣੇ ਆਏ ਹਨ। ਕਦੋਂ ਕੌਣ ਕੀ ਕਰਵਾ ਪਾਉਂਦਾ ਹੈ ਇਸ ਦਾ ਅੰਦਾਜ਼ਾ ਅਜੇ ਮੋਦੀ ਵਲੋਂ ਕਰਵਾਈ ਜਾਣ ਵਾਲੀ ਪ੍ਰੈੱਸ ਕਾਨਫਰੰਸ ਜਾਂ ਦੋਹਾਂ ਗਰੁੱਪਾਂ ਦੀ ਅਗਲੀ ਕਾਰਵਾਈ ਤੋਂ ਲੱਗੇਗਾ।

ਲਖਨਊ, ਸਨਅਤਕਾਰ ਪੌਂਟੀ ਚੱਢਾ ਨੇ ਉੱਤਰ ਪ੍ਰਦੇਸ਼ ਸਰਕਾਰ ਨਾਲ ਮਿਲੀਭੁਗਤ ਕਰਕੇ ਖੰਡ ਮਿੱਲਾਂ ਦੀ ਵਿਕਰੀ 'ਚ ਸਰਕਾਰੀ ਖਜ਼ਾਨੇ ਨੂੰ ਭਾਰੀ ਚੂਨਾ ਲਾਇਆ। ਇਹ ਪ੍ਰਗਟਾਵਾ ਕੰਪਟਰੋਲਰ ਐਂਡ ਆਡੀਟਰ ਜਨਰਲ (ਕੈਗ) ਨੇ ਆਪਣੀ ਰਿਪੋਰਟ ਵਿਚ ਕੀਤਾ ਹੈ। ਰਿਪੋਰਟ ਵਿਚ ਕੈਗ ਨੇ ਕਿਹਾ ਹੈ ਕਿ 21 ਸਰਕਾਰੀ ਖੰਡ ਮਿੱਲਾਂ ਦੀ ਵਿਕਰੀ ਵਿਚ ਸਰਕਾਰੀ ਖਜ਼ਾਨੇ ਨੂੰ ਹਜ਼ਾਰਾਂ ਕਰੋੜ ਰੁਪਏ ਦਾ ਚੂਨਾ ਲਾਇਆ ਗਿਆ। ਰਿਪੋਰਟ ਅਨੁਸਾਰ 21 ਮਿੱਲਾਂ ਵਿਚੋਂ 5 ਮਿੱਲਾਂ ਪੌਂਟੀ ਚੱਢਾ ਦੇ ਗਰੁੱਪ ਵੇਵ ਇੰਡਸਟਰੀਜ਼ ਤੇ ਪੀ। ਬੀ। ਐਸ। ਫੂਡਜ਼ ਪ੍ਰਾਈਵੇਟ ਲਿਮਟਿਡ ਜਦ ਕਿ 6 ਖੰਡ ਮਿੱਲਾਂ ਇੰਡੀਅਨ ਪੋਟਾਸ਼ ਲਿਮਟਿਡ ਨੂੰ ਵੇਚ ਦਿੱਤੀਆਂ ਗਈਆਂ। ਇਨ੍ਹਾਂ ਤੋਂ ਇਲਾਵਾ 11 ਬੰਦ ਖੰਡ ਮਿਲਾਂ ਸੱਤਾਧਾਰੀ ਬਹੁਜਨ ਸਮਾਜ ਪਾਰਟੀ ਦੇ ਇਕ ਨਜ਼ਦੀਕੀ ਕਾਰੋਬਾਰੀ ਗਰੁੱਪ ਨੂੰ ਦੇ ਦਿੱਤੀਆਂ ਗਈਆਂ। ਕੈਗ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਕੁਲ ਵਿੱਤੀ ਬੇਨਿਯਮੀਆਂ 25000 ਕਰੋੜ ਦੇ ਆਸ ਪਾਸ ਹਨ। ਸਰਕਾਰੀ ਖਜ਼ਾਨੇ ਨੂੰ ਇਹ ਚੂਨਾ ਮਿੱਲਾਂ ਦੀ ਅਨੁਮਾਨਤ ਕੀਮਤ ਘਟਾਕੇ ਤੇ ਮਿੱਲਾਂ ਨੂੰ ਨਿਰਧਾਰਤ ਦਰਾਂ ਤੋਂ ਕਿਤੇ ਘੱਟ ਕੀਮਤ ਉਪਰ ਵੇਚਕੇ ਲਾਇਆ ਗਿਆ ਹੈ। ਜਿਹੜੀਆਂ ਮਿੱਲਾਂ ਵੇਚੀਆਂ ਗਈਆਂ ਹਨ ਉਹ ਯੂ। ਪੀ। ਸਟੇਟ ਸ਼ੂਗਰ ਕਾਰਪੋਰੇਸ਼ਨ ਲਿਮਟਿਡ ਦੀਆਂ ਸਨ। ਦਿਲਚਸਪ ਗੱਲ ਇਹ ਰਹੀ ਕਿ ਸ਼ੁਰੂ ਵਿਚ ਬਿਰਲਾ ਸ਼ੂਗਰ, ਡਾਲਮੀਆ ਗਰੁੱਪ, ਸਿੰਬੋਲੀ ਸ਼ੂਗਰ, ਧਾਮਪੁਰ ਸ਼ੂਗਰ ਤੇ ਮੋਦੀ ਸ਼ੂਗਰ ਵਰਗੇ ਵੱਡੇ ਨਿੱਜੀ ਉਦਯੋਗ ਮਿੱਲਾਂ ਦੀ ਖਰੀਦ ਲਈ ਸਾਹਮਣੇ ਆਏ ਤੇ ਇਸ ਵਾਸਤੇ ਉਨ੍ਹਾਂ ਨੇ ਟੈਂਡਰ ਭਰੇ ਪਰ ਬਾਅਦ ਵਿਚ ਉਨ੍ਹਾਂ ਨੇ ਆਪਣੇ ਟੈਂਡਰ ਵਾਪਸ ਲੈ ਲਏ ਸਨ।

ਚਰਨਜੀਤ ਭੁੱਲਰ

ਬਠਿੰਡਾ, 2 ਫਰਵਰੀ 
ਵਿਧਾਨ ਸਭਾ ਚੋਣਾਂ ਦੌਰਾਨ ਚੋਣ ਕਮਿਸ਼ਨ ਦਾ ਡੰਡਾ ਸਿਆਸੀ ਆਗੂਆਂ ਦੇ ਵੀ ਰਾਸ ਆਇਆ ਲੱਗਦਾ ਹੈ। ਚੋਣ ਕਮਿਸ਼ਨ ਦੇ ਰਿਕਾਡਰ ਮੁਤਾਬਕ ਉਨ੍ਹਾਂ ਨੂੰ ਐਤਕੀਂ ਚੋਣਾਂ ’ਚ ਬਾਹਲਾ ਖਰਚ ਨਹੀਂ ਕਰਨਾ ਪਿਆ। ਬਾਦਲ ਤੇ ਕੈਪਟਨ ਪਰਿਵਾਰ ਨੂੰ ਇਸ ਵਾਰ ਚੋਣਾਂ ਦੌਰਾਨ ਪੰਜ ਲੱਖ ਤੋਂ ਵੀ ਘੱਟ ਖਰਚ ਕਰਨਾ ਪਿਆ ਹੈ। ਉਂਜ ਇਹ ਵੱਖਰੀ ਗੱਲ ਹਾ ਕਿ ਚੋਣਾਂ ’ਤੇ ਖਰਚਾ ਕਈ ਗੁਣਾ ਹੋਇਆ ਹੈ ਪਰ ਕਾਗ਼ਜ਼ਾਂ ’ਚ ਇਹ ਕਾਫੀ ਘੱਟ ਦਿਖਾਇਆ ਗਿਆ ਹੈ।
ਚੋਣ ਕਮਿਸ਼ਨ ਵੱਲੋਂ ਵਿਧਾਨ ਸਭਾ ਚੋਣ ਲਈ ਖਰਚ ਦੀ ਹੱਦ ਐਤਕੀਂ 16 ਲੱਖ ਰੁਪਏ ਮਿਥੀ ਗਈ ਹੈ ਜਦੋਂਕਿ ਪਹਿਲਾਂ ਚੋਣ ਖਰਚ ਦੀ ਹੱਦ 10 ਲੱਖ ਰੁਪਏ ਤੱਕ ਸੀ। ਚੋਣ ਕਮਿਸ਼ਨ ਵੱਲੋਂ  ਹਰ ਉਮੀਦਵਾਰ ਦੇ ਖਰਚੇ ’ਤੇ ਨਿਗ੍ਹਾ ਰੱਖਣ ਲਈ ਵੀਡੀਓਗ੍ਰਾਫੀ ਕਰਾਈ ਗਈ ਹੈ। ਚੋਣ ਖਰਚ ਦਾ ਹਿਸਾਬ-ਕਿਤਾਬ ਰੱਖਣ ਲਈ ‘ਸ਼ੈਡੋ ਰਜਿਸਟਰ’ ਵੀ ਲਾਏ ਗਏ। ਚੋਣ ਪ੍ਰਚਾਰ ਦੌਰਾਨ ਹਰ ਉਮੀਦਵਾਰ ਦੇ ਚੋਣ ਖਰਚ ਦੀ ਦੋ ਵਾਰ ਪੜਤਾਲ ਵੀ ਕੀਤੀ ਗਈ। ਰਿਟਰਨਿੰਗ ਅਫਸਰਾਂ ਤੋਂ ਪ੍ਰਾਪਤ ਵੇਰਵਿਆਂ ਮੁਤਾਬਕ ਹਲਕਾ ਲੰਬੀ ਤੋਂ ਚੋਣ ਲੜ ਰਹੇ ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਤੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦਾ ਚੋਣ ਖਰਚ 1,89,219 ਰੁਪਏ ਹੋਇਆ ਹੈ। ਇਸ ਚੋਣ ਖਰਚ ਵਿੱਚ ਆਖਰੀ ਚਾਰ ਦਿਨਾਂ ਦਾ ਚੋਣ ਖਰਚ ਸ਼ਾਮਲ ਕੀਤਾ ਜਾਣਾ ਬਾਕੀ ਹੈ। ਕੁੱਲ ਮਿਲਾ ਕੇ ਇਹ ਚੋਣ ਖਰਚ ਪੰਜ ਲੱਖ ਦਾ ਅੰਕੜਾ ਪਾਰ ਨਹੀਂ ਕਰੇਗਾ।
ਮੁੱਖ ਮੰਤਰੀ ਵੱਲੋਂ 10 ਜਨਵਰੀ ਨੂੰ ਨਾਮਜ਼ਾਦਗੀ ਪੱਤਰ ਦਾਖਲ ਕੀਤੇ ਗਏ ਸਨ। ਉਨ੍ਹਾਂ ਵੱਲੋਂ 16 ਦਿਨਾਂ ਵਿੱਚ ਸਿਰਫ 1.89 ਲੱਖ ਰੁਪਏ ਹੀ ਚੋਣ ਖਰਚ ਕੀਤਾ ਗਿਆ। ਪੀਪਲਜ਼ ਪਾਰਟੀ ਆਫ ਪੰਜਾਬ ਦੇ ਉਮੀਦਵਾਰ ਗੁਰਦਾਸ ਸਿੰਘ ਬਾਦਲ ਦਾ ਚੋਣ ਖਰਚ ਆਪਣੇ ਭਰਾ ਨਾਲੋਂ ਜ਼ਿਆਦਾ ਹੋਇਆ ਹੈ। ਗੁਰਦਾਸ ਬਾਦਲ ਦਾ 16 ਦਿਨਾਂ ਦਾ ਚੋਣ ਖਰਚ 2,40,295 ਰੁਪਏ ਹੋਇਆ ਹੈ। ਇਸੇ ਤਰ੍ਹਾਂ ਕਾਂਗਰਸ ਦੇ ਉਮੀਦਵਾਰ ਮਹੇਸ਼ਇੰਦਰ ਸਿੰਘ ਬਾਦਲ 1,87,000 ਰੁਪਏ ਚੋਣ ਖਰਚ ਦਿਖਾਇਆ ਹੈ। ਇਨ੍ਹਾਂ ਉਮੀਦਵਾਰਾਂ ਦਾ ਚਾਰ ਦਿਨ ਦਾ ਚੋਣ ਖਰਚ ਸ਼ਾਮਲ ਕੀਤਾ ਜਾਣਾ ਬਾਕੀ ਹੈ। ਤਿੰਨੇ ਬਾਦਲ ਭਰਾਵਾਂ ਨੇ ਚੋਣਾਂ ’ਤੇ 6.16 ਲੱਖ ਰੁਪਏ ਖਰਚ ਕੀਤੇ ਹਨ ਜਦੋਂਕਿ ਉਹ 48 ਲੱਖ ਰੁਪਏ ਤੱਕ ਦਾ ਖਰਚ ਕਰ ਸਕਦੇ ਸਨ। ਸਾਬਕਾ ਮੁੱਖ ਮੰਤਰੀ ਤੇ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਕੈਪਟਨ ਅਮਰਿੰਦਰ ਸਿੰਘ ਨੇ ਹਲਕਾ ਪਟਿਆਲਾ ਸ਼ਹਿਰੀ ਤੋਂ ਚੋਣ ਲੜੀ ਹੈ। ਹਾਸਲ ਜਾਣਕਾਰੀ ਅਨੁਸਾਰ ਕੈਪਟਨ ਨੇ ਸਿਰਫ 4.85 ਲੱਖ ਰੁਪਏ ਹੀ ਚੋਣ ਖਰਚ ਕੀਤਾ ਹੈ। ਉਨ੍ਹਾਂ ਦਾ ਇਹ ਕੁੱਲ ਚੋਣ ਖਰਚ ਹੈ ਜਿਸ ਵਿੱਚ 30 ਜਨਵਰੀ ਤੱਕ ਦਾ ਖਰਚਾ ਸ਼ਾਮਲ ਹੈ। ਉਨ੍ਹਾਂ ਦੇ ਮੁਕਾਬਲੇ ਚੋਣ ਲੜਨ ਵਾਲੇ ਸ਼੍ਰੋੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਸੁਰਜੀਤ ਸਿੰਘ ਕੋਹਲੀ ਨੇ 3.50 ਲੱਖ ਰੁਪਏ ਦਾ ਚੋਣ ਖਰਚ ਕੀਤਾ ਹੈ।
ਹਲਕਾ ਲਹਿਰਾਗਾਗਾ ਤੋਂ ਕਾਂਗਰਸੀ ਉਮੀਦਵਾਰ ਤੇ ਵਿਰੋਧੀ ਧਿਰ ਦੀ ਨੇਤਾ ਬੀਬੀ ਰਜਿੰਦਰ ਕੌਰ ਭੱਠਲ ਨੇ ਚੋਣਾਂ ’ਤੇ 4.90 ਲੱਖ ਰੁਪਏ ਖਰਚ ਕੀਤੇ ਹਨ ਤੇ ਉਨ੍ਹਾਂ ਦੇ ਵਿਰੋਧੀ ਅਕਾਲੀ ਦਲ ਦੇ ਉਮੀਦਵਾਰ ਸ੍ਰੀ ਸਰਾਓ ਦਾ ਚੋਣ ਖਰਚ 5.50 ਲੱਖ ਰੁਪਏ ਆਇਆ ਹੈ। ਪੀਪਲਜ਼ ਪਾਰਟੀ ਆਫ ਪੰਜਾਬ ਦੇ ਉਮੀਦਵਾਰ ਭਗਵੰਤ ਮਾਨ ਦਾ ਚੋਣ ਖਰਚ 5.50 ਲੱਖ ਰੁਪਏ ਤੋਂ ਉਪਰ ਹੈ। ਚੋਣ ਕਮਿਸ਼ਨ ਦੀ ਸਖਤੀ ਤੋਂ ਡਰੇ ਉਮੀਦਵਾਰਾਂ ਨੇ ਐਤਕੀਂ ਖਰਚ ਦਿਖਾਉਣ ਵਿੱਚ ਵੀ ਕੰਜੂਸੀ ਵਰਤੀ ਹੈ। ਜਦੋਂ ਵਿਧਾਨ ਸਭਾ ਚੋਣ ਵਿੱਚ ਚੋਣ ਖਰਚ ਦੀ ਹੱਦ 10 ਲੱਖ ਰੁਪਏ ਸੀ ਤਾਂ ਉਦੋਂ ਚੋਣ ਖਰਚ 7 ਜਾਂ 8 ਲੱਖ ਰੁਪਏ ਤੱਕ ਦਿਖਾ ਦਿੰਦੇ ਸਨ। ਪੀਪਲਜ਼ ਪਾਰਟੀ ਆਫ ਪੰਜਾਬ ਦੇ ਪ੍ਰਧਾਨ ਤੇ ਹਲਕਾ ਮੌੜ ਤੋਂ ਉਮੀਦਵਾਰ ਮਨਪ੍ਰੀਤ ਸਿੰਘ ਬਾਦਲ ਵੱਲੋਂ 27 ਜਨਵਰੀ ਤੱਕ ਦਾ ਚੋਣ ਖਰਚ 3,01,963 ਰੁਪਏ ਦਿਖਾਇਆ ਗਿਆ ਹੈ। ਕੋਈ ਵੀ ਸਿਆਸੀ ਆਗੂ ਪੰਜ ਲੱਖ ਦਾ ਅੰਕੜਾ ਪਾਰ ਨਹੀਂ ਕਰ ਸਕਿਆ।
ਜ਼ਿਲ੍ਹਾ ਬਠਿੰਡਾ ਦੀ ਗੱਲ ਕਰੀਏ ਤਾਂ ਹਲਕਾ ਮੌੜ ਤੋਂ ਅਕਾਲੀ ਉਮੀਦਵਾਰ ਜਨਮੇਜਾ ਸਿੰਘ ਸੇਖੋਂ ਨੇ 27 ਜਨਵਰੀ ਤੱਕ ਦਾ ਚੋੋਣ ਖਰਚ 3.36 ਲੱਖ ਰੁਪਏ ਦਿਖਾਇਆ ਹੈ ਜਦੋਂਕਿ ਕਾਂਗਰਸੀ ਉਮੀਦਵਾਰ ਮੰਗਤ ਰਾਏ ਬਾਂਸਲ ਨੇ 5.21 ਲੱਖ ਰੁਪਏ ਚੋਣ ਖਰਚ ਦਿਖਾਇਆ ਹੈ। ਇਸੇ ਤਰ੍ਹਾਂ ਹਲਕਾ ਬਠਿੰਡਾ ਸ਼ਹਿਰੀ ਤੋਂ ਅਕਾਲੀ ਉਮੀਦਵਾਰ ਸਰੂਪ ਚੰਦ ਸਿੰਗਲਾ ਨੇ ਆਪਣਾ ਚੋਣ ਖਰਚ 4,70,000 ਰੁਪਏ ਦਿਖਾਇਆ ਹੈ ਜਦੋਂਕਿ ਕਾਂਗਰਸੀ ਉਮੀਦਵਾਰ ਹਰਮਿੰਦਰ ਸਿੰਘ ਜੱਸੀ ਨੇ 3,34,000 ਰੁਪਏ ਤੇ ਪੀਪਲਜ਼ ਪਾਰਟੀ ਦੇ ਉਮੀਦਵਾਰ ਸੁਖਦੀਪ ਸਿੰਘ ਭਿੰਡਰ ਨੇ 4.18 ਲੱਖ ਰੁਪਏ ਚੋਣ ਖਰਚ 27 ਜਨਵਰੀ ਤੱਕ ਦਾ ਦਿਖਾਇਆ ਹੈ।
ਹਲਕਾ ਤਲਵੰਡੀ ਸਾਬੋ ਤੋਂ ਕਾਂਗਰਸੀ ਉਮੀਦਵਾਰ ਜੀਤਮਹਿੰਦਰ ਸਿੰਘ ਸਿੰਧੂ ਨੇ 26 ਜਨਵਰੀ ਤੱਕ ਦਾ ਚੋਣ ਖਰਚ 2.70 ਲੱਖ ਰੁਪਏ, ਅਕਾਲੀ ਉਮੀਦਵਾਰ ਅਮਰਜੀਤ ਸਿੰਘ ਸਿੱਧੂ ਨੇ 3 ਲੱਖ ਰੁਪਏ ਤੇ ਪੀਪਲਜ਼ ਪਾਰਟੀ ਦੇ ਉਮੀਦਵਾਰ ਸੁਖਦੇਵ ਸਿੰਘ ਚਹਿਲ ਨੇ 2.74 ਲੱਖ ਰੁਪਏ ਚੋਣ ਖਰਚ ਦਿਖਾਇਆ ਹੈ। ਇਸੇ ਤਰ੍ਹਾਂ ਹਲਕਾ ਬਠਿੰਡਾ ਦਿਹਾਤੀ ਤੋਂ ਕਾਂਗਰਸੀ ਉਮੀਦਵਾਰ ਮੱਖਣ ਸਿੰਘ ਦਾ ਚੋਣ ਖਰਚ 2.90 ਲੱਖ ਰੁਪਏ, ਅਕਾਲੀ ਉਮੀਦਵਾਰ ਦਰਸ਼ਨ ਸਿੰਘ ਕੋਟਫੱਤਾ ਦਾ ਚੋਣ ਖਰਚ 2.11 ਲੱਖ ਰੁਪਏ ਤੇ ਸਾਂਝੇ ਮੋਰਚੇ ਦੇ ਉਮੀਦਵਾਰ ਸੁਰਜੀਤ ਸਿੰਘ ਸੋਹੀ ਦਾ ਚੋਣ ਖਰਚ 2.75 ਲੱਖ ਰੁਪਏ ਦਿਖਾਇਆ ਗਿਆ ਹੈ। ਹਲਕਾ ਭੁੱਚੋ ਤੋਂ ਅਕਾਲੀ ਉਮੀਦਵਾਰ ਪ੍ਰੀਤਮ ਸਿੰਘ ਕੋਟਭਾਈ ਨੇ 4.83 ਲੱਖ ਰੁਪਏ, ਕਾਂਗਰਸੀ ਉਮੀਦਵਾਰ ਨੇ 3.72 ਲੱਖ ਰੁਪਏ ਤੇ ਪੀਪਲਜ਼ ਪਾਰਟੀ ਦੇ ਉਮੀਦਵਾਰ ਹਰਵਿੰਦਰ ਸਿੰਘ ਲਾਡੀ ਨੇ 2.98 ਲੱਖ ਰੁਪਏ ਆਪਣਾ ਚੋਣ ਖਰਚ ਦਿਖਾਇਆ ਹੈ। ਇਸ ਤਰ੍ਹਾਂ ਕਿਸੇ ਵੀ ਉਮੀਦਵਾਰ ਵਲੋਂ ਪੰਜ ਲੱਖ ਤੋਂ ਜਿਆਦਾ ਦਾ ਚੋਣ ਖਰਚ ਨਹੀਂ ਦਿਖਾਇਆ ਗਿਆ ਹੈ।

  ਵਾਸਿੰਗਟਨ (  ਜਸਵਿੰਦਰ ਭੁੱਲਰ ) ਅਮਰੀਕਾ  ਵਿੱਚ ਆਕੂਪਾਈ  ਵਾਲ ਸਟਰੀਟ ਅੰਦੋਲਨ ਛੇੜਨ  ਵਾਲੇ ਚਰਚਿਤ ਭਾਰਤੀ – ਅਮਰੀਕੀ ਅਟਾਰਨੀ  ਪ੍ਰੀਤ ਬਰਾੜ  ਨੇ ‘ ਟਾਈਮ’ ਮੈਗਜ਼ੀਨ  ਦੇ ਕਵਰ ਤੇ   ਆਪਣੀ  ਥਾਂ ਬਣਾਈ ਹੈ। ਟਾਈਮ  ਨੇ ਵੀਰਵਾਰ ਨੂੰ ਜਾਰੀ ਕੀਤੇ  ਆਪਣੇ ਰਸਾਲੇ ਦੇ  ਅੰਕ ਵਿੱਚ ਲਿਖਿਆ ਹੈ , “  ਵਾਲ ਸਟਰੀਟ  ਨੂੰ ਹਿਲਾ ਕੇ ਰੱਖ ਰਿਹਾ ਹੈ ਇਹ  ਵਿਅਕਤੀ।”

 ਫਿਰੋਜਪੁਰ  ਵਿੱਚ ਜਨਮਿਆ ਅਟਾਰਨੀ ਬਰਾੜ   ਨਿਊਯਾਰਕ ਵਿੱਚ ਰਹਿ ਰਿਹਾ ਹੈ । ਉਸਨੇ ਭ੍ਰਿਸਟਾਚਾਰ ਦੇ ਕਈ ਮਾਮਲਿਆਂ ਨੂੰ ਲੈ ਕੇ ਅੰਦੋਲਨ  ਛੇੜ ਰੱਖਿਆ ਹੈ।  ਸਿੱਖ ਪਿਤਾ ਅਤੇ ਹਿੰਦੂ ਮਾਂ  ਦੇ ਘਰ ਜਨਮੇ 43  ਸਾਲਾ ਬਰਾੜ ਦਾ ਬਚਪਨ   ਨਿਊਜਰੀ ਵਿੱਚ ਬੀਤੀਆਂ ਅਤੇ ਉਸਨੇ 1990 ਵਿੱਚ   ਹਾਵਰਡ ਕਾਲਜ ਵਿੱਚੋਂ ਗਰੈਜੂਏਟ ਦੀ ਡਿਗਰੀ ਹਾਸਲ ਕੀਤੀ ਸੀ ।

 ਹੰਬੜਾ ਨੇੜੇ ਫਾਰਮ ਹਾਊਸ ਵਿਖੇ ਕਤਲ ਹੋਏ ਡੀਐਸਪੀ  ਬਲਰਾਜ ਗਿੱਲ ਅਤੇ   ਉਸਦੀ ਦੋਸਤ  ਮੋਨਿਕਾ ਕਪਿਲਾ   ਸਬੰਧੀ  ਹਾਲੇ ਤੱਕ  ਹਨੇਰੇ ਵਿੱਚ ਤੀਰ ਚਲਾ   ਰਹੀ ਹੈ  ਅਤੇ  ਉਹਨਾਂ ਦੇ ਹੱਥ ਕੋਈ ਪੁਖਤਾ  ਸਬੂਤ ਨਹੀਂ ਲੱਗਿਆ ਜਿਸ ਨਾਲ ਕਾਤਲਾਂ ਦਾ ਖੁਰਾ ਖੋਜ ਮਿਲ ਸਕੇ ।   ਬੇਸ਼ੱਕ ਡੀਐਸਪੀ ਗਿੱਲ ਦਾ ਪਰਿਵਾਰ  ਆਪਣੇ  ਉਸਦੇ ਕਿਸੇ ਹੋਰ ਔਰਤ ਨਾਲ ਸਬੰਧ ਹੋਣ  ਤੋਂ   ਇਨਕਾਰ ਕਰ ਰਿਹਾ ਹੈ ਪਰ   ਸੂਤਰ ਦੱਸਦੇ ਹਨ ਕਿ  ਉਕਤ ਡੀਐਸਪੀ ਕੋਲ  ਮੋਨਿਕਾ  ਨਾਲ  ‘ਵਿਸੇ਼ਸ਼ ਗੱਲਬਾਤ’ ਲਈ ਵੱਖਰਾ ਫੋਨ ਰੱਖਿਆ ਹੋਇਆ ਸੀ । 

 ਕਿਹਾ ਤਾਂ ਇਹ ਜਾ  ਰਿਹਾ ਹੈ  ਕਿ  ਡੀਐਸਪੀ ਗਿੱਲ ਨਾਲ ਮੋਨਿਕਾ  ਦਾ ਰਾਬਤਾ ਇੱਕ  ਰੌਂਗ ਨੰਬਰ ਲੱਗਣ ਕਾਰਨ ਹੋਇਆ ਸੀ  ਪਰ  ਪੁਲੀਸ ਦੇ ਸੂਤਰਾਂ ਮੁਤਾਬਿਕ   ਮੋਨਾ ਤੇ ਗਿੱਲ ਦਾ ਮੇਲ ਸੈਰ ਕਰਦੇ ਸਮੇਂ ਹੋਇਆ ਸੀ ।  ਇਹ ਉਹਨਾਂ ਦੀ  3-4 ਮਿਲਣੀ ਸੀ । 

  ਡੀਐਸਪੀ ਦੇ ਕਿਰਦਾਰ ਬਾਰੇ  ਭਾਵੇਂ ਸੀਨੀਅਰ ਪੁਲੀਸ ਅਧਿਕਾਰੀ ਵੀ ਸਿਫ਼ਤਾਂ ਕਰਦੇ ਨਹੀਂ ਥੱਕਦੇ ਪਰ   ਘਰੋਂ  ਕਿਸੇ  ਮੰਗਵੀ  ਕਾਰ  ਦਾ ਡਰਾਈਵਰ ਨੂੰ ਛੱਡ ਕੇ  ਖੁਦ ਗੱਡੀ   ਲੈ ਕੇ  ਜਾਣਾ  ‘  ਪ੍ਰਾਈਵੇਸੀ ’  ਰੱਖਣ ਦਾ ਇਸ਼ਾਰਾ ਕਰਦਾ ਹੈ।  ਦੂਜੀ  ਗੱਲ ਇਹ ਵੀ ਹੈ ਕਿ  ਕਿਸੇ ਦੋਸਤ ਦੇ ਫਾਂਰਮ ਹਾਊਸ ਦੀ  ਚਾਬੀ  ਇੱਕ  ਡਿਪਟੀ   ਪੱਧਰ ਅਧਿਕਾਰੀ  ਕੋਲ ਹੋਣੀ ਵੀ   ਦਾਲ ਵਿੱਚ ਕਾਲਾ ਹੋਣ ਦੀ ਗੱਲ ਕਰਦੀ ਹੈ ਕਿਉਂਕਿ 24  ਘੰਟੇ  ਡਿਊਟੀ ਦੇਣ  ਅਧਿਕਾਰੀਆਂ ਕੋਲ ਤਾਂ ਆਪਣੇ ਘਰਾਂ ਦੀ ਚਾਬੀਆਂ  ਸੰਭਾਲਣ ਦੀ ਵਿਹਲ ਨਹੀਂ ਹੁੰਦੀ । ਪਤਾ ਤਾਂ ਇਹ ਵੀ ਲੱਗਿਆ ਕਿ  ਮੋਨਾ ਨੂੰ ਗਿੱਲ ਨੇ  ਪੁਲੀਸ ਅਧਿਕਾਰੀ ਵਜੋਂ ਨਹੀਂ ਬਲਕਿ ਜਲੰਧਰ ਦੇ ਵਪਾਰੀ ਵਰਮਾ ਵਜੋਂ ਆਪਣੀ ਪਛਾਣ ਦੱਸੀ ਹੋਈ ਸੀ। 

 ਵਾਰਦਾਤ ਤੋਂ ਬਾਅਦ ਡੀਐਸਪੀ ਦੇ ਦੋਸਤ  ਦੀ   ਸੈਵਰਲੇ  ਅਤੇ ਮੋਨਿਕਾ ਦੀ  ਇਨੋਵਾ ਕਾਰ  ਦਾ ਕੁਝ   ਸੁਰਾਗ ਨਹੀਂ ਮਿਲਿਆ  ।  ਪਹਿਲਾਂ ਖਬਰਾਂ ਵਿੱਚ   ਡੀਐਸਪੀ ਦਾ ਸਰਵਿਸ ਰਿਵਾਲਵਰ  ਕਾਤਲਾਂ ਵੱਲੋਂ ਲਿਜਾਏ ਜਾਣ ਦੀ ਗੱਲ ਆਖੀ ਗਈ ਸੀ ਪਰ ਇਹ ਰਿਵਾਲਵਰ ਉਸਦੀ  ਰਿਹਾਇਸ਼ ਤੋਂ ਮਿਲ ਗਿਆ ।

 ਮੋਨਿਕ ਦੀ ਮੌਤ   ਤੋਂ ਬਾਅਦ  ਉਸਦੇ ਰਿਸ਼ਤੇਦਾਰ   ਦੀ  ਲਾਸ਼ ਲੈਣ ਨਹੀਂ ਆਏ  ਇਸ ਤੋਂ ਦੋ   ਗੱਲਾਂ ਦਾ ਸਾਫ  ਨਜ਼ਰ ਆਉਂਦੀ ਹਨ ਕਿ ਪਹਿਲਾ  ਕਾਰਨ ਦਾ ਇਹ ਕਿ  ਨਮੋਸ਼ੀ ਦੇ ਬਾਰੇ ਮੋਨਾ ਦਾ ਪਰਿਵਾਰ ਸਾਹਮਣੇ ਨਹੀਂ ਆ ਰਿਹਾ ਕਿਉਂਕਿ ਮੀਡੀਆ ਦੇ ਸਵਾਲਾਂ ਕਾਰਨ  ਇੱਕ ਇੱਜ਼ਤਦਾਰ  ਪਰਿਵਾਰ ਦੀ  ਹੋਰ ਨਮੋਸ਼ੀ ਹੋਣੀ ਸੀ । ਦੂਜਾ ਕਾਰਨ ਇਹ ਵੀ ਸਮਝਿਆ ਜਾ ਰਿਹਾ ਹੈ ਕਿ ਇਸ ਪੁਲੀਸ ਅਧਿਕਾਰੀ ਨਾਲ  ਮੋਨਿਕਾ ਦੇ ਸਬੰਧਾਂ  ਦਾ  ਪਰਿਵਾਰ ਨੂੰ ਪਤਾ ਹੋਵੇ ਤਾ ਉਸਦਾ ਠੱਕਲਾ ਵੱਢੇ ਜਾਣ ਕਾਰਨ  ਜਰੂਰੀ ਨਾ ਸਮਝਿਆ ਹੋਵੇ । ਕਿਉਂਕਿ  ਮ੍ਰਿਤਕ ਮਹਿਲਾ ਦਾ ਪਤੀ ਉਸਦੀ ਲਾਸ਼ ਲੈਣ ਨਹੀਂ ਆਇਆ ਜਦਕਿ  ਉਸਦਾ ਜੇਠ ਅਤੇ ਭਰਾ  ਨੇ  ਸਿਵਲ ਹਸਪਤਾਲ  ਲਾਸ਼ ਲਈ ।

 ਕਿਉਂਕਿ ਮ੍ਰਿਤਕ ਮੋਨਾ ਦੇ  ਸਹੁਰੇ ਅਤੇ ਪੇਕੇ ਪਰਿਵਾਰ ਦੀ  ਕੋਈ ਪ੍ਰਤੀਕਿਰਿਆ ਮੀਡੀਆ ਸਾਹਮਣੇ ਨਹੀਂ ਆਈ ।  ਪੁਲੀਸ ਇਸ ਪਰਿਵਾਰ ਦਾ ਕਤਲਾਂ ਵਿੱਚ ਹੱਥ ਦਾ ਸ਼ੱਕ ਵੀ  ਕਰ ਰਹੀ ਹੈ। 

 ਮੀਡੀਆ ਵਿੱਚ ਇਸ ਗੱਲ ਦੀ ਚਰਚਾ ਵੀ ਹੈ ਕਿ  ਆਖਿਰ  ਡੀਐਸਪੀ ਅਤੇ ਮੋਨਾ ਦਾ ਡੀਐਨਏ ਟੈਸਟ ਕਿਉਂ  ਕਰਵਾਇਆ ਗਿਆ ।

 ਪੁਲੀਸ ਹੁਣ  ਇਸ ਕਤਲਕਾਂਡ ਨੂੰ   ਭਾੜੇ ਦਾ ਕਾਤਲਾਂ ਵੱਲੋਂ ਕਰਵਾਇਆ ਹੋ ਸਕਦਾ ਹੈ ।    

ਕਿਹਾ ਜਾਂਦਾ ਹੈ ਕਿ ਅਜਿਹੇ ਕਾਤਲਾਂ ਨਾਲ ਜੇਕਰ  ਸੁਪਾਰੀ ਦੇਣ ਵਾਲਾ ਇੱਕ ਮਹੀਨੇ ਤੱਕ ਸੰਪਰਕ ਨਾ ਕਰੇ ਤਾਂ  ਮੋਬਾਈਲ ਦੀ ਲੋਕੇਸ਼ਨ ਡਿਲੀਟ ਹੋ ਜਾਂਦੀ ਹੈ। ਪਰ  ਅਜਿਹੀਆਂ ਘਟਨਾਵਾਂ  ਨੂੰ ਅੰਜ਼ਾਮ ਦੇਣ ਲਈ  ਸੌਦੇ ਪਹਿਲਾਂ ਹੀ ਤਹਿ ਹੋ ਜਾਂਦੇ ਹਨ ।  ਫਿਰ ਕਾਤਲਾਂ ਨੂੰ ਲੱਭਣਾ ਆਸਾਨ ਨਹੀਂ ਹੁੰਦਾ ।

ਵੈਨਕੂਵਰ (ਪ੍ਰੋ. ਗੁਰਵਿੰਦਰ ਸਿੰਘ ਧਾਲੀਵਾਲ) - ਰੌਇਲ ਕੈਨੇਡੀਅਨ ਮੌਂਟੇਡ ਪੁਲਿਸ ਦੀ ਜਾਂਚ ਦੌਰਾਨ ਚਾਰਜ ਕੀਤੇ ਗਏ ਕੈਨੇਡੀਅਨ ਭਾਰਤੀ ਵਲੋਂ ਕੀਤੇ ਸਨਸਨੀਖੇਜ਼ ਪ੍ਰਗਟਾਵੇ ਨਾਲ, ਭਾਰਤ ਦੇ ਕੇਂਦਰੀ ਮੰਤਰੀ ਪ੍ਰਫੁਲ ਪਟੇਲ ਦਾ ਨਾਂ ਰਿਸ਼ਵਤਖੋਰੀ ਦੇ ਇੱਕ ਮਾਮਲੇ ’ਚ ਸਾਹਮਣੇ ਆਇਆ ਹੈ। ਕੈਨੇਡਾ ਦੇ ‘ਵਿਦੇਸ਼ੀ ਭ੍ਰਿਸ਼ਟਾਚਾਰ ਵਿਰੋਧੀ ਕਾਨੂੰਨ’ ਅਧੀਨ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਕਿਸੇ ਪਹਿਲੇ ਵਿਅਕਤੀ 64 ਸਾਲਾ ਨਜ਼ੀਰ ਕਾਰੀਗਰ ਨੇ ਕੈਨੇਡੀਅਨ ਪੁਲਿਸ ਕੋਲ ਮੰਨਿਆ ਹੈ ਕਿ ਉਸਨੇ ‘ਏਅਰ ਇੰਡੀਆ’ ਲਈ ਫੇਸ਼ੀਅਲ ਸਕਿਉਰਟੀ ਸਿਸਟਮ ਦਾ ਸੌਦਾ ‘ਕਰਿਪਟੋਮੈਟਰਿਕਸ’ ਹਾਈਟੈਕ ਸਕਿਉਰਟੀ ਫਰਮ ਨਾਲ ਕਰਵਾਉਣ ਲਈ ਉਸ ਵੇਲੇ ਦੇ ਭਾਰਤੀ ਸਿਵਲ ਏਵੀਏਸ਼ਨ ਮੰਤਰੀ ਪ੍ਰਫੁਲ ਪਟੇਲ ਨੂੰ ਢਾਈ ਲੱਖ ਡਾਲਰ ਦੀ ਰਿਸ਼ਵਤ ਦਿੱਤੀ ਸੀ। ਕੈਨੇਡੀਅਨ ਪੁਲਿਸ ਵਲੋਂ ਅਹਿਮ ਪ੍ਰਗਟਾਵੇ ’ਚ ਕਿਹਾ ਗਿਆ ਕਿ ਇਹ ਸੌਦਾ 100 ਮਿਲੀਅਨ ਡਾਲਰ (ਕਰੀਬ 500 ਕਰੋੜ ਰੁਪਏ) ਤੱਕ ਦਾ ਸੀ, ਜੋ ਕਿਸੇ ਵਜਾ ਕਾਰਨ ਸਿਰੇ ਨਹੀਂ ਚੜ ਸਕਿਆ। ਕੈਨੇਡੀਅਨ ਪੁਲਿਸ ਨੇ ਇਸ ਸਕੈਂਡਲ ਦੇ ਮਾਮਲੇ ’ਚ ਨਾਜ਼ੀਰ ਕਾਰੀਗਰ ਦੇ ਇੱਕ ਨਜ਼ਦੀਕੀ ਤੇ ਮੁੰਬਈ ਦੇ ਸਾਬਕਾ ਪੁਲਿਸ ਕਮਿਸ਼ਨਰ ਹਸਨ ਗਫੂਰ ਦਾ ਨਾਂ ਵੀ ਜ਼ਾਹਿਰ ਕੀਤਾ ਹੈ, ਜੋ ਉਸ ਸਮੇਂ ‘ਏਅਰ ਇੰਡੀਆ’ ਨਾਲ ਉਚ ਅਹੁਦੇ ’ਤੇ ਹੋਣ ਤੋਂ ਇਲਾਵਾ ਦੋਹਾਂ ਧਿਰਾਂ ’ਚ ਨੇੜਤਾ ਬਣਾ ਕੇ ਡੀਲ ਸਿਰੇ ਚਾੜਨ ਦੀ ਕੋਸ਼ਿਸ਼ ’ਚ, ਕਥਿਤ ਦੋਸ਼ਾਂ ਦੇ ਘੇਰੇ ’ਚ ਲਿਆ ਗਿਆ ਹੈ। ਸੰਨ 2008 ਤੋਂ ਕੈਨੇਡੀਅਨ ਪੁਲਿਸ ਵਲੋਂ ਉਕਤ ਮਾਮਲੇ ’ਚ ਹੋ ਰਹੀ ਜਾਂਚ ਤੋਂ ਇਲਾਵਾ ਅਮਰੀਕਨ ਖੁਫੀਆ ਏਜੰਸੀ ਐਫ. ਬੀ. ਆਈ. ਵੀ ‘ਅੰਡਰ ਕਵਰ ਸਟਿੰਗ ਅਪਰੇਸ਼ਨ’ ਵਿੱਚ ਸ਼ਾਮਲ ਹੈ। 

ਕੈਨੇਡੀਅਨ ਪੁਲਿਸ ਵਲੋਂ ਔਟਵਾ ਦੀ ਅਦਾਲਤ ’ਚ ਕੈਨੇਡੀਅਨ ਭਾਰਤੀ ਵਪਾਰੀ ਨਜ਼ੀਰ ਕਾਰੀਗਰ ਖਿਲਾਫ, ਭਾਰਤੀ ਮੰਤਰੀ ਨੂੰ ਰਿਸ਼ਵਤ ਦੇ ਕੇ ‘ਏਅਰ ਇੰਡੀਆ ਕੰਟਰੈਕਟ’ ਲੈਣ ਦੇ ਕੇਸ ਦਰਜ ਹੋਣ ਮਗਰੋਂ, ਅਣਕਿਆਸੇ ਕੈਨੇਡੀਅਨ ਸਕੈਂਡਲ ਨੂੰ ਲੈ ਕੇ ਭਾਰਤੀ ਵਜ਼ਾਰਤ ਅੰਦਰ ਖਲਬਲੀ ਮਚ ਗਈ ਹੈ। ਰੋਜ਼ਾਨਾ ਕੈਨੇ²ਡੀਅਨ ਅਖਬਾਰ ‘ਗਲੋਬ ਐਂਡ ਮੇਲ’ ਦੇ ਨਾਲ ਗੱਲਬਾਤ ਕਰਨ ਮਗਰੋਂ ਕੇਂਦਰੀ ਮੰਤਰੀ ਪ੍ਰਫੁਲ ਪਟੇਲ ਨੇ ਪ੍ਰਧਾਨ ਮੰਤਰੀ ਡਾ. ਮਨਮੋਹਣ ਸਿੰਘ ਨੂੰ ਪੱਤਰ ਲਿਖ ਕੇ, ਉਕਤ ਦੋਸ਼ਾਂ ਦਾ ਖੰਡਨ ਕੀਤਾ ਹੈ ਤੇ ਕੈਨੇਡੀਅਨ ਭਾਰਤੀ ਤੋਂ ਢਾਈ ਲੱਖ ਦੀ ਰਿਸ਼ਵਤ ਲੈਣ ਤੋਂ ਇਨਕਾਰ ਕੀਤਾ ਹੈ। ਉਧਰ ਮੁੰਬਈ ਦੇ ਸਾਬਕਾ ਕਮਿਸ਼ਨਰ ਪੁਲਿਸ ਹਸਨ ਗਫ਼ੂਰ ਨੇ ਵੀ ਆਪਣੇ ’ਤੇ ਲੱਗੇ ਦੋਸ਼ਾਂ ਨੂੰ ਬੇਬੁਨਿਆਦ ਦੱਸਿਆ ਹੈ। ਇਸ ਦੌਰਾਨ ਵਿਦੇਸ਼ੀ ਕੰਪਨੀਆਂ ਨਾਲ ਸੌਦਿਆਂ ਦੇ ਮਾਮਲੇ ’ਚ ਕੈਨੇਡਾ ਦੀ ਢਿੱਲੀ ਪਹੁੰਚ ਨੂੰ ਲੈ ਕੇ ਵੀ ਤਿੱਖੀ ਅਲੋਚਨਾ ਹੋ ਰਹੀ ਹੈ। 

   ਬ੍ਰਿਟੇਨ ਅਪ੍ਰਵਾਸੀ   ਨੀਤੀਆਂ ਵਿੱਚ ਅਹਿਮ ਬਦਲਾਅ  ਕੀਤੇ ਜਾ ਸਕਦੇ ਹਨ ।ਦੇਸ਼ ਦੇ ਅਪ੍ਰਵਾਸੀ ਮੰਤਰੀ  ਮੰਤਰੀ ਨੇ ਕਿਹਾ ਕਿ ਹੈ ਪ੍ਰਸਤਾਵਿਤ  ਨੀਤੀਆਂ ਦੇ  ਉਦੇਸ਼ ਕੇਵਲ  ਬ੍ਰਿਟੇਨ ਵਿੱਚ ਆ ਰਹੇ ਲੋਕਾਂ ਦੀ ਸੰਖਿਆ ਘੱਟ ਕਰਨਾ ਨਾ ਹੋ ਕੇ  ਇਹ  ਵੀ  ਨਿਸ਼ਚਿਤ ਕਰਨਾ ਹੈ ਕਿ ਅਜਿਹੇ ਲੋਕ  ਵੀ ਦੇਸ਼ ਵਿੱਚ ਆਉਣ  ਜੋ ਆਪਣਾ  ਜੀਵਨ ਪੱਧਰ    ਉਪਰ ਲਿਜਾ ਸਕਦੇ ਹੋਣ ।

   ਅਪ੍ਰਵਾਸੀ ਮੰਤਰੀ   ਡੇਮੀਅਨ ਗ੍ਰੀਨ  ਨੇ ਜੋ ਦੋ ਸ੍ਹੁਝਾਅ ਦਿੱਤੇ ਹਨ ਇਸ ਦਾ ਅਸਰ ਭਾਰਤੀ ਪੇਸ਼ੇਵਰਾਂ ਅਤੇ  ਸਕਿਲ ਵਰਕਰਾਂ ਤੇ ਪੈਣ ਤਹਿ ਹੈ।

 ਭਾਰਤੀਆਂ ਦੇ ਵਿੱਚ ਹਰਮਨਪਿਆਰਾ ਹੋਣ   ਚੁੱਕਾ  ਪੜਾਈ ਤੋਂ ਮਗਰੋਂ ਕੰਮ ਕਰਨ ਦਾ ਵੀਜ਼ਾ ਦੇਣ ਦਾ ਨਿਯਮ ਖਤਰ ਦੇ ਇਰਾਦੇ  ਸਰਕਾਰ ਪਹਿਲਾਂ ਵੀ   ਜਾਹਿਰ ਕਰ ਚੁੱਕੀ ਹੈ।

ਪਹਿਲਾ ਪ੍ਰਸਤਾਵ ਹੈ ਕਿ ਸਾਰੇ ਗੈਰ ਯੂਰਪੀ ਸੰਘ  ਪ੍ਰੋਫੈਸ਼ਨਲ ਜਿੰਨਾਂ ਦੀ ਸਲਾਨਾ  ਆਮਦਨ 31 000 ਪਾਊਂਡ ਤੋਂ ਘੱਟ ਹੈ   ਉਹਨਾਂ  ਨੂੰ ਵਤਨ ਵਾਪਸ ਭੇਜ ਦਿੱਤਾ ਜਾਵੇ । 

 ਦੂਸਰਾ ਪ੍ਰਸਤਾਵ  ਬ੍ਰਿਤਾਨੀ  ਨਾਗਰਿਕ  ਅਤੇ   ਇੱਥੇ ਰਹਿਣ ਵਾਲੇ ਲੋਕ  ਜੋ  ਵਿਦੇਸ਼ੀਆਂ ਨਾਲ ਸ਼ਾਦੀ  ਕਰਨਾ ਚਾਹੁੰਦੇ ਹਨ ਉਹਨਾਂ ਨੂੰ ਆਪਣੇ ਪਤੀ ਜਾਂ ਪਤਨੀ  ਨੂੰ ਯੂ ਕੇ ਲਿਆਉਣ ਲਈ   ਸਲਾਨਾ  ਆਮਦਨ 25 000  ਦਿਖਾਉਣੇ ਹੋਣਗੇ । 

 “ ਸਾਨੂੰ ਸਿਰਫ ਇਹ ਨਹੀਂ ਜਾਣਨਾ ਚਾਹੀਦਾ ਕਿ ਕਿੰਨੇ ਲੋਕ ਇੱਥੇ  ਜਾ ਰਹੇ ਹਨ  ਬਲਕਿ ਇਹ ਵੀ ਦੇਖਣਾ ਚਾਹੀਦਾ ਹੈ ਕਿ ਸਹੀ ਲੋਕ ਦੇਸ਼ ਵਿੱਚ ਆ ਰਹੇ   ਹਨ ਜਾਂ ਨਹੀਂ ,  ਖਾਸ ਕਰ ਉਹ ਲੋਕ   ਜਿੰਨ੍ਹਾਂ ਤੋਂ ਬ੍ਰਿਟੇਨ ਨੂੰ ਫਾਇਦਾ ਹੋਵੇ  , ਉਹ ਨਹੀਂ ਜੋ ਬ੍ਰਿਟੇਨ ਤੋਂ ਫਾਇਦਾ ਉਠਾਉਣ  ਆ ਰਹੇ ਹਨ । ”- ਡੇਮੀਅਨ ਗ੍ਰੀਨ 

  ਇਸਦਾ  ਉਦੇਸ਼ ਹੈ ਵਿਦੇਸ਼ੀ ਪਤੀ , ਪਤਨੀਆਂ ਨੂੰ ਸਰਕਾਰ ਤੋਂ ਵਿੱਤੀ ਸਹਾਇਤਾ ਪ੍ਰਾਪਤ ਕਰਨ ਤੋਂ ਰੋਕਣਾ ।

   ਡੇਮੀਅਨ  ਨੇ ਕਿਹਾ ਕਿ  ਪ੍ਰਧਾਨ ਮੰਤਰੀ ਕੈਮਰਨ ਦੀ ਗਠਬੰਧਨ ਸਰਕਾਰ ਦੇਸ਼  ਵਿੱਚ ਰਹਿਣ  ਦੇ ਲਈ ਆਉਣ ਲੋਕਾਂ  ਦੀ ਸੰਖਿਆ  ਸਾਲ 2015 ਤੱਕ  ਘੱਟ ਕਰਨ ਦੇ ਟੀਚੇ  ਦੇ ਕਰੀਬ  ਹੈ। 

 ‘ਅਮੀਰ ਪ੍ਰਵਾਸੀ’    ਉਪਰ ਕਥਿਤ ਬਿਆਨ ਸ੍ਰੀ   ਦਾ ਵਿਰੋਧ ਵੀ ਸੁਰੂ ਹੋ ਚੁੱਕਾ ਹੈ।

 ਚੰਡੀਗੜ੍ਹ ਪੁਲੀਸ ਨੇ ਵਿਦੇਸ਼  ਭੇਜਣ ਦੇ ਨਾਂਮ ਤੇ ਠੱਗਣ ਵਾਲੀਆਂ   ਅਜਿਹੀਆਂ ਕੰਪਨੀਆਂ  ਦੇ  ਦਫ਼ਤਰ ਨੂੰ ਜਿੰਦੇ ਜੜ੍ਹ ਦਿੱਤੇ ਹਨ ਜਿਹਨਾਂ ਕੋਲ   ਇਮੀਗਰੇਸ਼ਨ ਨਾਲ ਸਬੰਧਤ ਰਜਿਸਟਰੇਸ਼ਨ ਨਹੀਂ।   ਇਹਨਾ ਵਿੱਚ ਕੈਰੀਅਰ ਓਵਰਸੀਜ਼, ਡਬਲਯੂ। ਡਬਲਯੂ। ਆਈ। ਸੀ। ਐੱਸ।, ਜੀ। ਈ। ਸੀ। ਕੰਸਲਟੈਂਟ, ਰੈਪਿਡ ਗਰੋਥ, ਫਿਊਚਰ ਵਿੰਗਜ਼ ਕੰਸਲਟੈਂਟ, ਗਲੋਬਲ ਵੀਜ਼ਾ, ਸ਼ੇਰੇਵਾਲਾ ਓਵਰਸੀਜ਼, ਐਪਲ ਓਵਰਸੀਜ਼, ਰਾਜ ਨਿੰਬਜ਼ ਕੰਸਲਟੈਂਟ, ਸ੍ਰੀ ਬਾਲਾਜੀ, ਸਪੈਸੀਫਿੱਕ ਇਮੀਗ੍ਰੇਸ਼ਨ, ਕੋਨੈਕਸ, ਐੱਨ।ਐੱਸ। ਕੰਸਲਟੈਂਟ, ਜੇ। ਏ। ਇੰਟਰਪ੍ਰਾਈਜ਼ਜ਼, ਵੀਜ਼ਾ ਵੇਵ, ਪਾਲਟਾ ਟ੍ਰੈਵਲ, ਸੀ। ਐੱਸ। ਏ। ਇਮੀਗ੍ਰੇਸ਼ਨ, ਪੈਸੀਫਿੱਕ ਕੰਸਲਟੈਂਟ ਆਦਿ ਕੰਪਨੀਆਂ  ਸ਼ਾਮਿਲ ਹਨ।

 ਲਗਭਗ 150 ਅਜਿਹੀਆਂ ਕੰਪਨੀਆਂ ਨੂੰ ਨੋਟਿਸ ਜਾਰੀ ਕੀਤਾ ਕਿ  ਉਹ ਇੱਕ ਹਫਤੇ ਦੇ ਅੰਦਰ ਅੰਦਰ ਆਪਣੀ ਕੰਪਨੀਆਂ ਰਜਿਸਟਰਡ ਕਰਵਾਉਣ ।

 ਐਸ ਐਸ ਪੀ ਨੌਨਿਹਾਲ ਸਿੰਘ  ਨੇ ਦੱਸਿਆ  ਕਿ ਸ਼ਹਿਰ ਵਿੱਚ 186  ਇਮੀਗਰੇਸ਼ਨ ਸਲਾਹਕਾਰ ਕੰਪਨੀਆਂ ਹਨ ਜਿੰਨ੍ਹਾਂ ਵਿੱਚੋਂ 22 ਕੰਪਨੀਆਂ ਨੇ ਵਿਦੇਸ਼ ਮੰਤਰਾਲੇ ਤੋ ਮਾਨਤਾ ਪ੍ਰਾਪਤ ਕੀਤੀ ਹੈ ਜਦਕਿ ਬਾਕੀ ਕਾਗਜਾਂ ਤੋਂ ਗੋਰਖ ਧੰਦਾ ਚਲਾ ਰਹੀਆਂ ਹਨ । ਉਹਨਾਂ ਨਾ  ਸਰਕਾਰੀ ਸਰਟੀਫਿਕੇਟ ਹਨ  ਨਾ  ਵਿਦੇਸ਼ ਮੰਤਰਾਲੇ ਦੀ ਮਨਜੂਰੀ । 

 ਵਿਦੇਸ਼ ਮੰਤਰਾਲੇ ਦੇ ਚੰਡੀਗੜ੍ਹ ਸਥਿਤ ਖੇਤਰੀ ਦਫ਼ਤਰ ਦੇ ਅਧਿਕਾਰੀ ਸ੍ਰੀ ਪੀ  ਮੰਗਲਾਕਰ   ਨੇ ਦੱਸਿਆ ਕਿ   ਮਾਨਤਾ ਪ੍ਰਾਪਤ  ਇਮੀਗਰੇਸ਼ਨ ਕੰਪਨੀਆਂ ਦੀ ਸੂਚੀ   ਵਿਦੇਸ਼ ਮੰਤਰਾਲੇ ਦੀ ਵੈੱਬਸਾਈਟ ਦੇ   ਮੁਹੱਈਆ ਹੈ। 

  ਪ੍ਰਮੁੱਖ ਇਮੀਗਰੇਸ਼ਨ ਕੰਪਨੀ ਡਬਲਿਊ ਡਬਲਿਊ ਆਈ ਸੀ ਐੱਸ ਵੀ ਕੁਝ ਬੇਨਿਯਮੀਆਂ ਤਹਿਤ ਦੋਸ਼ੀ ਪਾਉਣ ਉਪਰੰਤ   ਇਸਦੇ ਸੈਕਟਰ 22 ਸਥਿਤ ਦਫਤਰ ਨੂੰ  ਵੀ ਤਾਲਾ ਲਾ ਦਿਤਾ ਗਿਆ। 

   ਬਠਿੰਡਾ : ਇੱਥੇ ਦੀ  ਕੇਂਦਰੀ ਜੇਲ੍ਹ ਵਿੱਚ ਇੱਕ ਹਵਾਲਾਤੀ ਅਸ਼ਵਨੀ ਕੁਮਾਰ ਦੀ  ਸਿਹਤ ਇਸ ਕਰਕੇ ਖਰਾਬ ਹੋ ਗਈ ਕਿਉਂਕਿ ਉਸ ਨੇ   ਜਿ਼ਆਦਾ ਮਾਤਰਾ ਵਿੱਚ ਨਸ਼ਾ   ਸੇਵਨ ਕਰ ਲਿਆ।  

ਸਥਾਨਕ ਸਿਵਲ  ਹਸਪਤਾਲ ਵਿੱਚ ਭਰਤੀ ਕਰਾਏ ਇਸ   ਵਿਅਕਤੀ ਨੂੰ  ਫਰੀਦਕੋਟ ਦੇ  ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਕਾਲਜ  ਵਿੱਚ ਰੈਫਰ ਕਰ ਦਿੱਤਾ ।

 ਜੇਲ੍ਹ ਵਿੱਚ ਨਸ਼ਾ ਕਿਸ ਤਰ੍ਹਾਂ ਪਹੁੰਚਿਆਂ ਤਾ ਜੇਲ੍ਹ ਸੁਪਰਡੈਂਟ ਨੇ ਕਿਹਾ ਕਿ ਉਹ ਛੁੱਟੀ ਤੇ ਹੋਣ ਕਾਰਨ ਇਸ ਅਣਜਾਣ ਹਨ ਪਰ  ਡਿਊਟੀ ਤੇ ਤਾਇਨਾਤ ਡਿਪਟੀ ਜੇਲ੍ਹ ਸੁਪਰਡੈਂਟ ਕੌਰ ਸਿੰਘ  ਨੂੰ  ਵੀ ਇਸ ਬਾਰੇ  ਕੁਝ  ਨਹੀਂ ।

 ਲੁਧਿਆਣਾ :  ਪਿੰਡ  ਹੰਬੜਾ  ਨੇੜੇ   ਇੱਕ ਸੜਕ ਦੇ ਬਣੇ ਫਾਰਮ ਹਾਊਸ ਵਿੱਚ  ਡੀ ਐਸ ਪੀ ਬਲਰਾਜ ਸਿੰਘ ਗਿੱਲ ਅਤੇ  ਬਿਜਨਸ ਘਰਾਣੇ ਦੀ  ਨੂੰਹ ਮੋਨਿਕਾ ਕਪਿਲਾ (34)  ਦੀਆਂ ਲਾਸ਼ਾਂ   ਮਿਲੀਆਂ ਹਨ ।

  ਮੋਗਾ ਵਿਖੇ ਤਾਇਨਾਤ  ਰਾਸ਼ਟਰਪਤੀ  ਐਵਾਰਡ ਵਿਜੇਤਾ  ਡੀ ਐਸ ਪੀ  ਬਲਰਾਜ ਸਿੰਘ ਦੀ ਸੋਫੇ  ਪਈ ਲਾਸ਼  ਉਪਰ ਤੇਜਧਾਰ ਹਥਿਆਰਾਂ ਦੇ ਨਿਸ਼ਾਨ ਸਨ । ਜਦਕਿ  ਮੋਨਿਕਾ ਦੀ ਅਰਧ ਨਗਨ ਲਾਸ਼  ਗੁਸਲਖਾਨੇ ਵਿੱਚ ਪਈ  ਸੀ ।

ਡੀਐਸਪੀ  ਗਿੱਲ ਕਿਸੇ ਨਜ਼ਦੀਕੀ  ਦੋਸਤ ਦੀ  ਕਾਰ ਲੈ ਕੇ ਘਰੋਂ  ਜਾਣ ਸਮੇਂ ਆਪਣੀ ਪਤਨੀ ਨੂੰ ਛੇਤ ਮੁੜ ਕੇ ਆਉਣ ਦਾ ਕਹਿ ਗਿਆ ਪਰੰਤੂ ਲਗਭਗ  ਇੱਕ ਘੰਟੇ ਬਾਅਦ ਜਦੋਂ   ਉਸਦੀ ਪਤਨੀ ਨੇ ਫੋਨ ਤੇ ਸੰਪਰਕ ਕਰਨਾ ਚਾਹਿਆ ਤਾਂ  ਦੋਵੇ ਫੋਨ  ਬੰਦ ਆ ਰਹੇ ਸਨ  ਇਸ ਕਾਰਨ  ਘਰ ਵਿੱਚ ਦਹਿਸ਼ਤ ਵਾਲਾ ਮਾਹੌਲ ਬਣ ਗਿਆ । 

 ਡੀਐਸਪੀ ਦੀ ਪਤਨੀ ਵੱਲੋਂ ਪੁਲੀਸ ਨੂੰ ਸੂਚਿਤ ਕੀਤੇ ਜਾਣ  ਤੇ    ਪੁਲੀਸ ਪਾਰਟੀ ਨੇ ਭਾਲ ਸੁਰੂ ਕਰ ਦਿੱਤੀ ।   ਉਹਨਾਂ ਦੇ ਕਿਸੇ ਨਜ਼ਦੀਕੀ ਦੋਸਤ ਦੇ ਦੱਸਣ ਤੇ ਪੁਲੀਸ ਪਾਰਟੀ ਉਕਤ ਫਾਰਮ ਹਾਊਸ ਵਿੱਚ  ਜਿੱਥੇ  ਬਾਹਰੋ   ਤਾਲਾ ਲੱਗਿਆ  ਤੋੜ ਕੇ ਜਦੋਂ ਪੁਲੀਸ ਅੰਦਰ ਜਾ ਕੇ ਦੇਖਿਆ ਤਾਂ  ਲਾਅਨ ‘ਚ  ਖੂਨ ਹੀ ਖੂਨ ਸੀ ।

 ਪੁਲੀਸ ਮੰਨ ਰਹੀ ਹੈ ਕਿ  ਹਮਲਾਵਰ  ਘੱਟੋ ਘੱਟ  ਤਿੰਨ ਜਣੇ ਹੋਣਗੇ ਕਿਉਂਕਿ  ਗਠੀਲੇ ਸਰੀਰ ਵਾਲੇ ਡੀਐਸਪੀ ਨੂੰ  ਕਾਬੂ ਕਰਨਾ ਇੱਕ ਵਿਅਕਤੀ ਦੇ ਵੱਸ ਦੀ ਗੱਲ ਨਹੀਂ ਸੀ । 

ਹਮਲਾਵਰਾਂ ਨੇ   ਗਿੱਲ ਦਾ ਸਰਵਿਸ ਰਿਵਾਲਵਰ, ਉਸਦੇ ਮੋਬਾਈਲ , ਮੋਨਿਕਾ ਦਾ ਮੋਬਾਈਲ ਵੀ  ਅਤੇ ਕਾਰ ਵੀ ਲੈ ਗਏ ।   ਕਾਰ ਨੂਰਪੁਰ ਬੇਟ  ਕੋਲੋਂ ਬਰਾਮਦ ਹੋ ਗਈ ਹੈ।

 ਡੀਸੀਪੀ  ਅਸ਼ੀਸ਼ ਚੌਧਰੀ ਦਾ ਕਹਿਣਾ ਹੈ ਕਿ  , “ ਇਹ ਹੱਤਿਆ ਸੁਪਾਰੀ ਦੇ ਕੇ  ਜਾਂ ਗਲਤੀ ਨਾਲ ਕੀਤੀ ਗਈ ਹੋ ਸਕਦੀ ਹੈ । ਗਿੱਲ ਦਾ ਅਕਸ  ਬੜਾ ਸਾਫ ਸੁਥਰਾ ਸੀ  ਅਤੇ ਇਹ ਕਾਰਵਾਈ  ਉਸਨੂੰ ਬਦਨਾਮ ਕਰਨ ਲਈ ਕੀਤੀ ਗਈ ਹੋ ਸਕਦੀ ਹੈ।  ਹੋ ਸਕਦਾ ਹੈ  ਡੀਐਸਪੀ ਅਤੇ  ਮੋਨਿਕਾ ਨੂੰ ਅਲੱਗ ਅਲੱਗ ਥਾਵਾਂ ਤੇ  ਕਤਲ ਕਰਨ ਮਗਰੋਂ ਇੱਥੇ ਇਕੱਠੇ ਕਰ ਦਿੱਤਾ ਹੋਵੇ । ਪੁਲੀਸ ਨੂੰ ਅਨੈਤਿਕ ਸਬੰਧਾਂ ਦਾ ਮਾਮਲਾ ਵੀ ਮੰਨ ਰਹੀ ਹੈ। ”

     ਸਿਵਲ ਹਸਪਤਾਲ ਵਿੱਚੋਂ ਮੋਨਿਕਾ ਦੀ ਲਾਸ਼ ਲੈਣ ਲਈ  ਕੋਈ ਵੀ ਪਰਿਵਾਰਕ ਮੈਂਬਰ ਨਹੀਂ ਪੁੱਜਾ  ਪਹਿਲਾਂ ਤਾਂ  ਉਸਦੀ  ਲਾਸ਼ ਦੀ ਸ਼ਨਾਖਤ ਕਰਨ ਤੋਂ ਵੀ ਇਨਕਾਰ ਕੀਤਾ ਜਾ ਰਿਹਾ ਸੀ ।

  ਇਸ ਫਾਰਮ ਹਾਊਸ ਦੀ ਇੱਕ ਚਾਬੀ  ਅਕਸਰ ਡੀਐਸਪੀ ਗਿੱਲ ਕੋਲ ਹੁੰਦੀ ਸੀ ਜਿਸ ਤੋਂ  ਉਸਦੇ ਕਿਰਦਾਰ  ਤੇ ਸ਼ੱਕ ਦੀ ਸੂਈ ਵੀ ਜਾਂਦੀ ਹੈ। 

   2 ਜੀ ਸਪੈਕਟ੍ਰਮ ਘੋਟਾਲੇ   ਦੇ  ਮਾਮਲੇ ਵਿੱਚ ਅਹਿਮ ਫੈਸਲਾ ਸੁਣਾਉਂਦੇ ਹੋਏ ਸੁਪਰੀਮ  ਕੋਰਟ ਨੇ 11 ਕੰਪਨੀਆਂ ਦੇ ਸਾਰੇ 22 ਲਾਇਸੈਂਸ ਨੂੰ ਗੈਰ ਕਾਨੂੰਨੀ ਮੰਨਦੇ ਹੋਏ ਰੱਦ ਕਰ ਦਿੱਤਾ ਹੈ।  

ਲਾਇਸੈਂਸ  ਵੰਡ  ਵਿੱਚ ਤਤਕਾਲੀ ਵਿੱਤ ਮੰਤਰੀ  ਦੀ ਭੂਮਿਕਾ ਦੇ ਸਵਾਲ  ਉਪਰ ਸੁਪਰੀਮ ਕੋਰਟ ਨੇ ਕਿਹਾ ਹੈ ਕਿ  ਮਾਮਲੇ ਦੀ ਸੁਣਵਾਈ  ਕਰ ਰਹੀ ਹੈ।  ਵਿਸ਼ੇਸ਼  ਅਦਾਲਤ ਇਹ ਫੈਸਲਾ    ਕਰਨ ਸਮਰੱਥ  ਹੈ ਕਿ ਉਸਦੀ  ਭੂਮਿਕਾ ਦੀ ਜਾਂਚ ਹੋਣੀ ਚਾਹੀਦੀ ਹੈ ਜਾ ਨਹੀਂ ।

 2 ਜੀ ਘੁਟਾਲੇ ਦੇ ਮਾਮਲੇ ਦੀ ਸੀਬੀਆਈ ਜਾਂਚ  ਉਪਰ ਨਿਗਰਾਨੀ  ਲਈ ਵਿਸ਼ੇਸ਼  ਜਾਂਚ ਦਲ  ਬਣਾਏ    ਮੰਗ ਤੇ  ਅਦਾਲਤ ਨੇ ਕਿਹਾ ਕਿ ਇਸਦੀ ਜਰੂਰਤ ਨਹੀਂ ਹੈ ਪਰ   ਕੇਂਦਰੀ ਚੌਕਸੀ  ਕਮਿਸ਼ਨ ਇਸਦੀ ਨਿਗਰਾਨੀ ਕਰੇਗਾ ।

 ਲਾਇਸੈਂਸ ਰੱਦ ਕੀਤੇ ਜਾਣ ਨਾਲ   ਇਹ  ਕੰਪਨੀਆਂ ਪ੍ਰਭਾਵਿਤ ਹੋਣਗੀਆਂ  - ਯੂਨੀਨਾਰ( ਯੂਨੀਟੈਕ ਅਤੇ ਨਾਰਵੇ ਦੀ ਯੂਨੀਨਾਰ ਦਾ ਸਾਂਝੀ ਕੰਪਨੀ ) , ਲੂਪ ਟੈਲੀਕਾਮ , ਸਿਸਟੇਮਾ ਸਿਆਮ ( ਸਿਆਮ ਅਤੇ ਰੂਸ  ਸਿਸਟੇਮਾ  ਦੀ ਸਾਂਝੀ ਕੰਪਨੀ ), ਏਟੀਸਲਾਟ ਡੀਬੀ ( ਸਵਾਨ ਅਤੇ ਯੂਏਈ ਦੀ  ਏਟੀਸਲਾਟ ਦੀ ਸਾਂਝੀ ਕੰਪਨੀ ) , ਐਸ-ਟੈਲ,  ਵੀਡਿਓਕਾਨ, ਟਾਟਾ ਅਤੇ ਆਇਡੀਆ।

 ਜਨਤਾ  ਪਾਰਟੀ ਦੇ ਪ੍ਰਧਾਨ ਸੁਬਰਾਮਣੀਅਮ ਸੁਵਾਮੀ ,  ਪ੍ਰਸਿੱਧ ਵਕੀਲ  ਪ੍ਰਸ਼ਾਂਤ ਭੂਸ਼ਣ ਦੀਆਂ ਅਲੱਗ ਅਲੱਗ  ਅਰਜ਼ੀਆਂ ਅਤੇ  ਇੱਕ ਸਮਾਜਸੇਵੀ ਸੰਗਠਨ ਦੀ  ਅਰਜੀ ਦੇ ਇਹ ਫੈਸਲਾ ਸੁਣਾਇਆ । 

 ਸੁਪਰੀਮ ਕੋਰਟ ਤਿੰਨ ਟੈਲੀਕਾਮ ਕੰਪਨੀਆਂ ਨੂੰ ਪੰਜ ਪੰਜ ਕਰੋੜ ਦਾ ਜੁਰਮਾਨਾ ਲਗਾਇਆ ਹੈ ਅਤੇ   ਟਰਾਈ  ਨੂੰ  2 ਜੀ ਲਾਇਸੈਂਸ  ਨੂੰ ਦੋਬਾਰਾ ਜਾਰੀ ਕੀਤੇ ਜਾਣ ਦੇ ਤਰੀਕੇ  ਤੇ   ਸੁਝਾਅ ਦੇਣ ਨੂੰ ਕਿਹਾ ਹੈ। 

 ਸੁਪਰੀਮ  ਕੋਰਟ ਨੇ ਸਰਕਾਰ ਨੂੰ ਕਿਹਾ ਹੈ ਕਿ  ਇੱਕ ਮਹੀਨੇ   ਵਿੱਚ  ਟੈਲੀਫੋਨ ਰੈਗੂਲੇਟਰੀ  ਦੇ  ਸੁਝਾਅ  ਉਪਰ  ਕੰਮ ਕਰੇ ,  ਨਾਲ ਹੀ   ਕਿਹਾ ਕਿ ਚਾਰ ਮਹੀਨਿਆਂ ਦੇ ਵਿੱਚ ਵਿੱਚ  ਨਿਲਾਮੀ ਦੇ ਜਰੀਏ   ਲਾਇਸੈਂਸ  ਦੀ ਵੰਡ ਕੀਤੀ ਜਾਵੇ ।

 ਦੋਸ਼ ਤਾਂ ਇਹ ਵੀ ਲੱਗੇ  ਸਨ ਕਿ   ਲਾਇਸੈਂਸ ਦੀ  ਵੰਡ ਸਮੇਂ ਵਿਆਪਕ ਪੱਧਰ ਦੇ ਘੋਟਾਲਾ ਹੋਇਆ ਹੈ  ਕਿਉਂਕਿ ਬਾਜ਼ਾਰ  ਦਰ   ਉਪਰ ਨੀਲਾਮੀ  ਦੀ ਥਾਂ ‘ ਪਹਿਲਾਂ ਆਓ ਪਹਿਲਾ ਪਾਓ’ ਦੇ ਆਧਾਰ   ਤੇ    ਵੰਡ ਕੀਤੀ ਸੀ  ਜਿਸ ਨਾਲ   ਸਰਕਾਰ ਨੂੰ  1.76 ਲੱਖ ਕਰੋੜ ਦਾ ਘਾਟਾ ਪਿਆ ਹੈ।  ਪਹਿਲਾਂ ਸਰਕਾਰ ਇਸਨੂੰ ਘੋਟਾਲਾ ਮੰਨਣ ਤੋਂ ਇਨਕਾਰ  ਕਰਦੀ  ਹੋਈ ਇਹ  ਕਹਿੰਦੀ ਰਹੀ ਕਿ  ਜੋ ਵੀ  ਹੋਇਆ ਨੀਤੀ ਦੇ ਆਧਾਰ ਤੇ ਹੋਇਆ ਹੈ। 

 ਸੀਬੀਆਈ ਨੇ ਇਸ ਮਾਮਲੇ ਵਿੱਚ ਤਤਕਾਰੀ ਕੇਂਦਰੀ    ਦੂਰ ਸੰਚਾਰ ਮੰਤਰੀ  ਏ ਰਾਜਾ ਨੁੂੰ ਮੁੱਖ ਦੋਸ਼ੀ ਬਣਾਇਆ ਹੈ।

ਨਵੀ ਦਿੱਲੀ, 2 ਫਰਵਰੀ

 ਸ੍ਰੋਮਣੀ ਅਕਾਲੀ ਦਲ ਦਿੱਲੀ-ਯੂਕੇ ਦੇ ਇਕ   ਵਫਦ  ਨੇ ਅੱਜ ਦਿੱਲੀ ਦੀ ਮੁੱਖ ਮੰਤਰੀ ਸ੍ਰੀਮਤੀ ਸ਼ੀਲਾ ਦੀਕਸਤ ਨਾਲ ਮੁਲਾਕਾਤ ਕਰਕੇ, ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਆਮ ਚੋਣਾਂ ਦੌਰਾਨ ਉਨ੍ਹਾਂ ਦੀ ਪਾਰਟੀ ਨਾਲ ਕੀਤੇ ਜਾ ਰਹੇ ਵਿਤਕਰਿਆਂ ਬਾਰੇ ਜਾਣਕਾਰੀ ਦਿੱਤੀ| ਵਫਦ ਦੇ ਮੈਂਬਰਾਂ ਨੇ ਮਾਨਯੋਗ ਮੁੱਖ ਮੰਤਰੀ  ਕਿਹਾ ਕਿ ਦਿੱਲੀ ਗੁਰਦੁਆਰਾ ਚੋਣ ਕਮਿਸਨ ਵੱਲੋ ਗੁਰਦੁਆਰਾ ਚੋਣਾਂ ਦਾ ਐਲਾਨ ਕਰ ਦਿੱਤੇ ਜਾਣ ਦੇ ਬਾਵਜੂਦ, ਉਨ੍ਹਾਂ ਦੀ ਪਾਰਟੀ ਹਾਲਾਂ ਤੱਕ ਚੋਣ ਨਿਸਾਨ ਨਹੀਂ ਦਿੱਤਾ ਗਿਆ| ਵਫਦ ਵੱਲੋ  ਦੋ ਸਾਲ ਪਹਿਲਾਂ ਹੀ ਚੋਣ ਨਿਸਾਨ ਦੀ ਮੰਗ ਕਰ ਦਿੱਤੀ ਗਈ ਸੀ| ਇਸਦੇ ਉਲਟ, ਮੌਜੂਦਾ ਸਮੇ ਵਿਚ ਹੋਦ ਨਾ ਰੱਖਣ ਵਾਲੀ ਇਕ ਪਾਰਟੀ ਵਾਸਤੇ ਚੋਣ ਨਿਸਾਨ ਜਾਰੀ ਕਰ ਦਿੱਤਾ ਗਿਆ ਹੈ| ਵਫਦ ਨੇ ਜਾਣਕਾਰੀ ਦਿੱਤੀ ਕਿ ਮੁੱਖ ਮੰਤਰੀ ਨੇ ਉਨ੍ਹਾਂ ਦੀ ਗੱਲ  ਸੰਜੀਦਗੀ ਨਾਲ ਸੁਣਿਆ ਅਤੇ ਮਸਲੇ ਦੇ ਜਲਦ ਹੱਲ ਵਾਸਤੇ ਤੁਰੰਤ ਗੁਰਦੁਆਰਾ ਚੋਣ ਡਾਇਰੈਕਟੋਰੇਟ  ਲੋੜੀਦੇ ਨਿਰਦੇਸ ਦੇ ਦਿੱਤੇ|
ਵਫਦ ਵਿਚ ਸਾਮਲ ਸ੍ਰੋਮਣੀ ਅਕਾਲੀ ਦਲ ਦਿੱਲੀ-ਯੂਕੇ ਦੇ ਸੀਨੀਅਰ ਆਗੂਆਂ ਪ੍ਰੇਮ ਸਿੰਘ, ਦਲਜੀਤ ਸਿੰਘ ਯੂਐਸ਼ਏ, ਪੀਐਸ਼ ਬਖਸੀ, ਸੁਖਬੀਰ ਸਿੰਘ ਕਾਲਰਾ, ਹਰਵਿੰਦਰ ਕੌਰ ਗਗਨ, ਜੀਐਸ਼ ਗੋਰਖਪੁਰੀਆ, ਅਮਰਜੀਤ ਸਿੰਘ ਰਾਜਨ, ਗੁਰਲੀਨ ਕੌਰ, ਸੁਰਿੰਦਰ ਸਿੰਘ, ਦਰਸਨ ਬੀਰ ਸਿੰਘ, ਰੁਪਿੰਦਰ ਕੌਰ, ਨਵਨੀਤ ਕੌਰ ਅਤੇ ਦਲਜੀਤ ਸਿੰਘ ਕਾਲਰਾ ਨੇ ਮੁੱਖ ਮੰਤਰੀ ਵੱਲੋ ਕੀਤੀ ਗਈ ਫੌਰੀ ਕਾਰਵਾਈ ਲਈ ਉਨ੍ਹਾਂ ਪ੍ਰਤੀ ਹਾਰਦਿਕ ਧੰਨਵਾਦ ਪ੍ਰਗਟ ਕੀਤਾ|

ਕਾਦੀਆਂ (ਮਕਬੂਲ ਅਹਿਮਦ)- ਮਨਸਾ ਦੇਵੀ ਤੋਂ 4 ਮਹੀਨੇ ਪਹਿਲਾਂ ਨਵਰਾਤਰਿਆਂ ਮੌਕੇ ਚੋਰੀ ਹੋਏ ਨਿਸ਼ਾਂਤ ਨਾਮੀ ਬੱਚੇ ਪੰਚਕੂਲਾ ਪੁਲਿਸ ਨੇ ਅੱਜ ਕਾਦੀਆਂ ਤੋਂ ਆਰੋਪੀ ਸਹਿਤ ਬਰਾਮਦ ਕਰ ਲਿਆ। 

 ਪੰਚਕੂਲਾ ਪੁਲਿਸ ਪਾਰਟੀ   ਨਜ਼ਦੀਕੀ ਪਿੰਡ ਰਾਮਪੁਰ ਪਹੁੰਚੀ ਅਤੇ ਸਬੂਤਾਂ ਦੇ ਅਧਾਰ ਤੇ ਉਨ੍ਹਾਂ ਕਸ਼ਮੀਰ ਸਿੰਘ  ਨਾਮੀ ਵਿਅਕਤੀ ਨੂੰ ਆਪਣੀ ਹਿਰਾਸਤ ’ਚ ਲੈ ਕੇ ਉਸ ਤੋਂ ਪੁੱਛ ਪੜਤਾਲ ਕੀਤੀ। 

  ਕਸਮੀਰ ਦੀ ਨਿਸ਼ਾਨਦੇਹੀ ਤੇ ਪੁਲਿਸ ਮੁਹੱਲਾ ਬਾਲਮੀਕ  ਬਰਾਮਦ ਕਰ ਲਿਆ ।  ਜਿਸ ਘਰੋਂ ਬੱਚਾ ਬਰਾਮਦ ਹੋਇਆ  ਉਸ ਮਹਿਲਾ ਨੇ ਦੱਸਿਆ ਕਿ   ਕਸਮੀਰ ਨੇ  ਇਹ ਬੱਚਾ  ਬੁੱਧਵਾਰ 1 ਲੱਖ 20 ਹਜ਼ਾਰ ’ਚ ਵੇਚਿਆ ਸੀ। ਜਿਸ ਦੀ ਪੇਸ਼ਗੀ ਵੱਜੋਂ ਉਸ ਨੂੰ 5 ਹਜ਼ਾਰ ਰੁਪਏ ਦਿੱਤੇ ਸਨ।  

ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਏ.ਐਸ.ਆਈ. ਮੰਗੇ ਰਾਮ ਨੇ ਦੱਸਿਆ ਕਿ ਬੱਚੇ ਦੇ ਮਾਮਾ ਆਸ਼ੂ ਵਿਨਾਇਕ ਨੇ ਪੰਚਕੂਲਾ ਪੁਲਿਸ ਨੂੰ 28 ਸਤੰਬਰ ਨੂੰ ਇਹ ਸ਼ਿਕਾਇਤ ਕੀਤੀ ਸੀ ਕਿ ਉਸਦੀ ਭੈਣ ਸਰਿਤਾ ਆਪਣੇ ਪਤੀ ਅਨਿਲ ਦੇ ਨਾਲ ਪਿੰਜੋਰ ਮਾਨਸਾ ਦੇਵੀ ਮੰਦਰ ’ਚ ਮੱਥਾ ਟੇਕਣ ਲਈ ਗਈ ਸੀ। ਇਸੇ ਲਾਇਨ ’ਚ ਖੜੇ ਕਸ਼ਮੀਰ ਸਿੰਘ ਨੇ ਬੱਚੇ ਦੀ ਪ੍ਰਸ਼ੰਸਾ ਕਰਦਿਆਂ ਬੱਚੇ ਨੂੰ ਆਪਣੀ ਗੋਦ ’ਚ ਲੈ ਲਿਆ। ਜਦ ਉਹ ਪਿਆਸ ਲੱਗਣ ਕਾਰਨ ਪਾਣੀ ਪੀਣ ਲਈ ਗਈ ਤਾਂ ਕਸ਼ਮੀਰ ਸਿੰਘ ਬੱਚੇ ਨੂੰ ਲੈਕੇ ਫ਼ਰਾਰ ਹੋ ਗਿਆ ਸੀ। ਉਨ੍ਹਾਂ ਦੱਸਿਆ ਕਿ ਇਸ ਮਾਮਲੇ ਨੇ ਨਵਾਂ ਮੌੜ ਉਸ ਸਮੇਂ ਲੈ ਲਿਆ ਜਦ ਬੱਚੇ ਦੇ ਮਾਮਾ ਨੇ ਬੱਚੇ ਦੀ ਤਲਾਸ਼ ਲਈ ਅਖਬਾਰਾਂ ’ਚ ਇਸ਼ਤਿਆਰ ਦੇਕੇ ਬੱਚੇ ਦੀ ਜਾਣਕਾਰੀ ਦੇਣ ਵਾਲੇ ਨੂੰ 50 ਹਜ਼ਾਰ ਰੁਪਏ ਦੇਣ ਦੀ ਘੋਸ਼ਣਾ ਕਰ ਦਿੱਤੀ। ਜਿਸ ਨੂੰ ਪੜ ਕੇ ਰਵੀ ਨਾਮੀ ਇਕ ਵਿਅਕਤੀ ਨੇ ਬੱਚੇ ਦੇ ਮਾਮੇ ਨੂੰ ਫ਼ੋਨ ਤੇ ਬੱਚੇ ਨੂੰ ਵਾਪਸ ਕਰਨ ਦੇ ਇਵਜ਼ ’ਚ 1 ਕਰੋੜ ਰੁਪਏ ਦੀ ਫ਼ਿਰੌਤੀ ਮੰਗੀ। ਜਿਸ ਤੇ ਪੁਲਿਸ ਨੇ ਕਾਰਵਾਈ ਕਰਦਿਆਂ ਆਏ ਫ਼ੋਨ ਨੰਬਰ ਨੂੰ ਟਰੇਸ ਕੀਤਾ ਅਤੇ ਉਕਤ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕਰਕੇ ਜੇਲ ਭੇਜਿਆ ਅਤੇ ਉਸ ਦੀ ਜਾਣਕਾਰੀ ਤੋਂ ਬਾਅਦ ਉਹ ਕਾਦੀਆਂ ਦੇ ਨਜ਼ਦੀਕੀ ਪਿੰਡ ਰਾਮਪੁਰ ਪਹੁੰਚੀ ਅਤੇ ਕਸ਼ਮੀਰ ਸਿੰਘ ਤੋਂ ਬਾਅਦ ਉਹ ਬੱਚੇ ਤਕ ਪਹੁੰਚ ਸਕੀ। ਪੰਚਕੂਲਾ ਪੁਲਿਸ ਬਰਾਮਦ ਬੱਚੇ ਸਮੇਤ ਆਰੋਪੀ ਨੂੰ ਲੈਕੇ ਰਵਾਨਾ ਹੋ ਗਈ।

   ਮਿਸਰ ਦੇ ਪੋਰਟ ਸਾਈਦ ਸ਼ਹਿਰ  ਵਿੱਚ  ਕੱਲ੍ਹ  ਇੱਕ ਫੁੱਟਬਾਲ ਮੈਚ ਦੌਰਾਨ ਪ੍ਰਸੰਸਕਾਂ  ਦੇ ਵਿਚਾਲੇ ਹੋਈ ਹਿੰਸਕ ਝੜਪ  ਦੌਰਾਨ ਘੱਟੋ ਘੱਟ  74 ਲੋਕਾਂ ਦੀ ਮੌਤ ਹੋ ਗਈ  ।  ਜਦਕਿ ਸੈਕੜੇ ਵਿਅਕਤੀ ਜ਼ਖ਼ਮੀ ਹੋ ਗਏ ।

 ਇਹ  ਲੜਾਈ  ਉਦੋਂ ਹੋਈ ਜਦੋਂ  ‘ਅਲ –ਮਾਸਰੀ’  ਅਤੇ ‘ਅਲ –ਅਹਿਲੇ’ ਕਲੱਬਾਂ ਦੇ   ਸਮਰਥੱਕਾਂ ਆਪਣੇ ਆਪਣੀਆਂ ਕਲੱਬਾਂ ਨੂੰ ਸਰਵ ਸ੍ਰੇਸਠ ਮੰਨ ਰਹੇ ਹਨ ।  ਮੈਚ ਦੌਰਾਨ ਹਿੰਸਕ ਦੌਰ ਉਦੋਂ ਸ਼ੁਰੂ ਹੋਇਆ ਜਦੋਂ ਅਲ –ਮਾਸਰੀ’   ਨੇ ਇਹ ਮੈਚ  3-1 ਦੇ ਮੁਕਾਬਲੇ ਨਾਲ ਜਿੱਤ ਲਿਆ ।

ਜਿਓ ਹੀ ਮੈਚ ਸਮਾਪਤ ਹੋਇਆ ਤਾਂ   ਅਲ –ਮਾਸਰੀ  ਦੇ ਸਮਰਥਕ  ਮੈਦਾਨ ਵਿੱਚ  ਨਿਕਲ  ਆਏ ਤੇ   ਅਲ- ਅਹਿਲੇ  ਟੀਮ ਦੇ ਸਮਰਥੱਕਾਂ ਅਤੇ ਖਿਡਾਰੀਆਂ  ਉਪਰ ਹਮਲਾ ਕਰ ਦਿੱਤਾ   ਜਿਸ  ਮਗਰੋਂ  ਸਟੇਡੀਅਮ ਵਿੱਚ ਮਗਦੌੜ  ਮੱਚ ਗਈ । 

ਮਿਸਰ ਦੇ ਸਿਹਤ ਮੰਤਰੀ   ਦਾ ਕਹਿਣਾ ਹੈ ਕਿ  ਮਿਸਰ ਵਿੱਚ ਫੁੱਟਬਾਲ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਡੀ ਘਟਨਾ ਹੈ। 

ਬੀਬੀਸੀ ਨੇ  ਸਮਾਚਾਰ ਏਜੰਸੀ  ਏਪੀ ਦੇ ਹਵਾਲੇ  ਨਾਲ ਦੱਸਿਆ  ਕਿ ਮ੍ਰਿਤਕਾਂ ਵਿੱਚ ਸੁਰੱਖਿਆ ਅਧਿਕਾਰੀ ਵੀ ਸ਼ਾਮਿਲ ਹਨ ਅਤੇ  ਜ਼ਖਮੀਆਂ ਨੂੰ ਹਸਪਤਾਲ ਲੈ ਜਾਣ ਲਈ  ਹੈਲੀਕਾਪਟਰਾਂ ਦੀ ਮੱਦਦ ਲਈ ਜਾ ਰਹੀ ਹੈ। 

ਬੀਬੀਸੀ ਦੇ  ਪੱਤਰਕਾਰਾਂ ਦਾ ਕਹਿਣਾ ਹੈ   ਲੋੜੀਂਦੇ ਸੁਰੱਖਿਆ ਪ੍ਰਬੰਧ ਨਾ ਹੋਣੇ ਵੀ ਇਸਦਾ ਮੁੱਖ ਕਾਰਨ ਹੋ ਸਕਦਾ ਹੈ। 

 ਪਿਛਲੇ ਸਾਲ  ਹੋਸਨੀ ਮੁਬਾਰਕ ਦੀ  ਤਖਤ ਪਲਟੇ ਜਾਣ  ਲਈ ਹੋਏ  ਜਨ -ਵਿਦਰੋਹ ਮਿਸਰ ਦੀ ਪੁਲੀਸ  ਦੇ ਵਤੀਰੇ ਵਿੱਚ  ਕਾਫੀ ਫਰਕ ਆਇਆ ਹੈ। 

   ਲੁਧਿਆਣਾ ਜਿਲ੍ਹੇ ਦੇ ਪਿੰਡ ਹੰਬੜਾ  ਦੇ ਨੌਜਵਾਨ ਬਲਜਿੰਦਰ ਸਿੰਘ ਨੇ   ਆਪਣੀ ਸਕੀ  ਭੈਣ   ਨਵਦੀਪ ਕੌਰ ਅਤੇ ਉਸਦੇ ਆਸ਼ਕ ਹਰਪ੍ਰੀਤ ਸਿੰਘ ਜੌਹਲ ਉਰਫ ਹੈਪੀ ਨੂੰ  ਬੁੱਧਵਾਰ  ਨੂੰ ਸਵੇਰੇ ਉਦੋਂ ਕਤਲ ਕਰ ਦਿੱਤਾ ਜਦੋਂ ਇਹ ਦੋਵੇ  ਘਰ ਵਿੱਚ  ‘ਇਤਰਾਜ਼ਯੋਗ’ ਹਾਲਤ ਵਿੱਚ  ਸਨ ।

  ਗੁੱਸੇ ਵਿੱਚ ਪਾਗਲ  ਹੋਏ  ਬਲਜਿੰਦਰ ਸਿੰਘ ਨੇ ਆਪਣੇ ਬਾਪ ਦੇ ਰਿਵਾਲਵਰ ਨਾਲ ਦੋਵਾਂ ਨੂੰ  ਗੋਲੀਆਂ ਮਾਰ ਦਿੱਤੀਆਂ ।

   ਬਾਕੀ  ਪਰਿਵਾਰ ਘਰੋਂ ਬਾਹਰ ਹੋਣ ਕਾਰਨ  ਕੋਠੀ  ਵਿੱਚ ਬਲਜਿੰਦਰ  ਅਤੇ ਉਸਦੀ  ਭੈਣ ਨਵਦੀਪ  ਇਕੱਲੇ ਸਨ । ਬਲਜਿੰਦਰ   ਆਪਣੇ ਬੈਡਰੂਮ ਵਿੱਚ ਸੁੱਤਾ ਸੀ ਅਤੇ  ਉਸਦੀ ਭੈਣ ਡਰਾਇੰਗ ਰੂਮ ਵਿੱਚ । ਸਵੇਰੇ  4:30 ਵਜੇ ਰੌਲਾ ਰੱਪਾ ਸੁਣ ਕੇ ਉਸਦੀ ਅੱਖ ਖੁੱਲ੍ਹ ਗਈ ਅਤੇ  ਆਪਣੇ ਪਿਤਾ ਦਾ ਰਿਵਾਲਵਰ ਲੈ ਕੇ   ਉਹ  ਬਾਹਰ ਨਿਕਲਿਆ ਤਾਂ ਦੇਖਿਆ ਕਿ  ਕੁੱਤੇ ਜਿਹੜੇ ਉਸਨੇ ਰਾਤ ਨੂੰ ਛੱਡੇ ਸਨ  ਹੁਣ ਉਹ ਪਿੰਜਰੇ ਵਿੱਚ ਬੰਦ ਹਨ  । ਫਿਰ ਉਸਦਾ ਸ਼ੱਕ ਪੱਕਾ ਹੋ ਗਿਆ ਕਿ 

ਘਰ ਵਿੱਚ ਕੋਈ  ਗੈਰ ਵਿਅਕਤੀ  ਹੈ । ਜਦੋਂ  ਉਹ  ਕਮਰਿਆਂ ਵਿੱਚ ਦੇਖਣ ਲੱਗਾ ਤਾਂ   ਆਪਣੀ ਭੈਣ ਨੂੰ  ਕਿਸੇ ਵਿਅਕਤੀ ਨਾਲ ‘ਸੱ਼ਕੀ ’ ਹਾਲਤ ਵਿੱਚ ਦੇਖਿਆ ਤਾਂ ਮੌਕੇ  ਤੇ ਦੋਵਾਂ ਉਪਰ ਚਾਰ ਗੋਲੀਆਂ ਦਾਗ ਦਿੱਤੀਆਂ ।

• ਪੁਲੀਸ ਨੇ   ਬਲਜਿੰਦਰ ਸਿੰਘ ਦੇ ਬਾਪ ਖਿਲਾਫ਼ ਵੀ ਚੋਣ ਜ਼ਾਬਤੇ ਲੱਗੇ ਹੋਣ ਦੇ ਬਾਵਜੂਦ ਘਰ ਵਿੱਚ ਅਸਲਾ ਰੱਖਣ ਦਾ ਮਾਮਲਾ ਦਰਜ ਕਰ ਲਿਆ ਹੈ। 

• ਮ੍ਰਿਤਕ ਆਸ਼ਕ  ਮੋਗਾ ਦਾ ਰਹਿਣ ਵਾਲਾ ਸੀ ।